O’ZBEKISTON RESPUBLIKASI RAQAMLI TEXNALOGIYALAR VAZIRLIGI
MUHAMMAD AL-XORAZMIY NOMIDAGI TOSHKENT AXBOROT TEXNALOGIYALARI UNVERSTITETI FARG’ONA FILLIALI
KOMPYUTER INJINERINGI FAKULTETI
712-20 GURUX TALABASI
XOLIQOV SHAHZODBEKNING
MALAKAVIY AMALIYOT XISOBOTI
KORXONADAN BIRIKTIRILGAN
AMALIYOT RAXBARI _____________________________
OTM DAN BIRIKTIRILGAN
AMALIYOT RAXBARI _____________________________
Bitiruv oldi amaliyot xisobotining
Reja qismi.
Kirish.
Amaliyot o’talgan korxona UzTelecom Haqida umumiy ma’lumot.
Nazariy qism.
1.Umumiy ma’lumot
2.UzTelecom Wifi o’rnatish
3. UzTelecom xizmatlariga ulanish uchun onlayn ariza berish
4. UzTelecom Farg’ona viloyati Rishton tuman filliali
5. UzTelecom shaxsiy kabinet
1 \“O‘zbektelekom” AK haqida umumiy ma’lumot
"O‘zbеktеlеkom" aksiyadorlik kompaniyasi o‘z tarmog‘i bilan O‘zbеkiston Rеspublikasi barcha hududlarini qamrab olgan yirik tеlеkommunikatsiya opеratori hisoblanadi. Zamonaviy tеxnologiyalar asosida qurilgan o‘zining tеlеkommunikatsiya tarmog‘idan foydalanib, Kompaniya barcha turdagi telekommunikatsiya xizmatlarini taqdim etadi.
"O‘zbеktеlеkom" AK muntazam ravishda, xalqaro aloqa tashkilotlari bilan aloqada faoliyat yuritadi, xalqaro tеlеkommunikatsiya loyihalarda ishtirok etadi, chеt el opеratorlari va tеlеkommunikatsiya uskunalari ishlab chiqaruvchi kompaniyalar bilan ikki tomonlama hamkorlik olib boradi.
"O‘zbеktеlеkom" AK Xalqaro elеktraloqa ittifoqi (XSI), aloqa sohasida Mintaqaviy hamjamiyat (ASMH), "Intеlsat" yo‘ldoshli aloqa tashkiloti bilan faol hamkorlik qiladi.
Kompaniyaning mahalliy tеlеkommunikatsiya tarmog‘i zamonaviy texnologiyalar asosida tashkil etilgan bo’lib doimiy ravishda modernizatsiya qilib boriladi.
2022 yilga kelib, Kompaniya 107 ta davlatda 174 ta xalqaro aloqa operatorlari bilan rouming hamkorlikni yo'lga qo'ygan. Bunda, UZTELECOM mobil aloqa abonentlari uchun dunyoning 102 mamlakatida rouming xizmatlari korsatiladi.
Kompaniyaning transport tarmog‘i zamonaviy tarmoq tеxnologiyalaridan foydalanish bilan optik-tolali va radiorеlеli liniyalar asosida tashkil etilgan. Yangi xizmat turlarini taqdim etishda yuqori sifatni ta’minlash va xizmat turlarini kеngaytirish maqsadida DWDM hamda IP-MPLS texnologiyalari orqali 100% zahiralangan, barqaror va yuqori tеzlikda ma’lumotlarni uzatish tizimlaridan foydalanilmoqda. Kompaniya Xalqaro pakеtli kommutatsiya markazi (XPKM) orqali rеspublikaning barcha operator va provaydеrlariga global Intеrnеt tarmog‘iga ulanish xizmatlarini taqdim etadi.
"O‘zbеktеlеkom" AK an’anaviy simli telefon aloqasi sohasida 30 ga yaqin xalqaro opеratorlar bilan hamkorlik asosida ikkita xalqaro kommutatsiya markazlari orqali xalqaro tеlеfon aloqasini ta’minlaydi.
2011-yildan UZTELECOM™ savdo bеlgisi Kompaniyaning bosh brеndi hisoblanadi.
UZTELECOM ™ bosh brеndi bilan milliy opеrator sifatida ichki va xalqaro bozorlarda opеratorlar uchun, mahalliy bozorda chakana savdo sеktori uchun barcha turdagi telekommunikatsiya xizmatlarini taqdim etadi.
Kompaniya tarkibida 14 ta hududiy va 8 ta ixtisoslashtirilgan, jami 22 ta filial faoliyat olib boradi. 2021 yil yakuniga ko’ra 17 mingdan ortiq xodimlar Kompaniyada faoliyat yuritmoqda.
"O‘zbеktеlеkom" AK respublikamiz hududida telekommunikatsiya xizmatlarini ko‘rsatuvchi sakkizta qo‘shma korxonalarda ulushiga ega.
"O‘zbektelekom" AK davlat hokimiyati organlari, idora va tashkilotlari, shuningdek yuridik va jismoniy shaxslardan iborat iste’molchilar uchun telekommunikatsiya xizmatlari bozorida so‘zsiz yetakchi o’rinlarni egallab kelmoqda.
Kompaniya eng so’nggi texnologiyalar joriy qilingan mobil aloqa tarmog’i orqali aholiga xizmat ko’rsatib kelmoqda. Kompaniya mobil aloqa tarmog’idagi barcha tayanch stansiyalari 3G/4G texnologiyalari bilan jihozlangan bo’lib, xozirgi kunda 5G texnologiyasini joriy qilish bo’yicha ishlar jadal sur’atlarda olib borilmoqda.
Kompaniya xizmatlarining yuqori sifati va ishonchliligi sifat menejmenti tizimiga muvofiq sertifikatlar bilan tasdiqlangan.
2013 yil 11 noyabrda “O‘zbektelekom” AKga sertifikatlashtirish auditi natijalariga ko‘ra O‘z DSt ISO 9001: 2009 (ISO 9001: 2008) standarti talablariga muvofiqlik sertifikati berildi.
2020 yilda “O‘zbektelekom” AK ISO 9001:2015 standarti talablari bo‘yicha xalqaro tizimda sertifikatlashdan muvaffaqiyatli o‘tdi, shuningdek, milliy tizimda O‘z DSt ISO 9001:2015 (ISO 9001:2015) standarti talablari bo‘yicha muvofiqligini tasdiqladi.
Kompaniya sifat menejmenti tizimi telekommunikatsiya tarmoqlarini loyihalashtirish, qurish va ulardan foydalanish, telekommunikatsiya xizmatlarini ko‘rsatish, Call-markaz xizmatlarini taqdim etishda qo‘llaniladi.
2021 yil – xalqaro axborot-kommunikatsiya tarmoqlariga kirishning umumiy tezligi 1800 Gbit/s gacha oshirildi.
50 575 km optik tolali aloqa liniyalari yotqizildi. Ushbu liniyalarning umumiy uzunligi 122,5 ming km ni tashkil etdi, optik tolali aloqa liniyalari bilan qamrab olish darajasi aholi punktlarining 57 foizini tashkil etadi.
Mobil aloqa xizmatlarini rivojlantirish uchun 2021 yilda 902 ta qo‘shimcha baza stansiyalari o‘rnatilib, ularning umumiy soni 19 233 taga yetdi.
O‘zbekiston bo‘ylab 3,4 million xonadonga keng polosali internetdan foydalanish imkoniyati taqdim etildi.
Aloqa kanallarining uzunligi, shu jumladan, shaharlararo, xalqaro va zonal optik tolali aloqa liniyalari 197,13 mln. kanal/km gacha oshdi.
Magistral transport tarmog‘ining quvvati 42,4 Tbit/s ga yetdi.
Isteʼmolchilar ovoz berish natijalariga ko‘ra, UZTELECOM aloqa sohasida 2021 yil brendi sifatida tanlandi.
2021 yilda keng polosali internetdan foydalanuvchilar soni 40 foizga oshib, 1,4 million abonentga yetdi. Mobil aloqa xizmatidan foydalanuvchilarning umumiy soni *** million abonentni tashkil etdi.
Xalqaro paketli kommutatsiya markaziga ulangan operator va provayderlar uchun tashqi internet-kanalning 1 Mbit/s narxi 25 foizga, yaʼni 40 043,14 so‘mdan 30 045,00 so‘mgacha arzonlashtirildi.
2021 yil may oyida Uptime Institute UZTELECOM bulutli data-markazining loyihalash hujjatlarini tasniflash bo‘yicha Tier III darajali xalqaro sertifikatiga loyiq deb topdi.Bu UZTELECOM bulutli data-markazining ishonchlilik darajasi Uptime Institute tasniflash bo‘yicha xalqaro Tier III tizimiga mos kelishini, yaʼni data-markaz infratuzilmasi “N+1” formulasi bo‘yicha zaxiralanganligini, xatolarga bardoshlik koeffitsiyenti esa 99,982% ni tashkil qilishini anglatadi.
2022 yil iyun oyida Germaniyada bo‘lib o‘tgan tadbirda kompaniya “MDHdagi eng yaxshi rivojlanayotgan mintaqaviy operator” deb topildi.
“Optik tolali aloqa liniyalarini qurish” loyihasi doirasida 2022 yilda 44,13 ming km optik tolali aloqa liniyalari qurilib, aholi punktlarini internet bilan qamrab olish darajasini 86 foizga yetkazish imkonini berdi.
2022 yilda bazaviy stansiyalarning umumiy soni 20 420 taga yetdi, aholi punktlarini mobil aloqa xizmatlari bilan qamrab olish darajasi 91 foizni tashkil etdi.
2022 yil yakuniga ko‘ra, mobil aloqa xizmatlaridan foydalanuvchilarning umumiy soni *** million abonentni tashkil etdi va o‘tgan yilga nisbatan 5 foizga o‘sdi.
Xalqaro paketli kommutatsiya markaziga ulangan operator va provayderlar uchun tashqi internet kanalining 1 Mbit/s narxi 30 037,88 so‘mgacha pasaytirildi.
Buxoro shahrida Google kesh serveri ishga tushirildi.
2022 yil yakuni bo‘yicha kompaniya xodimlarining umumiy soni 17 747 nafarni tashkil etib, shundan ayollar 26 foizni (4 595 nafar), 30 yoshgacha bo‘lgan yoshlar esa 28 foizni (4 906 nafar) tashkil etdi.
Toshkent metropoliteni UZTELECOM kompaniyasining mobil aloqa va mobil interneti bilan to‘liq taʼminlandi.
2023 – Kompaniya ketma-ket uchinchi marta “Aloqa” nominatsiyasida nufuzli «Yil brendi» mukofotini qo‘lga kiritdi.
2023 yil davomida UZTELECOM tomonidan respublika bo‘ylab 60 ming kilometrdan ortiq optik tolali aloqa liniyalari yotqizilib, umumiy uzunligi 227 ming kilometrdan ko‘proqqa kengaytirildi.
UZTELECOM O‘zbekiston bo‘ylab 6000 dan ortiq yangi tayanch stansiyalarini ishga tushirdi va yangiladi.
Berlin (Germaniya) shahrida bo‘lib o‘tgan GCCM Europe 2023 marosimida UZTELECOM “MDH mamlakatlari 2023 yilgi mintaqaviy operatori” unvoniga sazovor bo‘ldi.
2023 yilning 1- va 2-choraklarida O‘zbekistondagi “Eng tezkor mobil tarmoq” deb topildi.
Toshkent va Samarqand shaharlari to‘liq 5G bilan taʼminlandi.
Aholiga yuqori tezlikdagi internet xizmatlarini ko‘rsatishga mo‘ljallangan qurilmalarning umumiy sig‘imi 4,8 milliondan ortiq portgacha oshirildi.
100% ijtimoiy soha obyektlari, 92% aholi punktlari internet tarmog‘idan foydalanishi taʼminladi.
Telecom TV platformasi ishga tushirildi.
Hamkor Apple Inc. bilan olib borilgan muvaffaqiyatli muzokaralar tufayli O‘zbekistonda birinchi marta, iOS 16.4 versiyasiga yangilangan Apple qurilmalari foydalanuvchilari 5G tarmog‘iga ulanish funksiyasiga ega bo‘ldi
UZTELECOM Ookla® xalqaro kompaniyasining 2023 yilning 1-2-choragi bo‘yicha “Eng tezkor mobil tarmoq” nominatsiyasida oliy mukofotiga sazovor bo‘ldi.
UZTELECOM Markaziy Osiyoda Tencent CDN-serverlarini PUBG Mobile o‘yini uchun lokalizatsiya qilish loyihasini amalga oshirgan birinchi kompaniya bo‘ldi
“Toshkent” Respublika fond birjasida Kompaniya qimmatli qog‘ozlarini birlamchi joylashtirish bo‘yicha tadbirlar yakunlandi. Unda umumiy hajmi 5 542 046 dona bo‘lgan oddiy aksiyalarni auksionga qo‘yildi.
UZTELECOM mobil aloqa abonentlari uchun VoLTE texnologiyasini bosqichma-bosqich joriy qilishni boshladi
2.
Milliy operator hamyurtlarimizning talablariga koʻra “Internetga ulan va Wi-Fi routerga ega boʻl” aksiyasining amal qilish muddatini uzaytiradi!
Bundan tashqari, siz UZTELECOMdan internet xizmatlariga ulanishda yanada qulay shartlarda Wi-Fi routerga ega bo‘lasiz, chunki endi xizmatlarga ulanishda router 3 oy ichida sizniki bo‘lishi mumkin. Misol uchun: "YANGI-5" tarif rejasiga ulanganda router 3 oydan (hisob-kitob davri), "YANGI-4"ga – 6 oydan, "YANGI-3"ga ulanganda esa 12 oydan keyin sizniki bo‘ladi. Aksiya doirasida hozirgi vaqtda eng ilg‘or FTTB va GPON (optika) texnologiyalaridan foydalangan holda Internet xizmatlarini ulash uchun abonent qurilmalari taqdim etilgan bo‘lib, ular sizga yuqori sifatli xizmatlarni taqdim etish va deyarli har qanday foydalanuvchining Internetga ulanish tezligiga bo‘lgan ehtiyojini qondirish imkonini beradi!
Shuni ta’kidlash kerakki, routerga ulanish paytidayoq ega bo‘lasiz!
Va bu hammasi emas!
Ushbu aksiya bilan bir qatorda “Yanada ko‘proq tezlik” aksiyasi davom etmoqda! Ushbu aksiyaning o‘ziga xos xususiyati shundaki, “YANGI-2”, “YANGI-3” va “YANGI-4” tarif rejalarida foydalanish tezligi kuniga 18 soatgacha – soat 00:00 dan 18:00 gacha oshirilgan. Tunda, ertalab va kun bo‘yi 100 va 200 Mb/s lik (ulanish texnologiyasiga qarab) tezlikni his qiling!
UZTELECOM xizmatlariga Telegram-boti yordamida, rasmiy veb-sayt orqali yoki 1090 qisqa raqamiga qo‘ng‘iroq qilib oson va tez ulaning.
Aksiyalarning toʻliq shartlari haqida batafsil maʼlumot olish uchun quyidagi havolalarga oʻting:
Internetga ulaning, Wi-Fi routerga ega bo‘ling!
Yanada ko‘proq tezlik
Aksiya shartlari bilan bu yerda batafsil tanishishingiz mumkin.
UZTELECOM – Milliy operator!
3.
UZTELECOM xizmatlariga ulanishni istaysizmi? Oson va masofadan turibmi? “Optika” bo‘yicha yangi ulanish uchun jamoaviy arizalar qanday rasmiylashtiriladi? Bu kabi va boshqa savollarga javoblarni bizning quyidagi nashrimizda o‘qing.
2019 yilning 10 iyulidan keng polosali aloqa xizmatlariga ulanish uchun arizalarni masofadan turgan holda ham taqdim etish mumkin.
Keng polosali aloqa xizmatlariga ulanish uchun murojaat qiluvchi muayyan mijozlarga qulay sharoitlar yaratish maqsadida, arizalar bevosita «1084» qisqa raqami bo‘yicha Axborot markaziga qo‘ng‘iroq orqali, Kompaniyaning rasmiy sayti orqali qabul qilinadi: https://uztelecom.uz/onlayn-zayavka.
Mazkur xizmat shu qadar qulay va eng talabgor bo‘lib bormoqdaki, ushbu imkoniyatdan bugungi kunga qadar 1700 nafar arizachilar foydalanishdi. Kelib tushayotgan arizalarning aksariyati GPON texnologiyasiga ulanish bo‘yichani tashkil qilmoqda.
“Optika” bo‘yicha yangidan ulanish uchun jamoaviy arizalar qay tarzda rasmiylashtiriladi?
FTTx texnologiyasi bo‘yicha yangi abonentlarni ulashda ba’zida vaqt cheklovlari mavjud bo‘ladi. FTTx texnologiyasiga aynan bir uy yoki ko‘cha ulangan bo‘lishi uchun murojaat qilish zarur.
Masofadan turib ariza berish yangi xizmati tufayli yangi uyni ulash uchun “jamoaviy” arizalarni rasmiylashtirish yanada osonlashdi. Shunchaki qo‘shnilarga mazkur imkoniyat haqida xabar berish va onlayn ariza topshirish kerak.
Misol uchun, quyidagi manzil bo‘yicha ko‘plab onlayn arizalar kelib tushdi: Samarqand viloyati, Samarqand shahri, Sartepa ko‘chasi, 27-uy (15 dan ziyod arizalar)!
So‘ngra, ariza kelib tushgandan kundan 5 kun o‘tgach, yuqorida ko‘rsatilgan manzillarda GPON texnologiyasi bo‘yicha uskunalarni o‘rnatamiz!
Ulanish uchun murojaatlar soni bo‘yicha quyidagi manzillar navbatda:
Samarqand viloyati, Samarqand shahri, Sartepa ko‘chasi, 28-uy;
Toshkent viloyati, Toshkent shahri, Yunusobod tumani, Chinobod ko‘chasi, 88/11-uy.
UZTELECOM xizmatlariga ulanish uchun onlayn ariza berish – oson, masofadan, qulay!
Muayyan abonentlarimizga ulanish uchun arizalarni onlayn shaklda taqdim etishlarini taklif qilamiz. Endilikda bu ancha oson va muhimi – xizmatlarimiz arzon, sifatli va O‘zbekiston telekommunikatsiya bozorida noyobdir.
Mijozlarga xizmat ko‘rsatishda «O'zbektelekom» AK aloqa xizmatlariga ulanish uchun ariza berishdan boshlab mijozlarga yo‘naltirilgan o‘z yondoshuvini namoyon etmoqda.
Ishonchli yuqori tezlikdagi Internet, qulay va arzon tariflar, onlayn ariza berish har qanday qulay usulda. Biz Sizlarni kutib qolamiz!
4.
UZTELECOM tomonidan mamlakatimizda raqamli iqtisodiyotni rivojlantirish, buning uchun, eng avvalo, joylardagi mavjud infratuzilmalarni zamonaviylashtirish borasidagi tizimli ishlar o‘z samarasini bermoqda.
Ayniqsa, hududlardagi soha tarmoqlari va aholi uchun yuqori tezlikdagi sifatli internet tarmog‘iga ulanish imkoniyatini yaratib berish bo‘yicha olib borilayotgan faoliyatlar e’tiborga molik. Shu maqsadda respublikamizning barcha hududlariga optik tolali aloqa liniyalarini tortib borish ishlari ayni paytda jadal sur’atlarda amalga oshirilmoqda.
Bunday imkoniyat yetib borgan hududlarda esa raqamli iqtisodiyotga o‘tishning dastlabki bosqichlari – masofaviy ta’lim, elektron poliklinika xizmati hamda onlayn muloqotning zamonaviy namunalari keng namoyon bo‘lmoqda, xususan, Farg‘ona viloyatida ham. Boisi, joriy yilda mazkur hududdagi shahar va tumanlar kesimidagi bir qator aholi punktlari ham yuqori tezlikdagi sifatli internet tarmog‘iga ulanish imkonini beruvchi optik tolali aloqa kabellari bilan ta’minlandi.
Xususan:
Farg‘ona shahri;
Rishton tumani – Rishton shahri va Oqyer, Zohidon, Qayrag‘och, Qipchoq, Bujay aholi punktlari;
Oltiariq tumani – Zilxa, Poloson, Tinchlik aholi punktlari;
Toshloq tumani – Yakkatut, Arabmozor, Naymanbo‘ston aholi punktlari;
O‘zbekiston tumani – Yaypan shaharchasi hamda Pastkiquruq, Oyimcha Qaqir, Karimdevona, Begobod aholi punktlari;
Dang‘ara tumani – Mulkobod, Eski Shildir, Jar aholi punktlari;
Farg‘ona tumani – Yuqori Vodil, Avval va Vodil shaharcha aholi punktlari;
Qo‘shtepa tumani – Joybozor, Sarmozor, Quvirboshi aholi punktlari;
Uchko‘prik tumani – Katta Kenagas, Sobirjon, Sariqo‘rg‘on aholi punktlari;
Beshariq tumani – Nabi, Tovul, Chinobod aholi punktlari;
Furqat tumani – Chirkay, Shunqor aholi punktlari;
Qo‘qon shahri;
Marg‘ilon shahri;
Yozyovon tumani – Yozyovon shaharchasi;
Bag‘dod tumani – Bag‘dod shaharchasi.
E’tiborlisi, yaratilgan imkoniyatlar natijasida endilikda Farg‘ona viloyatining ushbu hududlarida faoliyat yurituvchi soha tarmoqlari hamda joylarda yashovchi aholi vakillari yuqori tezlikdagi Internet tarmog‘iga optik tolali aloqa liniyalari orqali ulanish imkoniyatiga ega bo’ladi.
Ta’kidlash joizki, bu kabi faoliyatlar respublikamizning barcha hududlari kesimida izchil davom ettirilmoqda.
5.
https://cabinet.uztelecom.uz/ps/scc/login.php?P_USER_LANG_ID=4
| 