SCIENTIFIC PROGRESS
VOLUME 3
ǀ ISSUE 2
ǀ 2022
ISSN: 2181-1601
Uzbekistan
www.scientificprogress.uz
Page 909
YOʻL-TRANSPORT TIZIMIDA EKOLOGIYA MASALALARI
Nodirjon Ibragimovich
Otaboyev
Nodir Tohirovich
Qudbiyev
Gulzodaxon Abdupatto
qizi Qudbiyeva
Farg‘ona politexnika instituti
ANNOTATSIYA
Maqolada yo‘l-transport tizimining samaradorligi va xavfsizligini hisobga olgan
holda atrof muhitga salbiy ta’sirini kamaytirish masalasi ko‘rib chiqildi. Yo‘l-transport
tizimlarini tashkil etishda va transport harakati xavfsizligini ta’minlash bo‘yicha chora-
tadbirlarni ishlab chiqishda atrof-muhitga salbiy ta’sirni kamaytirishning mavjud
muammolari va usullari tahlil qilindi.
Kalit so‘zlar: Avtomobil yo‘llari, zararli moddalar, toksinlar, transport oqimlari,
transport infratuzilmasi, avtomobil yo‘llarini rekonstruksiya qilish, davlat yo‘l siyosati,
yo‘l-transport kompleksi, ekologiya va atrof-muhitni muhofaza qilish.
ENVIRONMENTAL ISSUES IN THE ROAD TRANSPORT SYSTEM
ABSTRACT
The article considered the issue of reducing the negative impact of traffic on the
environment, taking into account the effectiveness and safety of the road transport
system. The existing problems and methods of reducing
the negative impact on the
environment in the organization of road traffic systems and the development of
measures to ensure traffic safety were analyzed.
Keywords: Highways,
harmful substances, toxins, traffic flows, transport
infrastructure,
reconstruction of highways, State road policy, road transport complex,
ecology and environmental protection.
Kirish. Har yili shaharlardagi millionlab odamlar
transport vositalaridan
chiqadigan havo ifloslanishi bilan bog‘liq kasalliklardan, shuningdek,
avtomobil
yo‘llaridan chiqadigan shovqinlardan aziyat chekmoqda.
Normativ hujjatlarda transport-yo‘l kompleksining atrof-muhitga salbiy ta’sirini
kamaytirish uchun bir qator tadbirlar belgilangan bo‘lib, ularning amalga oshirilishi
avtomobil yo‘llarini loyihalashtirish, qurish, ta’mirlash va saqlashga bo‘lgan
ekologik
talablarning ortishi bilan birga bo‘lishi kerak.[10] Avtotransport kompleksini
ekologizatsiyalashning mazkur yo‘nalishlarini amalga oshirish ekologiya va atrof-
muhitni
muhofaza qilish, bo‘lajak muhandislarning ekologik savodxonligini oshirish
borasida muayyan bilim va ko‘nikmalarni talab etadi.
