|
Jaylastırıw salasındaǵı xızmetlerdi basqarıw
|
| bet | 3/3 | | Sana | 21.12.2023 | | Hajmi | 33,33 Kb. | | #125825 |
Bog'liq Aqilbek rekreatsiya2.2. Jaylastırıw salasındaǵı xızmetlerdi basqarıw
Jaylastırıw salasındaǵı xızmetlerdi basqarıw - basqarıw mexanizminiń strukturalıq bólimlerinen biri bolıp, mıymanxana iskerligin shólkemlestiriw usılı bolıp tabıladı. Xızmetler sapasın basqarıw xızmetlerdi usınıw procesi qatnasıwshıları, kárxana hám xızmetler qarıydarları ortasındaǵı munasábetlerdi, xızmetlerdi islep shıǵarıw hám satıw processine tásir qılıw formaları hám usılların, basqarıwdıń shólkemlestirilgen dúzilisin hám xızmetkerlerdi xoshametlew shártlerin óz ishine aladı. Jaylastırıw xızmetleri sapasın basqarıwdıń maqseti sapanı jaqsılaw hám kárxananıń turaqlı básekige shıdamlı abıraın támiyinlewge qaratılǵan basqarıw procesiniń formaları hám usılların jetilistiriw bolıp tabıladı. Sapa salasında mıymanxana strategiyasın qáliplestiriwdiń tayanıshı standartlastırıw hám sertifikatlastırıw salasındaǵı nızamshılıq hám normativ-texnikalıq baza esaplanadı. Xızmet sapasın basqarıwdıń ayriqsha wazıypaları basqarıw iskerliginiń bólek táreplerin xarakteristikalaydı hám basqarıw obektiniń ayrım bólegine basqarıw sistemasınıń tásirin sáwlelendiredi. Eger sapa menejmenti sistemasınıń hár bir elementi turaqlı túrde qadaǵalansa hám rawajlandırılsa, mıymanxana sapalı xızmetti úzliksiz ámelge asırıwı hám sapalı xızmetlerdi usınıwı múmkin. Jaylastırıw xızmetlerin sapasın bahalaw málim bir mıymanxanada kórsetiletuǵın xızmetler sapası qaysı dárejede ekenligin anıqlawǵa múmkinshilik beredi. Onıń nátiyjeleri tiykarında mıymanxanada sapa menejmenti sisteması islep shıǵıladı, onıń maqseti xızmetler sapasın asırıw bolıp tabıladı. Bunday bahalaw mıymanxana xızmetlerin sapası salasındaǵı kemshiliklerdi kóriw imkaniyatın beredi. Kemshiliklerdiń joq ekenligi joqarı sapaǵa erisiwdi ańlatadı. Buǵan baylanıslı ministrler Kabinetiniń 2020 -jıl 10 - iyuldagi 433-san buyrıǵı menen “Turistik xızmetlerdi sertifikatlastırıw hám turistik industriya obektlerin klassifikaciyalaw tártibi haqqındaǵı Qaǵıyda” tastıyıqlanǵan. Bul Qaǵıyda talaplarına qaray bolsa sertifikatlastırıw jumısların ámelge asırıw óziniń nátiyjeli tásirin kórsetti. Sebebi turizm xızmetlerin sertifikatlashtırıwdıń eski sisteması ózin aqlamaǵan bolsa, kóp jıllar dawamında turizm xızmetlerin sapa hám qawipsizlik boyınsha standartlarǵa juwap bermetuǵın edi. Turizm xızmetlerin uzaq dáwirlerden qalǵan hám aktuallıǵın joǵaltqan, xalıq aralıq talaplarǵa juwap bermeytuǵın standartlar tiykarında sertifikatlashtırılar edi. Bunda Oray qasında Turizm xızmetlerin standartlastırıw salasındaǵı texnikalıq komitet dúzilgen. Házirgi kunge shekem bul texnikalıq komitet tárepinen xalıq aralıq talaplar menen muwapılastırılgan 14 mámleket standartı islep shıǵılǵan bolıp, sońǵı jıllarda olar tiykarında sertifikatlastırılgan jaylastırıw qurallarında kórsetiletuǵın xızmetlerdiń qawipsizligi hám sapasın támiyinlew sezilerli dárejede astı. Sonıń menen birge, mıymanxana biznesi wákillerine qolaylıq jaratıw hám de xizmet kórsetiw sapasın taǵıda asırıw maqsetinde mıymanxana xızmetlerin kórsetiw boyınsha bazalıq kónlikpelerdi qáliplestiriwge kómek beretuǵın jaylastırıw quralları xızmetkerleri ushın tekst hám audio materiallarınan shólkemlesken mobil qosımsha islep shıǵılǵan. Mıymanxana salasındaǵı xızmetler sapasın basqarıw - basqarıw mexanizminiń strukturalıq bólimlerinen biri bolıp, mıymanxana iskerligin shólkemlestiriw usılı bolıp tabıladı. Xızmetler sapasın basqarıw xızmetlerdi usınıw procesi qatnasıwshıları, kárxana hám xızmetler qarıydarları ortasındaǵı munasábetlerdi, xızmetlerdi islep shıǵarıw hám satıw procesine tásir qılıw formaları hám usılların, basqarıwdıń shólkemlestirilgen dúzilisin hám xızmetkerlerdi xoshametlew shártlerin óz ishine aladı. Atap aytqanda, «housekeeping», «reception» hám ofitsiant xızmet túrleri boyınsha arnawlı sheberlik sabaǵı formasındaǵı videorolikler tayarlanıp, keń jámiyetshilik hám tarawdıń wákilleri arasında usınıs etilip úgit-násiyatlaw alıp barılmaqta. Hár qanday xızmetlerdi, sonday-aq, turizm xızmetlerin satıw tovarlar menen sawda etiwden bárinen burın, sonıń menen parıq etedi, xızmet onı kórsetetuǵın xızmetkerlerden ajıralmaytuǵın bolıp tabıladı. Usınıń sebebinen turizm biznesinde klientler menen qatnas jasawdı biliwge ayrıqsha itibar beriledi. Barlıq xızmetkerler, ásirese, klientler menen úzliksiz mámile etetuǵın xızmetkerler arnawlı oqıtıp -uyretiledi. Olarǵa túrli esitiw, sóylesiw hám t.b. uyretiledi. Hár bir taypa xızmetkerler (qabıllaw xızmeti, barmenlar, ofitsiantlar) ushın tolıq jollamalar islep shıǵıladı. Xızmetkerler ushın belgilengen ulıwma qaǵıydalardan tómendegilerdi kórsetiw múmkin: • jaylastırıw xızmeti jumısshısı klientke kerek bolǵan waqıtta mudam járdem kórsetiwge tayın bolıwı kerek; • jaylastırıw xızmetiniń qandayda bir jumısshısı miyman menen tartısıwǵa haqılı emes; • xızmetker miymanǵa óziniń unamlı munasábetin kórsetiwi, mısalı: oǵan húrmet kórsetiwi, sıpayı bóliwi, dawısın kótermewi, hátte klient ashıq -aydin nadurıs ıs tutsa da óz narazılıǵın sezdirmewi kerek • klientke tolıq informaciya beriwdi, biliwi kerek; • klienttiń máseleleri asıǵıslıq penen hám tez sheshiliwi kerek. Eger xızmetker mashqalanı ózi sheshe almasa, ol klientti menejer aldına jiberiwi (jaqsısı, onıń aldına baslap barıwı) kerek. • Jaylastırıw xızmeti xizmetkerleriniń sırtqı kórinisine óz aldına itibar beriledi. Olar arnawlı belgilengen forma kiyiminde bolıwları shárt. Bunda klientler menen tikkeley mámile etpeytuǵın xızmetkerler forması klientler menen mámile etetuǵın xızmetkerler formasınan parq etkeni maqul. Bul xızmetkerlerdi baqlawdı jeńillestiredi. Forma taza, daqsiz, utyuglanǵan, barlıq tuymeleri jayında bolıwı kerek. Bunnan tısqarı, xizmetkerler tómendegi usınıslarǵa da ámel etiwleri kerek: • miymanlardıń ısınısların, olar jaqsı kóretuǵın ishimliklerdi eslep qalıwları; • barlıq klientlerge birdey waqıt ajıratıwları; • klientlerdiń sáwbetlerine qulaq solmawı; • klienttiń usınısisiz óz pikirin bildirmewi; • klientler penen siyasat hám dindi talqılaw boyınsha sáwbetlespewi; • klientler aldında óz kásiplesleri menen jánjellespewleri kerek; • xizmetker óz kásiplesi menen soylesip bolıwın klient kútip turmawı kerek; • xızmetker klientke xızmettiń ámeldegi bir neshe variantınan birewin tańlawdı usınıwı kerek; • mıymanxana, ozi kórsetetuǵın túrli xızmetler qayda jaylasqanı, awqat buyırtpa qılıw dástúrleri hám t.b. haqqında múmkinshiligi bolǵanınsha tolıq xabarlı bolıwı kerek; • telefon arqalı sóyleskende kóbi menen 3-4 gudok shalınǵanınan keyin telefon trubkasın kóteriwi, óz mıymanxanası (yamasa mıymanxana xızmeti) hám óz famılıyasın aytıp, ózin tanıstırıwı kerek.
Eger xızmetker qońıraw etken adamǵa tezlik penen juwap bere almasa, odan qayta qońıraw qılıwdı ótinish etiwi yamasa onıń telefon nomerin jazıp alıwı kerek. Klient informaciyanı 45 sekundtan kóp kútpewi kerek. Eger xızmetker klientti bunnan kóbirek waqıt kuttirip qoysa, ol klientten taǵı kútiwge razı yamasa razı emesligin soranıwı yamasa onıń menen keyin baylanısıwı kerek. Jaylastırıw xızmetlerinde klienttiń xızmetlerden qanaatlanǵanlıǵı boyınsha maǵılıwmat beriw sisteması bolıwı kerek. Bunday sistemanıń informaciya derekleri tómendegilerden ibarat. 1. Baqlaw. Barlıq dáreje menejerleri qanaatlandırarsız xızmet kórsetiliwi belgilerin turaqlı qıdırıwları kerek. Bunday belgilerge gezek kútiw, klienttiń informaciyanı uzaq kútip qalıwı, klientlerge xızmetkerlerdiń bıyparıqlıǵı, klientke berilgen wádelerdiń atqarılmawı hám b. kiredi. Menejerlerdiń baqlawınan tısqarı, waqtı -waqtı menen mıymanxanaǵa tekseriwshi jiberiliwi, ol ápiwayı klient kórinisinde mıymanxananıń barlıq xızmetleri menen baylanısıwı hám óz baqlawları haqqında mıymanxana administraciyasına informaciya beriwi kerek. 2. Jaylastırıw xızmetleri arasında soraw ótkeriw. Sorawnamalar ádette nomerlerde turadı. Toltırılǵan sorawnamalardı mıymanxana xızmetkerleri jıynap aladı hám keyin olarǵa marketing bóliminde islew beriledi. 3. Jaylastırıw xızmeti jáne onıń ayrim bólimleri finanslıq kórsetkishlerin analiz qılıw. 4. Klientlerdiń qanaatlanǵanlıq dárejesi haqqında paydalı informaciya aydawshılar arqalı alınıwı da múmkin. Sebebi klientlerdiń bir bólegi aeroportqa ketip baratırıp olar menen soylesedi. 5. Klientlerdiń shaǵımları puqta islewden ótkeriledi hám olar boyınsha kórsetiletuǵın xızmetler sapasın jaqsılaw hám klientlerdiń qanaatlanǵanlıq dárejesin asırıw imkaniyatın beretuǵın tiyisli sharalar kóriledi. Klientler shaǵım etiwi múmkin bolǵan xızmetkerlerge narazı klientler menen qanday mámile etiw haqqında jol-joba kórsetiliwi shárt. Bunday jollamanıń ayrım bántleri tómende keltirilgen: • narazı klienttiń shaǵımın dıqqat penen esitiń, hár qanday shaǵım - bul, bárinen burın, xizmet kórsetiw dárejesin jaqsılawǵa járdem beriwi múmkin bolǵan paydalı informaciya • saldamlılıqtı joǵaltpay, narazı klientti basqa klientler esitpewi ushın shetke alıp shıǵıń.
Juwmaq
Turizmda jaylastırıw quralları restoranlar ushın áhmiyetke iye bolǵan bir neshe xızmetler hám texnologiyalar bolıp tabıladı. Bul qurallar restoranlarga óz xızmetlerin basqa sayaxatshılarǵa usınıw, qarıydarlarǵa qolaylıqlar kórsetiw hám marketingdi rawajlandırıwda járdem bere aladı. Tómendegi turizm jaylastırıw quralları, restoranlar mısalında kórsetilgen:
Restoranlar ushın onlayn platformalar arqalı stol buyırtpaların qabıllaw hám onlayn rezervatsiyalar alıw múmkinshiligi, sayaxatshılarǵa qolaylıq kórsetedi hám restoranlarga qarıydarlardı ózlestiriwde járdem bere aladı.
QR kodlar arqalı restoranlardiń menyu ilgishlerin alıw hám onlayn menyu menen tanısıw, qarıydarlarǵa restoranniń usınıs etken tamaqlar hám ishimliklerge ózlerin oqıw hám tanısıw múmkinshiligin beredi.
Elektronik tólew sistemaları, sayaxatshılar ushın tólewdi qolay hám tez orınlaw múmkinshiligin usınıs etedi. Plastik kartalar, mobil tólew qosımshaları yamasa basqa elektronik tólew quralları arqalı qarıydarlar tólewlerin ámelge asırıwları múmkin.
Onlayn tamaq buyırtpalar hám jetkiziw xızmetlerin, restoranlarǵa qarıydarlarǵa jolda waqtıńızdı únemlewge járdem bere aladı. Bul, qarıydarlarǵa óz qarıydarları ushın tez hám qolay xizmet kórsetiwde járdem bere aladı.
Bul turizm jaylastırıw quralları restoranlar ushın qarıydarlardı tartıw, xizmet kórsetiw hám marketingdi rawajlandırıwda járdem bere aladı. Bul qurallar restoranlarǵa xızmetlerin sapasın asırıwda hám qarıydarlardı qollap-quwatlawda zárúrli áhmiyetke iye.
Paydalanilgan adebiyalar.
1. https://titf.uz/uz/txty-yangiliklari/o-zbekistonda-joylashtirish vositalari-sohasini-rivojlantirish/
2. Джанджугазова Е. А., Учеб. пособие для студ. высш. учеб. заведений. — М.: Издательский центр «Академия», 2003. — 224 с.
3. Джардемов Диас Дауренович. Использование маркетинга в гостиничном бизнесе. //Маркетинг, реклама и PR «Молодой учёный». № 18 (308). Май 2020г. с.т 181-184
4. www.gazeta.uz
5. www.ferganatourism.uz
|
| |
