1-LABORATORIYA ISHI
VL80 ELЕKTRОVОZINING KUCH ELЕKTR QURILMАLARINI O’RGАNISH
Yarim o‘tkazgichli diodlarni tekshirish.
I. Ishdan maqsad:
Yarimo’tkazgichli diodlarni tekshirish (Nochiziq rezistiv qarshilikli zanjirlar)
Qisqa nazariy ma’lumotlar:
DIODLAR VA ULARNING TURLARI
Diodlar-yarimo’tkazgichli,teshik-elektronli p-n o’tish joyiga ega bo’lgan elektr o’zgartirgich bo’lib, ular ikkita chiqish joyiga ega: A anod va K katod (1.1-rasm).
Shartli belgilarda tokni o’tkazish yo’nalishi strelka ko’rinishida belgilanadi. Bu elementning asosiy xususiyati – tokni bir tomonga o’tkazish. Demak, yarimo’tkazgich qutbiga ko’ra tubdan har xil o’tkazuvchanlikka ega. Tokning yo’nalishini o’zgtirib diodni ochish va yopish mumkin. Diodning bu xususiyatidan turli sohalarda elektron sxemalarni tuzishda keng qo’llaniladi. Ya’ni benuqson diod elektr tokiga nisbatan klapan sifatida ishlaydi. U elektr tokini to’g’ri yo’nalishda, ya’ni anoddan katod tomonga o’tkazadi, teskari tomonga – katoddan anodga esa o’tkazmaydi.
1.1-rasm. Diodlarni sxemalarda belgilanishi va tashqi ko’rinishi.
Diodlar bir qator belgilar bo’yicha tasniflanadi va ularning eng muhimlari sifatida vazifalarini, konstruktiv-texnologik xususiyatlarini, yarimo’tkazgichlarni tayyorlashda ishlatiladigan dastlabki maрsulotlarning turlarini ko’rsatish mumkin. Vazifasi bo’yicha diodlar to’g’rilovchi, yuqori chastotali o’ta yuqori chastotali (YuCh- va O’YuCh- diodlar), impulsli, yarimo’tkazgichli stabilitronlar (tayanch diodlar), tunnelli, varikapli va boshqalarga bo’linadi; konыtruktiv-texnologik xususiyatlari bo’yicha – yassisimon va nuqtali; ishlatilgan dastlabki mahsulotlar bo’yicha - germaniyli, kremniyli, selenli, arsenid-galliyli, karbidkremniyli, antimonid-indiyli kabilar.
To’g’rilovchi diodlar. To’g’rilovchi diodlar – chastotasi cheklangan doirada (50 Gts ... 100 кGts) bo’lgan, o’zgaruvchan tokni o’zgarmas tokka aylantirish uchun xizmat qiladigan yarimo’tkazgichli diodlardir.
|