14-Tema: Qız balalar sumkasın tigiw texnologiyası menen tanıstırıw
(2 saat ámeliy)
Kerekli ásbap hám úskeneler: jumıs qutısı, santımetr lentası, qálem, sızǵısh, 1 m ólshemde millimetr qaǵazı, monshaq, arnawlı iyne, tigiw mashinası, qayshı, oymaq.
Tómende qol sumkasın tayarlaw processi haqqında maǵlıwmat berilgen (68-súwret). Bul sumkasha jolaq gulli tıǵız toqılǵan hám zıǵır talshıqlı gezlemeden tigilgen. Buǵan 150 sm keńliktegi gezlemeden 60 sm sarp etiw boladı. Sonday aq, jumsaq jelimli qotırma, hám de sumka túbine uqsas túrde 30 x7, 5 sm ólshemde qattı qatırma material, sumka awızın jawıp qoyıw ushın 3-4 mm qalıńlıqta, 1, 4 m uzınlıqta shnur, bezetiw ushın túrli monshaqlar kerek boladı. Bul sumkashanı tıgıw ushın aldın onıń úlgisi tayarlap alınadı. Ol tómendegi detallardan ibarat :
a - sumkanıń tiykarǵı bólimlerin boyı 22 sm hám eni 30 sm - 4 pishiledi;
b - 2 dana aralıq detal, sumkanı kóteriw bántleri menen pútin pishilgen. Onıń ólshemleri 148 x7, 5 sm;d - 1 kishkene qalta. Onıń biyikligi 10 sm, joqarı bólegindegi keńligi 16 sm hám tómengi bólegi keńligi 13 sm.
Sumka sızılmasın sızıw ushın sızǵısh, millimetr qaǵazı, qálem kerek boladı. Sızılma 69 -suwretde kórsetilgeni sıyaqlı ólshemlerde sızıp alınadı hám hámme táreplerinen 1 sm tigis haqı qaldırıp qırqıp alınadı.
Pishiw processinde sumka eskizine qaray, gezleme gúliniń baǵdarın tuwrı qoyıw kerek. Pishilgen detallar tekseriledi hám tıgıwge tayarlanadı.
Sumka dizaynlarınan úlgiler
Sorawlar
1. Qol sumkаsın tutıw qаshsn úrip-ádet bolǵаn?
2. Házirgi kúnde sumkаlаr qаndаy mаteriаllаrdаn tigiledi?
3. Qol sumkаsınıń úlgisi qаndаy tаyarlаnаdı?
|