2016 yilning I yarim yilligi bo’yicha axborot texnologiyalari va kommunikatsiyalari sohasida amalga oshirilgan ishlar sarhisobi




Download 17.5 Kb.
Sana24.03.2017
Hajmi17.5 Kb.
#1859

2016 yilning I yarim yilligi bo’yicha axborot texnologiyalari va kommunikatsiyalari sohasida amalga oshirilgan ishlar sarhisobi

2016 yilning 19 iyul kuni Axborot texnologiyalari va kommunikatsiyalarini rivojlantirish vazirligining 2016 yilning I yarim yilligidagi faoliyati sarhisobi, axborot-kommunikatsiya texnologiyalarini rivojlantirishning borishi, istiqboldagi vazifa hamda loyihalarni belgilashga bag‘ishlangan Hay’at majlisi tashkil qilindi.

Yig‘ilishda Vazirlikning rahbar va mas’ul xodimlari, hududiy boshqarma boshliqlari, axborot texnologiyalari va kommunikatsiyalari sohasida faoliyat yurituvchi aksiyadorlik kompaniyalari, korxonalar va tashkilotlar va ularning hududiy rahbarlari ishtirok etishdi. Shuningdek sohaning hududiy tashkilotlari xodimlari, Qoraqalpog‘iston Vazirlar Kengashi hamda viloyat hokimliklari huzuridagi Komputerlashtirish markazlari mas’ullari yig’ilishni videokonferensiya shaklida kuzatib borishdi.

Yig’ilishda O‘zbekiston Respublikasi Prezidenti Islom Karimovning Vazirlar Mahkamasining 2016 yil 15 yanvardagi majlisidagi mamlakatimizni 2015-yilda ijtimoiy-iqtisodiy rivojlantirish yakunlari va 2016-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan kengaytirilgan ma’ruzasida sohada yuklatilgan vazifalarni amalga oshirish masalalari ko’rildi.

Hay’at yig‘ilishida ta’kidlanganidek, 2016 yilning birinchi choragida axborot texnologiyalari va kommunikatsiyalarini rivojlantirish tizimida faoliyat ko‘rsatayotgan korxonalar tomonidan ko‘rsatilgan xizmatlar hajmi 11,4 % ga, jumladan, aholiga ko‘rsatilgan xizmatlar hajmi 24,7 % ga o'sgan, shuningdek, komputer dasturlari bilan bog‘liq xizmatlar 12,2 % ga oshgan.

Xalqaro axborot tarmoqlaridan foydalanish tezligi esa 32 foizga oshib, 35 Gbit/s.ni tashkil etmoqda.

Magistral telekommunikatsiya tarmoqlarini yanada rivojlantirish maqsadida joriy yilda Respublika hududlari bo‘ylab jami 1250 km optik tolali aloqa liniyalari yotqizilgan.

“O‘zbekiston Respublikasida raqamli televideniyega texnik va texnologik o‘tish bo‘yicha Davlat dasturi”da belgilab berilgan vazifalarning amalga oshirilishi natijasida, aholining raqamli teleuzatish bilan qamrab olinish darajasi 68,8%ni tashkil etmoqda. Yil oxiriga qadar mamlakatimiz bo’ylab o’rnatilishi ko’zda tutilgan 23 ta raqamli television uzatkichlar bu ko’rsatkichni 88,0 foizga yetkazishga xizmat qiladi.

“UZ” zonasidagi domenlar soni 28 mingtaga yetdi, ZiyoNET tarmog‘i doirasida ta’lim resurslari soni esa 119 000 taga (o‘sish 121 %) yetdi.

Davlat organlari veb-saytlari orqali aholi va tadbirkorlik subyektlariga turli ma’lumotnoma va hujjatlarni olish, murojaatlarini yo’llashga qaratilgan 1350 turdan ziyod interaktiv va ma’lumot xizmatlari ko’rsatilmoqda.

O’zbekiston Respublikasi “Elektron hukumat to’g’risida”gi qonunini amalga oshirish maqsadida Vazirlar Mahkamasi tomonidan 2 iyun kuni qabul qilingan “Davlat elektron xizmatlarini ko’rsatish tartibini takomillashtirish to’g’risida”gi qarori onlayn xizmatlar ko’rsatishni takomillashtirilishida navbatdagi muhim qadam bo’ldi. Hujjatda davlat xizmatlarini ko’rsatish jarayonini optimallashtirish, ortiqcha jarayon va ovoragarchiliklarni oldini olish, xizmatlarni ko’rsatish vaqti va narxini aniqlash, shuningdek davlat organlari hujjatlarining formatini bir xillashtirish me’yorlari va tartiblari belgilab berilgan.

Shu munosabat bilan, Hay’at yig’ilishida soha korxonalariga elektron xizmatlarini ko’rsatish tartibini takomillashtirishni jadallashtirish yuzasidan chora-tadbirlar qabul qilish vazifasi yuklatildi.

Hay’at yig‘ilishida davlat dasturi da sohaga yuklatilgan vazifalarning ijrosi ko’rib chiqilib, tegishli korxona va tashkilotlarga vazifalarni o’z vaqtida amalga oshirish bo’yicha vazifalar yuklatildi. Shuningdek, yig’ilishda ishga nisbatan intizomiy masalalar, sohaga kelib tushayotgan fuqaro murojaalariga munosabat, hukumat va rahbariyat tomonidan yuklatilgan vazifalar ijrosi tanqidiy ko’rib chiqildi.

“Elektron hukumat” tizimini joriy etish yuzasidan shakllantirilgan yuridik shaxslar ma’lumotlari bazasini axborot tizimlari bilan bog‘lash, xususan “Litsenziya” axborot tizimi, Fermerlar kengashi, Pensiya jamg‘armasining idoraviy axborot tizimlari bilan markazlashtirish va yangi interaktiv xizmatlarni samarali joriy qilish, aholiga elektron xizmat ko‘rsatish va ochiq ma’lumotlarni taqdim etish masalasi ko‘rib chiqildi.

Joriy yil yakuniga qadar quyidagi vazifalarni amalga oshirish belgilab olindi:

“Inspeksiya”, “Notarius” axborot tizimlari komplekslari, “Yagona darcha” markazlari faoliyatini avtomatlashtirish axborot tizimini joriy qilish;

“Soliq” va “Bojxona” axborot tizimlari komplekslarini jismoniy shaxslar va yuridik shaxslar ma’lumotlar bazalari hamda Elektron hukumat idoralararo integratsion platformasi bilan integratsiya qilish;

Yagona interaktiv davlat xizmatlari portalini texnik jihatdan takomillashtirish hamda qo‘shimcha 31 ta talabgorligi yuqori bo‘lgan interaktiv davlat xizmatlarini joriy qilish;

“Litsenziya” axborot tizimlari kompleksi barcha litsenziyalovchi organlarda joriy qilib to‘liq ishga tushirish;

Yagona reglamentlar va ma’lumotlar almashish shakllari asosida davlat boshqaruvida qo‘llaniladigan ma’lumotnomalar va tasniflagichlar registrini shakllantirish chora-tadbirlari to‘g‘risida, Elektron davlat xizmatlarini ko‘rsatilishini baholash metodikasini tasdiqlash to‘g‘risida Hukumat qarorlari loyihalarini ishlab chiqish va tasdiqlanishini ta’minlash;

2016-2018 yillarda iqtisodiyotning real sektorida axborot tizimlari va dasturiy mahsulotlarni keng joriy qilish;

Optik tolali aloqa liniyalarini kengaytirish orqali Internet tarmog‘idan keng polosali foydalanish imkoniyatini oshirish, ma’lumotlarni saqlash va qayta ishlash markazini (data-sentr) ishga tushirish, ma’lumotning himoyalanishi va axborot xavfsizligini ta’minlash.



Hay’at yig‘ilishida Prezidentimizning mamlakatimizni 2015 yilda ijtimoiy-iqtisodiy rivojlantirish yakunlari va 2016 yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasining kengaytirilgan majlisidagi ma’ruzasida soha oldiga qo‘yilgan vazifalar, Hay’atda muhokama qilingan barcha masalalar yuzasidan tegishli chora-tadbirlar belgilab olinib, qarorlar qabul qilindi.
Katalog: upload -> medialibrary -> 07b
medialibrary -> “ Тошкент рангли метал парчалари ва резги-чиќитларини тайёрлаш ва ќайта ишлаш заводи” оаж 2009 йил январ-март ойларида бажарилган ишлар якунлари бўйича
medialibrary -> Davlat hokimiyati va boshqaruvi organlari faoliyatining ochiqligi to‘g‘risida
medialibrary -> Ziyonet portali faoliyati oav diqqat markazida
medialibrary -> 2016 yilning I choragida axborot texnologiyalari va kommunikatsiyalari sohasida amalga oshirilgan ishlar sarhisob qilindi
medialibrary -> Axborot texnologiyalari va kommunikatsiyalarini rivojlantirish vazirligining 016 yilning oyidagi faoliyati sarhisobi
medialibrary -> Axborot texnologiyalari va telekommunikatsiyalari sohasida 1-chorakda amalga oshirilgan ishlar sarhisob qilindi

Download 17.5 Kb.




Download 17.5 Kb.

Bosh sahifa
Aloqalar

    Bosh sahifa



2016 yilning I yarim yilligi bo’yicha axborot texnologiyalari va kommunikatsiyalari sohasida amalga oshirilgan ishlar sarhisobi

Download 17.5 Kb.