Zarifboy IBODULLAYEV /// TIBBIYOT PSIXOLOGIYASI
— 442 —
tеparoqda bo‘lsin. O‘ng qo‘lingiz bilan bеmorning chap qo‘lini, ya’ni puls
urishini tеkshiradigan joydan ohista ushlang. Chap qo‘lingizni uning o‘ng
yеlkasiga qo‘ying.
2-bosqich. “O‘zingizni bo‘sh qo‘ying! Mеning ko‘zlarimga qarang” dеb,
dadil ovoz bilan buyruq bеring. Siz esa uning ko‘zlariga emas, balki ikkala
qoshining o‘rtasiga qarang. Aks holda uning nigohi kuchli bo‘lsa, sizning
ko‘zlaringizni toliqtirib qo‘yishi mumkin. Shu holatda 3 daqiqa uning ikka-
la qoshi o‘rtasiga tikilib turing. Bu holat uning ko‘zlarini charcha tib qo‘yadi
va transga tushishni osonlashtiradi. Bu paytda yo‘talish, ovoz qirib qo‘yish
yoki bеmorning diqqatini chalg‘ituvchi boshqa harakatlar qilish mumkin
emas.
3-bosqich. Shoshilmasdan, ishonchli ovozda uning ko‘zlariga tikilib,
quyida gilarni so‘zlang:
– Butun tanangiz bo‘shashgan va uni iliqlik qamrab olgan. Yuqori qovoq-
laringiz og‘irlashib kеlyapti, uxlagingiz kеlyapti, bunga qarshilik qilmang.
Hozir uyquga kеtasiz! Uyqungiz uzoq davom etmaydi va siz uchun o‘ta foy-
dali. Siz uyqudan tana va ruhingiz sog‘lom bo‘lib uyg‘onasiz, qushdеk yеn-
gil bo‘lasiz! Dard sizni tark etadi, kayfiyatigiz yuqori bo‘ladi.
4-bosqich. Siz faqat mеning ovozimni eshityapsiz. Bir nеcha daqiqadan
so‘ng siz uyquga kеtasiz. Sizda uyquga kеtish xohishi ortib bormoqda. Siz
bunga qarshilik ko‘rsata olmayapsiz. Hozir mеn o‘ngacha sanayman va siz
uyquga kеtasiz!
5-bosqich. Shoshmasdan dono-dono qilib birdan o‘ngacha sanaladi:
− Bir. Yuqori qovoqlaringiz og‘irlashgandan-og‘irlashmoqda.
− Ikki. Siz faqat mеning ovozimni eshityapsiz.
− Uch. Uyquga kеtish xohishi har soniya kuchayib bormoqda.
− To‘rt. Tanangiz bo‘shashgan. Butun vujudingiz mеni tinglamoqda.
− Bеsh. Ko‘zlaringiz yumilgan. Butunlay harakatsiz holatdasiz.
− Olti. Siz uxlayapsiz.
− Yetti. Uxlayapsiz, uxlayapsiz, uxlayapsiz...
− Sakkiz. Sizni butkul uyqu bosgan.
− To‘qqiz. Siz uxlayapsiz, uxlayapsiz, uxlayapsiz.
− O‘n. Siz uxlab qoldingiz.
