Dars turi: Yangi bilim beruvchi.
Darsning usuli: Suhbat, Munozara.
Dars materiallari: 1. Fizika darsligi va multimediya darslik. Kompyuter. CD disk.
2. Iliq, sovuq suv solingan stakanlar. 3. Turli termometrlar.
Darsning borishi:
1.Tashkiliy qism.
O’quvchilarga Forobiy, Ar-Roziy, Beruniy, Ibn-Sino, temperatura, termometr yozilgan kartochkalar tarqatiladi va shu yozuvni topib birlashish taklif etiladi. O’quvchilar yangi mavzu bo’yicha o’z fikrlarini bildiradilar .
2. O’tilgan mavzuni so’rash .
1. Forobiy haqida yana nimalarni bilasiz? 2. Beruniy yana qanday sohalarda ijod qilgan? 3. Ibn Sinoning fizik hodisalarga doir qanday ishlarini eslaysiz?
Yangi mavzu bo’yicha o’quvchilar fikrini olish.
Jarayon quyidagicha usulda olib boriladi.
(Klaster inglizcha so’z bo’lib (kluster) bosh, bir shingil, popuk ma'nosini anglatadi. Klaster - bu ma'lum mavzu bo’yicha erkin va ochiq fikrlashning notekis shaklidir.)
Yangi mavzuning asosiy tushunchasi aylana (elips) shaklidagi chizma ichida yoziladi. "Temperatura" so’zini o’quvchilarga quyidagicha daftarlariga chizish va yozish taklif etiladi.
O’quvchilarga temperatura (harorat) deganda ko’z oldingizga kelgan fikrlarni chiziqchalar yoniga yozish taklif etiladi. (Bunda o’quvchi rasmini chizsa ham ruxsat beriladi).
Taqdimot o’tkaziladi. Bunda o’quvchilar tomonidan yozilgan fikrlar umumlashtirib aytib beriladi. (Guruhdan 1 o’quvchi spiker aytib beradi). Bu fikrlarni doskada bo’r yoki plakatda flomasterlar bilan yozish mumkin.
| 