1-mavzu. “Diniy aqidaparastlik, ekstremizm va terrorizmga qarshi kurashning ma’naviy-ma’rifiy asoslari” O’quv kursiga kirish

“DINIY AQIDAPARASTLIK, EKSTREMIZM VA TERRORIZMGA QARShI KURAShNING MA’NAVIY-MA’RIFIY ASOSLARI”

Ma’ruzachi – “JXT” kafedrasi professori, s.f.f.d. R.Rashidov

REJA: 1. Mafkuraviy xurujlar va ma’naviy tahdidlar. 2. “Ommaviy madaniyat” tushunchasining mazmun-mohiyati 3. “Ommaviy madaniyat”ning ko‘rinishlari va unga qarshi kurash usullari

Mafkuraviy kurashlar tarixiga nazar tashlasak, xuruj qilayotgan kuchlar asrlar davomida deyarli bir xil usullardan foydalanib kelayotganiga guvoh bo‘lamiz. Deyarli har doim ular o‘zlari xuruj qilayotgan mamlakat aholisiga hech qanday xusumati yo‘q ekanini bayon qiladi. Bu esa o‘sha mamlakat xalqining ishonchiga kirish uchun o‘ylab topilgan nayrang.

Hozirgi kunda bizning mamlakatimiz aholisi uchun ham ana shunday “do‘st”lar ko‘payib qoldi. O’zbek xalqining manfaatlari to‘g‘risida “bosh qotirayotgan” va “g‘amxo‘rlik qilayotgan” turli radiostantsiya va telekanallar, gazeta va jurnallar, internetdagi ba’zi saytlar o‘zlarini qo‘y og‘zidan cho‘p olmaganday qilib ko‘rsatishga, hayotda go‘yo o‘zbek xalqi manfaatlarini himoya qilishdan boshqa hech qanday maqsadi yo‘qday qilib ko‘rsatishga urinmoqda.

Ma’naviy tahdidlar zamiri qandaydir g‘oya va mafkuralarga tayanadi. G’oya bu – muayyan fikr, maqsad sari yetaklovchi kuch. Mafkura esa, fikrlar majmui, g‘oyalar tizimi hisoblanadi. «G’oya» va «Mafkura»lar xalqlar va davlatlar taqdiriga ijobiy yoki salbiy ta’sir ko‘rsatadi. Shu tariqa g‘oyalar “bunyodkor g‘oyalar” va “vayronkor (buzg‘unchi) g‘oyalar” shaklida namoyon bo‘ladi.

• bilimsizlik,
• madaniyatsizlik,
• tartibsizlik va
• vatanfurushlikni qo‘llab-quvvatlash yotadi.