|
O'rta asrlar (milodiy V - XV asrlar)
|
| bet | 3/12 | | Sana | 08.10.2024 | | Hajmi | 37,28 Kb. | | #274042 |
Bog'liq Joylashtirish tizimi va vositalari. O'rta asrlar (milodiy V - XV asrlar)
O'rta asrlarda diniy an'analar mehmondo'stlik korxonalarining rivojlanishiga katta ta'sir ko'rsatdi. Bu davrda muqaddas joylarga ziyorat qiluvchi odamlar soni keskin ko'paydi. Cherkov monastirlarga ziyoratchilarni qabul qilish, ular uchun tunash joylari tashkil etish va ularni ovqatlantirish majburiyatini yukladi. Bu davrda mazkur vazifani bajaruvchi boshqa muassasalar ham paydo bo'ldi. Masalan, franklar qiroli, keyinchalik esa imperator Karl Buyuk (742-814) cherkovlarga homiylik qilib, VIII asrda ziyoratchilar dam olishi uchun maxsus uylar tashkil etdi. Shunday uylardan biri, Ronselval darasidagi abbatlik, ziyoratchilarni darvoza oldida kutib olar, ularga bepul non berar, sartarosh, etikdo'z xizmatlari ko'rsatar, ularni abbatlik bog'larida o'sadigan mevalar va yong'oq bilan ta'minlar edi.
Monastirlar sayohatchilarga shunday keng bepul xizmatlar ko'rsatishi xususiy joylashtirish korxonalarining rivojlanishiga monelik qilar edi. Angliyada faqat o'rta asrlar oxirida, ayniqsa, Reformatsiya davrida, Angliya qiroli Genrix VIII monastirlarni sekulyarizatsiya1 qilganidan keyin xususiy karvonsaroylar va tavernalarning rivojlanishiga katta turtki bo'ldi. Sayohatchilar endi monastirlarda bepul to'xtashga umid qila olmasdilar va shaxsiy karvonsaroylarda to'xtashga majbur edilar.
XII-XIII asrlarda ilk mehmonxonalarning ajdodi - karvonsaroylar ruslarda ham paydo bo'ldi. O'sha davrda ular "yama" - o'ra deb atalar, bir-biridan ot charchamasdan bosib o'ta oladigan masofada joylashgan edi. XV asrda karvonsaroylar Yamskoy prikaz ixtiyoridagi pochta bekatlari qoshida tashkil etila boshlandi. Katta rus shaharlarida mehmon kutiladigan hovli (gostiniy dvor)lar qurildi. Ularning karvonsaroylardan farqi shunda ediki, bu erda tunash va ovqatlanishdan tashqari, savdo-sotiq qilish imkoniyati ham mavjud edi. Boshqacha qilib aytganda, mehmon kutiladigan hovlilar jihozlangan xonalar, savdo rastalari, do'konlar va omborlarni o'zida birlashtirgan edi. Qoida tariqasida, hovli baland devorlar va minoralar bilan o'ralgan, unga katta darvozadan kirilardi. Mehmon kutiladigan hovlilarda chet elliklar millatiga qarab joylashtirilardi. XV-XVII asrlarda Novgorodda "nemislar" va "gollandlar" kutiladigan hovlilar, Moskvada - "inglizlar", "yunonlar", "armanlar" va boshqa mehmonlar kutiladigan hovlilar mavjud edi.
XIII asrda bunday hovlilar Vitebsk, Grodno, Brest, Slonim hamda boshqa belorus shaharlarida paydo bo'ldi. Belorus savdogarlari uchun maxsus hovlilar XV-XVI asrlarda Bryansk, Vyazma va Moskvada qurildi.
O'rta asrlarda ilk kasaba uyushmalarining tashkil topishi mehmondo'stlik korxonalari faoliyatining ilg'or yo'nalishini tashkil etdi. 1282 yilda Italiyaning Florentsiya shahri traktirchilari o'z gildiyasini tashkil etdi.
|
| |
