1-ȦMELIY JUMÍS
TEMA: CISCO PACKET TRACER PROGRAMMASIN SAZLAW HÁM
ISLEW PROCESSIN TEKSERIW
Jumıstıń máqseti:
Talabalar tárepinen Cisco Packet Tracer programmalıq
paketinen paydalanıwda dáslepki ámeliy kónlikpelerdi iyelew,
sol tiykarda eki
kompyuter tarmaǵın qurıw kónlikpelerine iye bolıw.
Teoriyalıq bólim
Cisco Packet Tracer-di iske túsiriw ushın siz PacketTracer.exe orınlanatuǵın
fayldı iske túsiriwińiz kerek. Programmanıń ulıwmalıq kórinisi 1.1- súwrette kóriw
múmkin.
Programma aynasınıń jumısshı maydanı tómendegi elementlerden ibarat.
1. Menyu páneli (Menu Bar) – File, Edit, Options, View, Tools,
Extensions,
Help menyusın óz ishine alǵan pánel.
2. Main
Tool Barda File, Edit, View hám Tools menyusindaǵı
buyruqlar
yarliklarınıń grafik kórinisleri bar, sol tiykarda Network Information túymesi bar.
3. Ulıwmalıq asbaplar páneli( Common Tools Bar ) – programmanıń eń kóp
isletiletuǵın qurallarǵa kiriwdi táminleytuǵın panel: Select,
Move Layout,
Place
Note, Delete, Inspect, Add Simple PDU hám Add Complex PDU.
4. Logical/Physical Workspace and Navigation Bar – jumısshı maydandı
almastırıwǵa járdem beretuǵın panel: fizikalıq yáki logikalıq, sonıń
menen birge
klaster dárejeleri ortasında háreketleniw imkanin beredi.
1.1-súwret. Cisco Packet Tracer programmasınıń ulıwmalıq kórinisi
5. Workspace (Jumıs maydanı) – tarmaq jaratılatuǵın maydan, simulyaciya
gúzetiledi hám túrli maǵlıwmatlar hám statistika kórip shıǵıladı.
6. Realtime/Simulation Bar (Waqtınshalıq/Simulyaciya páneli) – usı pánelde
Realtime hám simulyaciya rejimi yarliklarınan paydalanıladı.
7. Network Component Box (Tarmaq komponentleri qutısı) – qurılmalar hám
baylanıs túrin tańlap, jumıs ornına jaylastırıw ushın paydalanıladı. Onda
DeviceType Selection (Qurılma túrin tańlaw maydanı)
8. Device-Type Selection Box (Qurılma túrin tańlaw aynası) –
bul Packet Tracer
daǵı qurılmalar hám jalǵanıw túrleri bar bolǵan maydan.
9. Device-Specific Selection Box (Qurılmanıń ózine tán tańlaw qutısı) – bul tarawda
tarmaq jumıs maydanın jaratıw ushın zárúr bolǵan arnawlı qurılmalar hám
jalǵanıwlardı tańlaw ushın paydalanıladı.
10. User Created Packet Window (Paydalanıwshı tárepinen jaratılǵan paketler
aynası) – bul ayna , ssenariy simulyaciyası waqtında tarmaqta jaratılǵan paketlerdi
basqaradı. 1.2- súwrette keltirilgen.
1.2-súwret. Cisco Packet Tracer programması interfeysiniń tiykarǵı menyusı.
Tiykarǵı menyu tómendegi elementlerdi óz ishine aladı.
-
File (Fayl) - hújjetlerdi ashıw / saqlaw boyınsha operaciyalardı óz ishine aladı;
-
Edit (Pravka) - standart nusqalaw / qırqıw, qaytarıw / qaytarıw operaciyaların
óz ishine aladı;
-
Options (Nastroyki) - programma sazlamaların óz ishine aladı. Atap aytqanda,
bul jerde ámeldegi programmanı basqa tillerge ruxsat beretuǵın túyme
jergiliklilestiriw esaplanadı;
-
View (Vid) - jumıs maydanı hám ásbaplar paneliniń kólemin ózgertiw ushın
qurallardı óz ishine aladı;
-
Tools (Instrumenti) - reńler palitrası hám aynanı óz ishine aladı apparatları;
-
Exensions (Keńeytpeler) - proekt ustası hám basqa bir qatar qurallardı óz
ishine aladı;
-
Help (Járdem) - Programma ushın járdemdi óz ishine aladı.
