13-amaliy mashg`ulot. Kichik siljishlar uchun optoelektron o‘zgartkich
13-amaliy mashg`ulot.
Kichik siljishlar uchun optoelektron o‘zgartkich
Siljishni kompensatsiyalash sxemasi bo‘yicha quriladigan elektr analog o‘zgartkichlaridan noelektr kattaliklarni elektr chiqish signaliga o‘zgartirish va ko‘rsatishlarni masofaga uzatish uchun differensial-transformatorli, ferrodinamik, magnitomodulyatsion va selsinli o‘zgartkichlar eng ko‘p tarqalgan.
Differensial-transformatorli o‘zgartkichlardagi birlamchi asbob o‘zagining siljishi ikkilamchi asbob o‘zagining siljishi bilan muvozanatlashadi. Differensial - transformatorli o‘zgatkichlar sarf, bosim, sath va boshqa parametrlarni o‘lchashda ishlatiladi, bunda bu parametrlarning qiymati birlamchi asbob g‘altagi o‘zagini siljishiga o‘zgartiriladi.
D ifferensial-transformatorli asbob sxemasi (1-rasm) ikkita bir xil g‘altakdan iborat.
1-rasm. Differensial-transformatorli asbob sxemasi.
Ulardai biri birlamchi asbob 1, ikkinchisi esa ikkilamchi asbob 2 ga joylashtirilgan. G‘altaklarning birlamchi chulg‘amlari ketma-ket ulanib, elektron kuchaytirgich kuch transformatorining chulg‘amidagi o‘zgaruvchan tok kuchlanishidan ta’minlanadi. Ikkilamchi chulg‘amlar bir-biriga yo‘nalgan holda ulanib, chiqishlari elektron kuchaytirgichga qaratilgan. G‘altaklar ichida temir o‘zaklar (magnit o‘tkazgichlar) mavjud. Agar ikkala g‘altak o‘zaklari o‘rtacha holatda bo‘lsa, g‘altakdagi ye1 va ye2 EYuKlar teng bo‘ladi, ya’ni ∆YE1, = ye1 — ye2 = 0 va ∆YE2 = ye3 — ye4= 0, demak ∆YE =∆YE1 — ∆YE2 kuchaytirgich kirishidagi farq ham nolga teng bo‘ladi.
O`zaklar holati o‘zgarganda g‘altaklarda kattaligi va fazasi birlamchi asbob g‘altagidagi o‘zak siljishining kuchlanishiga bog‘liq bo‘lgan nobalans kuchlanish vujudga keladi. Nobalans kuchlanish elektron kuchaytirgich orqali reversiv dvigatelni boshqarish uchun kerak bo‘lgan miqdorgacha kuchayadi. Reversiv dvigatel profillangan disk yordamida ikkilamchi asbob g‘altagi o‘zagini, birlamchi asbob g‘altagi o‘zagi bilan muvofiqlashtirilgan holatga siljitadi, natijada ikkala g‘altakdagi EYuQ lar tenglashadi, binobarin, muvozanat holati tiklanadi. Ikkilamchi chulg‘amlarning EYuKi yana nolga teng bo‘ladi va reversiv dvigatel to‘xtaydi. Reversiv dvigatel ikkilamchi asbobning strelkasi va pero bilan bog‘langan.
Birlamchi asbobning o‘zagi 5 mm ga siljiganda induksnyalangan EYuKning bog‘lanishi chiziqli bo‘lib qoladi. Differensial-transformatorli sistemalarning ikkilamchi asboblari avtomat potensiometrlar asosida qurilgan.
DAS sistemasida teleuzatishning differensial transformatorli sistemasi uchun ikkilamchi asboblarga KSD va KSU kiradi. Asboblarning quyidagi turlari chiqariladi: juda kichik gabaritli ko‘rsatuvchi KPD1, VMD va ko‘rsatuvchi va o‘ziyozar KSD1, kichik gabaritli ko‘rsatuvchi aylanadigan silindrik diferblatli KVD1 va ko‘rsatuvchi va o‘ziyozar KSD2, disksimon diagrammali KSDZ. Hamma asboblar klassi 1. Ikkilamchi asboblar yo qo‘shimcha chiqish o‘zgartkichlari yoki boshqariluvchi qo‘rilma bilan ta’minlanishi mumkin. Sarf o‘lchagich asboblarda, ko‘pincha, ichiga qurilgan integrallovchi qurilmalardan foydalaniladi.
Ferrodinamik o‘zgartkichlarda burchak siljishlar o‘zgaruvchan tok EKJning proporsional qiymatiga o‘zgartiriladi. Ular bosim, sarf, sath va boshqa kattaliklarni o‘lchashda ishlatiladi. Bunda bu kattaliklarning qiymati ferrodinamik o‘zgartkich ramkasining burilish burchagiga o‘zgartirilishi mumkin.
O‘zgartkich (2-rasm) uning magnit sistemasini hosil qiluvchi magnit o‘tkazgich 1, boshmoq 2, o‘zak 3 va harakatchan plunjer 7 hamda plunjer 7 ning siljishi vaqtida o‘zgaradigan ikkita halqasimon 4 va rostlanuvchi 6 havo oraliqlaridan iborat. G‘altak 9 da sanoat chastotali o‘zgaruvchan tokdan ta’minlanuvchi uyg‘otish chulg‘ami joylashgan. Bu galtak hosil qilgan magnit oqimi uyg‘otish chulg‘amiga o‘ralgan siljish chulg‘ami va o‘zgartgichnnng aylanuvchi ramkachasi 5 da EYuK induksiyalaydi. Ramkacha, siljish va uyg‘otish chulg‘amlarining uchlari klemmali panel 8 ga chiqarnlgan.
Ramkacha joylashgan havo oralig‘ida radial magnit oqimi bor. Ramkacha neytral holat chizig‘i NN bilan mos kelganda magnit oqimi ramkachani kesib o‘tmaydi va undagi EYuK nolga teng bo‘ladi. Ramka NN chiziqdan chetga chiqqanda undagi EKJ ramkachaning burilish burchagiga proporsional induksiyalanadi.
2 – rasm. Ferrodinamik o‘zgartkich sxemasi.
5 ramkacha birlamchi asbobning sezgir elementi bilan bog‘langan. Ramkacha neytral holatdan chetga chiqqanda unda EYuKS induksiyalanadi:
(3)
bunda ω — tokning burchak chastotasi; V — magnit induksiyasi: l — ramkachaning magnit maydoni kesib o‘tgan o‘tkazgichi uzunligi; ro‘p — ramkachaning o‘rtacha radiusi; φ — ramkaning burilish burchagi.
Ramkacha o‘ramlari soni va magnit induksiyasi o‘zgarmas bo‘lganda ferrodinamik o‘zgartkich kattaligi YEp burilish burchagi φ ga yoki o‘lchanayotgan parametr qiymatiga proporsional, ya’ni
(4)
bunda K— o‘zgartirish koeffitsiyenti.
Magnit oqimining kattaligi boshmoq 2 va qo‘zg‘aluvchan plunjer 7 orasidagi masofaga bog‘liq bo‘lgani sababli ramkacha va siljish chulg‘ami EYuKini havo oralng‘ini rostlash yo‘li bilan o‘zgartirish mumkin.
Masofaga uzatish ferrodinamik sistemasining ishlash prinsipi PF datchiklarni ishlatishga asoslangan. Bu usul birlamchi asbob datchigidan olingan EYuK ni ikkilamchi asbob ferrodinamik o‘zgartkichining EYuKi bilan kompensatsiyalashdan iborat. Ferrodinamik sistemasi (5-racm) o‘lchash asbobining uzatuvchi o‘zgartkichi (datchik) 1, aloqa liniyasi 5 va ikkilamchi asbob elementlari bo‘lgan o‘zgartgich 2, elektron kuchaytirgich 4 va reversiv elektr dvigatel 3 dan iborat. Ferrodinamik o‘zgartgich 1 va 2 larning ramkachalari ketma- ket ulangan, ulardagi EYuK lar bir-biriga qarama-qarshi, shuning uchun elektron kuchaytirgich 4 kirishiga ikkala datchik EYuK larining farqi YE = YE1 — YE2 uzatiladi.
3– rasm. Masofaga uzatish ferrodinamik sistemasining prinsipial sxemasi.
Agar ∆YE = 0 bo‘lsa, sistema muvozanat holatida bo‘ladi Agar o‘zgartkich 1 ramkachasining holati o‘lchanayotgan parametr ta’sirida α1 burchakka burilsa, EYuK ham o‘zgartirib, YE1 ga teng bo‘lib qoladi. Sistemrning muvozanati buziladi, kuchaytirgich 4 kirishiga ∆YE EYuK uzatiladi, bu kattalik kuchayib, elektr dvigatel 3 ga uzatiladi. Elektr dvigatel ikkilamchi asbob ramkachasini α1 va α2 burchaklar tenglashguncha siljitadi (YE1 va YE2 EYuK lar ham tenglashadi).
Ferrodinamik o‘zgartkichlardagi induksiyalangan EYuK ning ramka burilish burchagiga bog‘lanishi chiziqli bo‘lgani sababli, ular differensial-transformatorli o‘zgartkichlarga nisbatan katta o‘lchash chegaralariga ega. Masofaga uzatiladigan ferrodinamik o‘zgartgichlar o‘zlarining ishonchliligi, ishlatilishi sodda va qulayligi, universalligi, yuqori metrologik xarakteristikalarga ko‘ra keng tarqalgan.
Sanoatda quyidagi turdagi o‘zgartkichlar chiqariladi: PF — ferrodinamik o‘zgartkichlar; PFF — ferrodinamik funksional o‘zgartkichlar; PFF-K — ferrodinamik funksional korreksiyalik o‘zgartkichlar.
PFF va PFF-K turdagi o‘zgartkichlarda PS, PF, PP va BD turdagi chiqish o‘zgartkichlarining borligi o‘lchanayogan kattalikka proporsional bo‘lgan elektr va pnevmatik signallarni berishga imkon beradi.
Torli (simli) chiqish o‘zgartkichi PS chastotali signal olishga imkon beradi. Undan integrallovchi qurilmalarda axborotni raqamli avtomatikaning turli qurilmalariga, boshqariluvchi va hisoblash mashinalariga kiritish uchun foydalaniladi. Ferrodinamik chiqish o‘zgartkichi PF ushbu PFF va PFF-K turdagi o‘zgartkichlarni turli hisoblash sistemalarida, teleo‘lchash va boshqarish sistemalarida qo‘llashga imkon beradi. Pnevmatik chiqish o‘zgartkichi PP o‘zgartkichlar bilan pnevmatik apparatura orasida bog‘lanishni amalga oshirish, axborotni pnevmatik raqamli-yechuvchi va boshqarish mashinalariga kiritish, shuningdek, pnevmatik qurilmalar qo‘llashni talab etadigan alohida sxemalar bilan aloqa o‘rnatish imkonini beradi. Chiqish selsini BD ning borligi o‘zgartkichlar bilan selsinlar orqali ishlaydigan qurilmali o‘zgartkichlar orasida distansion uzatish uchun aloqani amalga oshirishga imkon beradi.
Magnitomodulyatsion o‘zgartkichlar (magnit kompensatsiyali uzatuvchi o‘zgartkichlar) ning ishi magnit oqimlarini kompensatsiyalashga asoslangan. Magnitomodulyatsion o‘zgartkichlar birlamchi asbob sezgir elementining chiziqli siljishini o‘zgarmas tokning unifikatsiyalangan chiqish signaliga o‘zgartirish uchun mo‘ljallangan. Bunday o‘zgartkichlarning ishlash prinsipi quyidagidan iborat: maxsus qurilma-indikatorda hosil qilinadigan boshqaruvchi magnit oqimi harakatdagi element — o‘zgarmas magnitning (birlamchi o‘zgartkichning sezgir elementi bilan siljitiladigan) siljishida shu indikatorda teskari aloqa toki yordamida hosil qilinadigan magnit maydoni bilan kompensatsiyalanadi. Bunda chiqish toki va qo‘zg‘aluvchan elementning siljishi, va demak, o‘lchanayogan kattalik qiymati orasida ma’lum munosabat o‘rnatiladi.O‘zgartkichning strukturali sxemasi 6- rasmda keltirilgan.
4 – rasm. O‘zgartkichning magnit kompensiyali strukturali sxeasi.
Birlamchi o‘zgartkichning qayishqoq sezgir elementi 1 o‘lchanayotgan kattalik Y ni o‘zgartkich 2 o‘zgarmas magnitnning chiziqli siljishi X ga o‘zgartiradi. Magnitning siljishida boshqaruvchi magnit oqimi o‘zgaradi. U magnit oqimlari 3 ning indikatorida teskari aloqa magnit oqimi Ft.b. bilan tenglashadi. Indikator chiqishida magnit oqimlari ayirmasi; ∆F = ∆F — ∆Ft.6. ga proporsional bo‘lgan kuchlanish U paydo bo‘ladi. U 4 kuchaytirgich yordamida chiqish toki signali Jchiq ga o‘zgartiriladi.
Chiqish toki Jchiq masofadagi uzatish liniyasiga va bir vaqtda teskari aloqa qurilmasi 5 ga boradi, uning chikish toki Jt.b. magnit oqimi Fm ni kompensatsiya qiluvchi magnit oqimi Ft.b. ni hosil qiladi. Shunday qilib, o‘lchanayotgan kattalik Y ni orttirilganda magnit siljishi X ortadi.boshqarish magnit oqimi Fm ortadi, va, demak, Fm ni kompensatsiya qiluvchi magnit oqimi Ft.b. ni paydo qilish uchun katta chiqish toki Jchiq va teskari aloqa toki Jt.b zarur bo‘ladi.
Teskari aloqa qurilmasi 5 o‘zgartirishning zarur qonunini Jchiq=f(Y) NI topish imkonini beradi. Bu munosabat yo chiziqli, yoki kvadratik bo‘lishi mumkin.
O‘zgartkichning magnit kompensatsiyali prinsipial sxemasi 10.7- rasmda ko‘rsatilgan.
5- rasm.Magnit kompensatsiyali prinsipial sxemasi.
O‘zgartkichda o‘lchanayotgan parametr (masalan, bosim) sezgir element (masalan, bir o‘ramli naychasimon prujina 7) bilan o‘zgarmas magnit 6 siljishiga o‘zgartiriladi. U magnit oqimi Fm ko‘rinishida boshqarish ta’sirini hosil qiladi.
Bu oqim chiqish signali teskari aloqa chulg‘amlari ωt.b. dan o‘zgarmas tok Jchiq o‘tganda paydo bo‘ladigan teskari aloqa magnit oqimi Ft.b. bilan kompensatsiyalanadi. Fm oqimni o‘zgartirganda magnitomodulyatsion o‘zgartkich 5 o‘zaklarining magnitlanganligi o‘zgaradi va uning ω6 o‘ramlarida nomuvofiqlik signali paydo bo‘ladi. Bu signal kuchaytirish qurilmasi 3 ning masofaga uzatish liniyasiga va bir vaqtda teskari aloqa o‘ramasiga uzatiladigan chiqish signali 1 ni boshqaradi.
O‘zgartkich chegarasini sozlash uchun qarshilik 4 ni o‘zgartiriladi, nolga sozlash uchun esa ferromagnit shunt 1 ni 2 vint yordamida ravon siljitiladi.
Magnit kompensatsiyali o‘zgartkichlar qator afzalliklarga ega: bir necha ikkilamchi asboblarni bitta o‘zgartkichga ulash imkoniga, titrashga nisbatan yetarlicha yuqori turg‘unlikka va mustahkamlikka ega. Kamchiliklari — xarorat tufayli xatoligi ancha yuqori va kuchaytirgichning elektron sxemasi elementlariga zararli ta’sir etuvchi muhitlarda ishlay olmaydi, shuningdek, sezgir element va magnit oqimi indikatori va xatoliklarining birlamchi o‘zgartkich xatoligiga ta’siri katta. Shu tipdagi o‘zgartkichlar 1 va 1,5 klassli bo‘ladi.
Ikkilamchi asboblar sifatida 1 va 1,5 klassli milliampermetr yoki ASK sistemadagi ko‘p shkalali, tor profilli asboblardan foydalaniladi.
Yuqorida ta’riflangan ko‘rsatishlarni masofaga uzatish sistemalari birlamchi o‘zgartkichlar hosil qilgan chiziqli yoki burchakli siljishlar uncha katta bo‘lmagan hollarda ishlatiladi. Lekin ba’zi hollarda o‘zgartgich chiqish o‘qining bir necha o‘ramida birlamchi asbob o‘zgartkichi signalini yoki bir necha metrga cho‘zilgan siljishlarni masofaga uzatish kerak bo‘ladi. Masalan, sath o‘lchagichlarda ko‘rsatishlarni masofaga uzatishda shunday vazifa qo‘yiladi. Bunday masalani selsinli uzatish yo‘li bilan hal qilish mumkin. O‘zgaruvchan tokda ishlaydigan selsinli masofaga uzatish ham burchakli siljishlarni uzatishga mo‘ljallangan.
6- rasm. Selsinli masofaga uzatish sistemasining prinsipial sxemasi: a — indikatorli rejim; b — transformatorli rejim.
Uzatuvchi va qabul qiluvchi selsinlar sifatida kontakt halqalarga ega bo‘lgan sinxronlanuvchi asinxron elektr dvigatellar yoki chulg‘amsiz rotorli kontaktsiz selsinlar ishlatiladi. Uzatuvchi va qabul qiluvchi selsinlar rotorlarining simmetrik holati buzilganda ularning chulg‘amida qiymatlari turlicha bo‘lgan EYuKlar induksiyalanadi, aloqa simi bo‘yicha muvozanatlovchi toklar o‘tadi va sinxronlash momenti vujudga keladi, natijada qabul qiluvchi selsin rotori buriladi. Selsinlarning bunday ulanishi (6-rasm, a) indikatorli rejim deyiladi.
Transformatorli rejimda (6-rasm, b) qabul qiluvchi selsinning rotori tormozlangan bo‘ladi va voltmetrning ko‘rsatishlari uzatuvchi selsin burilishiga proporsional o‘zgaradi. Voltmetr qabul qiluvchi selsinning stator chulg‘amiga ulangan.
Sanoat selsinlarning ta’minlash kuchlanishining turli, odatda, 50 dan 500 gs gacha chastotalariga mo‘ljallangan bir necha tiplarini chiqarayapti. Kontaktli selsinlarning eng katta kamchiligi kontakt cho‘tkalaridagi xatoliklarga olib keluvchi va selsin ishining ishonchliligini kamaytiruvchi ishqalanishdan iborat.
Sanoat, qishloq va suv xo'jaligi, transport va xalq xo'jaligining boshqa tarmoqlarida chiziqli va burchak siljishni o'lchashga bo'lgan ehtiyoj juda katta. Bu maqsadda siljish o'lchash o'zgartkichlaridan foydalaniladi. O'lchash diapazoniga ko'ra ular kichik (2-3 mm va 2-3 gacha), o'rta (0,1 m va 360 gacha) va katta (bir necha metr va 25-40 aylanishli) siljish o'zgartkichlariga bo'linadi. Siljish o'lchash o'zgartkichlariga bo'lgan ehtiyoj yana shundan ko'rinadiki, ko'pchilik noelektr (tezlik, tezlanish, bosim, moment, kuch va h.k.) kattaliklar avval siljishga o'zgartirilib, so'ngra siljish o'lchash o'zgartkichlari yordamida o'lchanadi. Chiziqli va burchak siljishni o'lchashda reostat, elektromagnit, sig'im, pezoelektik, galvanomagnit, optik, akustik, pnevmogidravlik va boshqa rusumdagi o'lchash o'zgartkichlardan foydalaniladi. Qaysi rusumli o'lchash o'zgartkichini tanlash o'lchash diapazoni, talab qilinadigan aniqlik darajasi, ekspluatatsiya talablari va boshqa xarakteristikalarga bog'liq bo'ladi. Aksariyat hollarda analog signalli o'zgartkichlardan foydalaniladi. Shu bilan birga ayrim hollarda raqamli o'zgartkich (kodlangan chizg'ich va disk) lar qo'llaniladi. Siljish o'lchash o'zgartkichlarining rusumlari va ularga tegishli konstruksiyalari nihoyatda xilma-xil bo'lib, biz quyida transformatorli va optik o'lchash o'zgartkichlarga oid bo'lgan va chiziqli hamda burchak siljishni o'lchashda foydalaniladigan bir nechta konstruksiyani keltirish bilan cheklanamiz. Statik xarakteristika nochiziqligini kamaytirish va chiqish signali fazasini o'lchanayotgan kattalik o'zgarishiga bog'liqsizligini ta'minlash maqsadida prof. Zaripov M.F. tomonidan transformator prinsipida ishlaydigan siljish o'zgartkichining takomillashgan konstruksiyasi taklif etilgan ( 7- rasm).
7-rasm.
sterjenlariga tekis taqsimlanib o'ralgan va o'zaro differensial (induktiv jihatdan qarama-qarshi) ulangan o'lchash chulg'amlari 3 va 4 hamda sterjenlar orasiga o'rnatilgan va siljish imkoniyatiga ega bo'lgan magnit o'zak 5 dan tashkil topgan. O'zak 5 siljishi o'lchanadigan qo'zg'aluvchan ob'ektga mahkamlanadi (rasmda ko’rsatilmagan). O'zgartkich qo'zg'atuvchi chulg'ami 2 ga qiymati mo''tadillangan sinusoidal tok berilganda magnit o'tkazgichda Фish ishchi magnit oqimi hosil bo'ladi. Bu oqim 3 va 4 o'lchash chulg'amlarini kesib o'tganda ularda elektromagnit induksiya qonuniga binoan o'zaro induksiya EYuKi hosil bo'ladi. Bunda bu EYuKning qiymati qo'zg'aluvchan magnit o'zak 5 ning koordinatasiga bog'liq ravishda o'zgaradi. Bu o'zgartkichda magnit o'tkazgich 1 konstruktiv jihatdan shunday yasalganki, unda ishchi magnit oqimi Фish yo'lidagi magnit qarshilikning qiymati magnit o'zak 5 ning o'zgartkich o'lchash diapazonidagi istalgan koordinatasida bir xil saqlanadi va natijada o'zgartkich statik xarakteristikasi chiziqli bo'lib, EYuK fazasi siljish kattaligiga bog'liq bo'lmaydi.
http://fayllar.org
|
