|
2-lekciya Tema: Kirisiw. Infografika túsinigi, mazmunı hám teoriyalıq tiykarları. Reje: Infografika túsinigi
|
| Sana | 02.04.2024 | | Hajmi | 16.22 Kb. | | #185034 |
Bog'liq 1-2, O`quv amaliyoti Hisoboti, TDA kompleks, 2-Laboratoriya, Лаб №3 Стабилитрон, 1-amaliy, 5-tema, 5-tema, Titullar (2), 1, Tungi lampa, Simsiz tarmoq fanidan 1-2-3-4-5-6-7-8-9-10-11-12-13-14-15 Labara, цифровые сотовые системы, 2-Amaliy ish, 49-54 (1)
2-lekciya
Tema: Kirisiw. Infografika túsinigi, mazmunı hám teoriyalıq tiykarları.
Reje:
Infografika túsinigi
Infografikanıń kelip shıǵıw basqıshları
Infografikanıń hár túrli tarawlarda qollanılıwı.
Infografika (Latın tilinen alınǵan bolıp “Informatio” – xabardar qılıw, anıqlıq kiritiw, táriyplew degen mánislerdi bildiredi) – bul quramali hámúlken kólemdegi maǵlıwmatlardı tez hám anıq etip kórsetip beriwge arnalǵan maǵlıwmatlardıń grafikalıq interpretaciyasi, yaǵnıy forması, “maǵlıwmat beriwshi grafikalıq dizayn” esaplanadı. Óz ornında infografikaǵa bir neshe táriyplemeler berilgen. Solardan aytıp ótiletuǵın bolsaq,
Infografika keń kólemli hám júdá kóp tarawlarda qollanıladı. Sol qatardan: geografiya, jurnalistika, tálim, statistika, texnikalıq tekstlerdi súwretlewde qollanıladı.
Infografika úlken kólemdegi maǵlıwmatlardı ıqshamlastırıw, onda súwretlengen predmetlerdiń ózara baylanısların, logikalıq qatnasları hám wazıypaların anıq kórsete alatuǵın grafikalıq sheshim esaplanadı.
Infografika – eń dáslep reklama tarawında kóbirek qollanıla baslaǵan. Texnika, texnologiya rawajlanıwı hám informaciyalıq-kommunikaciya texnologiyalarınıń, tálim, sotsial turmıs hám insaniyattıń turmıs tárizine tez pát penen kirip kelgeni ushın, paydalanıwshıǵa uzatılatuǵın maǵlıwmat hám idealardıń visual kórinisi formasında jedel tárizde turmısımızǵa kirip keldi.
Infografika quralları illyustraciya kórinisleri bolıp ǵana qoymay, grafikler diagrammalar, blok-sxemalar, kesteler, kartalar, dizimledi hám basqada sol sıyaqlı maǵlıwmatlardıń grafikalıq formada súwretlenetuǵın kórinislerin óz ishine aladı.
Infografika dizayni tuwrısında eki qarama-qarsı kóz qaras bar:
birinshisi izertlew (ingl. explorative), kórsetiletuǵın informaciya dizaynı jumıslarına tiykar salǵan Edvard Tafti tárepinen ilgeri súrilgen. Onıń kóz-qaraslarında infografika minimal dárejede bolıwı, maǵlıwmattı uzatıwdaǵı barlıq nárseler ekinshi dárejeli bolıp, maǵlıwmattıń ózi maksimal dárejede anıq súwretleniwi shárt degen pikirdi ilgeri súrgen. Bul pikirdiń tiykarǵı maqseti belgili bir auditoriyaǵa zárúrli maǵlıwmattı jetkerip beriwge qaratılǵan. Bunday kóz qaras ilimiy jumıslarda, maǵlıwmatlar analizinde, biznes analitikada óziniń tiykarlanǵan táreplerin kórsete aldı.
ekinshisi syujetli (ingl. narrative) kóz qaras, 1978-jıldan 1994-jılǵa deyin “Time” Naygel Xolmsqa tiyisli. Bul kóz qaras oqıw ushın qaratılatuǵın kórgizbeli dizayn hám illyustraciyalıq obrazlardı jaratıwǵa umtılıw menen xarakterlenedi. Bunda tek ǵana maǵlıwmat alıw ushın emes, bálki maǵlıwmattan paydalanıwshılar ushında qızıqlı boladı. Bul kóz-qaras jurnalistika, bloglar, marketing reklama materialları tarawlarında kóbirek qollanıladı.
Infografika — informaciyanı súwretlewdiń garfikalıq usılı esaplanadı. Basqasha etip aytqanda onı súwret kórinisindegi maǵlıwmatlar desekte boladı. Infografika óz ishine tekst, súwretler, diagrammalar, blok-sxemalar, tabticalardı biriktirip aladı. Infografika óz náwbetinde basqa túrdegi elementlerdi de óz ishine aladı. Ol jaǵdayda grafikalıq kórinisler tiykarǵı rol oynaydı.
Infografikanı ádette grafikalıq dizaynerler, bazıda bolsa illyustratorlar jaratadı.
Infografika ápiwayı súwret yamasa tekstten qaysı tárepi menen parıq qıladı?
Ulıwma alǵanda infografika, informaciyalardı uzatıwdıń erkin quralı esaplanadı. Bir sóz benen aytqanda infografika materialdı tez, visual hám anıq súwretlew ushın arnalǵan. Ne ushın infografika informaciyalardı súwretlew ushın qolaylı esaplanadı?
Onıń bir qansha abzallıq tárepleri bar:
Birinshiden, infografika úlken kólemdegi maǵlıwmatlardı tez waqıt ishinde qısqa formada kórsetiwge imkan beredi.
Ekinshiden, jaqsı infografika maǵlıwmattı jánede anıq kórsetiwge járdem beredi.
Úshinshiden, qızıqlı súwret paydalanıwshılardıń itibarın qaratıwǵa hámde maǵlıwmattı anıq qabıllawda járdem beredi.
Infografika qay jerlerde qollanıladı?
Infografika derlik barlıq tarawlarda qollanıladı. Máselen, gazeta-jurnallarda, statistikalıq maǵlıwmatlardı súwretlewde úlken áhmiyetke iye.
Infografikanı qollanılıw boyınsha tómendegi imkaniyatlardı beredi:
Infografika járdeminde siz klientlerdiń yamasa xizmetkerlerdiń maǵlıwmatları menen tanısıwıńız múmkin;
Áhmiyetli jańalıqlardı kórsetiwińiz múmkin;
Ónimlerińizdi/Xızmetlerińizdi reklama qıla alasız;
Adamlar qaysı tilde sóylesiwinen tısqarı, hámme ushın qolaylı bolǵan texnikalıq kórgizbe tayarlaw múmkin;
Statistikalıq maǵlıwmatlar, jıllıq maǵlıwmatlar, izertlew nátiyjelerin tayarlaw múmkin.
Ótilgen tema boyınsha sorawlar:
Infografika degenimiz ne?
Infografikaniń kelip shıǵıw tarıyxı?
Infografikanıń payda bolıwı?
|
| |
