|
2. Tarmaqlar topologiyası Reje
|
| Sana | 24.09.2024 | | Hajmi | 15,43 Kb. | | #272269 |
Bog'liq 2.Tarmaqlar topologiyası
2.Tarmaqlar topologiyası
Reje
Lokal tarmaqlar
Aymaqlıq tarmaqlar
Global tarmaqlar
Jaylasıwına qarap kompyuter tarmaqların úsh tiykarǵı bólimge ajıratıw múmkin:
Lokal tarmaqlar (LAN -Lokal Area Network);
Aymaqlıq tarmaqlar (MAN -Metropolitan Area Network);
Global tarmaqlar (WAN -Wide Area Network).
Lokal kompyuter tarmaǵı kompyuterler bir xana (kompyuter xanası), imarat, shólkem yáki bir qansha filiallardan ibarat bolǵan shólkem sheńberinde kompyuter tarmaqları shólkemlestiriw múmkinliginde bolıp tabıladı. Ádette bunday tarmaqlardıń sheńberi 2-2,5 km menen sheklenedi.
Aymaqlıq kompyuter tarmaǵı bir-birinen birqansha uzaq aralıqta jaylasqan kompyuterlerdi hám lokal kompyuter tarmaqların óz-ara baylanıstıradı. Ol úlken qala, ekonomikalıq aymaq hám ayırıqsha mámleket sheńberindegi abonentlerdi óz ishine alıwı múmkin. Ádette, aymaqlıq esaplaw tarmaǵı abonentleri ortasında aralıq onlap, júzlep kilometrdi qurawı múmkin.
Global kompyuter tarmaqları túrli mámleketler yáki materiklerde jaylasqan abonentlerdi baylanıstıradı. Bul tarmaq abonentleri ortasındaǵı baylanıs telefon, radio baylanıs hám kosmos baylanıs sisteması negizinde ámelge asırıladı.
Global, aymaqlıq hám lokal kompyuter tarmaqlarınıń baylanısıwı kóp tarmaqlı ierarxiyanı qurap, ulıwma dúnya boyınsha informaciya resursların baylanıstırıw hám olardan kollektiv ráwishte paydalanıw imkaniyatların jaratadı.
LOKAL TARMAQ TOPOLOGIYASÍ
Lokal tarmaq topologiyası degende tarmaq kompyuterlerin bir-birine qaraǵanda fizikalıq jaylastırıw hám olardı baylanıs kabelleri menen jalǵawı túsiniledi. Aytıp ótiw kerek, topologiya túsinigi eń aldın lokal (jergilikli) tarmaqlarǵa tiyisli bólip, olarda baylanıslar dúzilisin ańsat kóriw múmkin. Global tarmaqlarda baylanıslar dúzilisi paydalanıwshılardan adette bekitilgen hám onshelli zárúr emes, hár bir baylanıs seansı jeke óziniń joli menen orınlanıwı múmkin.
Ásbap - uskenelerge, isletiletuǵin kabel túrine, múmkin bolǵan hám eń qolay almasıwdı basqaratuǵın usullarına, islew isenimliligine, tarmaqlardı keńeytiriw imkaniyatlarına topologiya talapların belgileydi. Tarmaqtan paydalanıwshıǵa topologiyanı tańlaw tez - tez bólmasa da, tiykarǵı topologiyalardıń qasiyetleri, olardıń ústinlikleri hám kemshiliklerin biliwi kerek.
|
| |
