etilmaydi (8.6-rasm). Bobinalarni almashtirish mashina
ishlab turgan paytida
amalga oshiriladi, buning natijasida romdan foydalanish samarasi yuqori bo‘ladi. Ip
chuvatish bir bobinadan ikkinchi bobinaga o‘tayotganda taranglik keskin o‘zgarib
ketishi kamchiliklardan biri hisoblanadi. Romning ishchi sig‘imi kam bo‘ladi,
masalan, romda 1000 ta bobina o‘rnatilsa ulardan 500 tasi ishchi bobina bo‘ladi va
qolgan 500 tasi zaxira bobina hisoblanadi. Rom egallagan maydon boshqa romlarga
nisbatan 2 marta katta bo‘ladi.
8.5-rasm. Uzluksiz tandalashdagi bobinalarning joylanishi:
1‒bobinatutgich; 2‒ustun; 3‒ishchi bobina; 4‒zaxira bobina; 5‒taranglovchi
moslama; 6‒tugun.
8.6-rasm. Uzluksiz tandalashda ip chuvatish.
Aylanma rom
Aylanma romda ip chuvatish tashqi tomondan amalga oshiriladi (8.7-rasm).
Zaxira bobinalar romni ichkari tomonidan bobinatutgichga o‘rnatiladi.
Bobinalardagi
iplar tugagach, romning ichki tomoni
tashqariga aylantiriladi,
natijada bobinalarni almashtirishga sarflanaligan vaqt kamaytiriladi. Bobinalarni
almashtirish mashina ishlayotgan vaqtda amalga oshiriladi (8.8-rasm).
8.7-rasm. Aylanma rom ko‘rinishi.
8.8-rasm. Aylanma romda bobinalarni almashtirish.
Avtomatik rom
Avtomatik rom murakkab tuzilishli bo‘lib,
zamonaviy tandalash
mashinalarida foydalaniladi.
Rom harakatlanuvchi, bo‘sh
bibinalarni olish, to‘la
bobinalarni o‘rnatish, qayta taxtlash amallari avtomatik tarzda bajariladi.
Bobinalardan iplar chuvalib chiqib, ip yo‘naltirgich, taranglovchi moslama, ip uzilsa
to‘xtatuvchi moslamalardan avtomatik ravishda tez taxtlanadi. Romda bobinalarni
almashtirishga juda kam vaqt sarflanadi.
Maxsus rom
Maxsus rom ayrim maxsus to‘qimalar ishlab chiqarishda qo‘llaniladi. Gilam
ishlab chiqarishda tuk iplarini (rangli iplarni) o‘rnatish uchun ikki qavatli maxsus
romlar qo‘llaniladi (8.9-rasm).
