8-MA’RUZA.
AGREGAT DASTGOHLAR VA AVTOMATIK LINIYALARDA
DETALLARGA ISHLOV BERISH TEXNOLOGIK
JARAYONLARINI LOYIHALASHNING O‘ZIGA XOS
XUSUSIYATLARI
MA’RUZA REJASI:
8.1. Agregat dastgohlarda ishlov berishda detal konstruksiyasining
texnologikligining tahlili
8.2. Agregat dastgohlarda detallarga ishlov berish jarayonlarini
qurishning o‘ziga xos
xususiyatlari
8.3. Agregat dastgohlar komponovkasini tanlash
Tayanch iboralar:agregat dastgohlar, kompleks ishlov berish, bikirlik,
shpindel, dastgoh kinematikasi, planshayba, kuch organi.
Agregat dastgohlar murakkab konstruksiyali va og‘ir mehnat talab
qiladigan detallarga:
dvigatel silindrlar bloke, nasoslar korpusi va b.
ishlov berish maqsadida yalpi, katta va o‘rta seriyali ishlab chiqarish
sharoitlarida yuqori unumdorlikni ta’minlash maqsadida qo‘llaniladi.
Agregat dastgohlar asosan teshiklarga (parmalash,
zenkerlash,
razvyortkalash, yo‘nish, rezba ochish, faskalarni ochish va b.) kompleks
ishlov berish uchun mo‘ljallangan, lekin tekisliklarni,
shponka
ariqchalarini frezalash, tashqi rezba ochish, sterjen chetlarini yo‘nish,
tashqi faskalarni ochish va h. lar uchun ham qo‘llash mumkin.
Agregat dastgohlarda yuqori unumdorlik bir vaqtning o‘zida bir
necha o‘tishlarni bajarish, bir qancha shpindel va ko‘p tomonlama ishlov
berish orqali erishiladi. Ko‘pgina hollarda agregat dastgohlar yarim
avtomatlar sifatida ishlaydi. Bir nechta agregat dastgohlarni avtomatik
yuklash qurilmalarini qo‘llash orqali yagona avtomatik liniyaga
birlashtirish mumkin. Oxirgi yillarda agregat dastgohlarni dasturli
qurilmalar bilan jihozlanish boshlandi.
Agregat dastgohlarni
ekspluatatsiya qilishda ularning foydalanilish koeffitsienti maxsus
dastgohlarnikidan yuqori va u 0,85-0,95 ga teng. Maxsus dastgohlar
uchun u odatda 0,6-0,8 ni tashkil qiladi.
