ANDIJON MASHINASOZLIK INSTITUTI
“MASHINASOZLIK” ILMIY-TEXNIKA JURNALI
Andijon mashinasozlik institutida “Mashinasozlik” ilmiy-texnika jurnali tashkil etilgan. Jurnal
O‘zbekiston Respublikasi Vazirlar mahkamasi huzuridagi Oliy attestatsiya komissiyasi Rayosatining 2021-
yil 30-dekabrdagi 310/10-son qarori bilan “IQTISODIYOT” va “TEXNIKA” fanlari bo‘yicha ilmiy natijalarni
chop etish tavsiya etilgan ilmiy nashrlar ro‘yhatiga kiritilgan.
Shuningdek, jurnal materiallari Axborot
agentligi portalida ham yoritib boriladi.
“Mashinasozlik” ilmiy-texnika jurnalining maqsadi “IQTISODIYOT” va “TEXNIKA” fanlari bo‘yicha
falsafa doktori (PhD) va fan doktori (DSc) ilmiy darajasiga talabgorlarning dissertatsiyalari
asosiy ilmiy
natijalarini chop etish hisoblanadi.
“Mashinasozlik” ilmiy-texnika jurnali texnika fanlari bo‘yicha quyidagi ixtisosliklarni o‘z ichiga oladi.
1. 05.02.00 - Mashinasozlik va mashinashunoslik. Mashinasozlikda materiallarga ishlov berish.
Metallurgiya. Aviasiya texnikasi
2. 05.05.00 - Energetika va elektrotexnika. Qishloq xo'jaligi ishlab chiqarishini
elektrlashtirish
texnologiyasi. Elektronika
3. 05.07.00 - Qishloq xo'jaligi ishlab chiqarishini mexanizatsiyalash
texnologiyasi
4. 05.08.00 – Transport
5. 08.00.00 – Iqtisodiyot
Jurnalning bir yilda to‘rtta soni nashr etiladi.
Ilmiy maqolaga qo‘yilgan talablar quyidagicha:
1. Maqolalar o‘zbek, rus va ingliz tillarida taqdim etilishi mumkin. O‘zbek tilida taqdim qilinayotgan
maqolalar lotin alifbosida hamda rus va ingliz tillarida taqdim qilinayotgan maqolalarning o‘zbek
tilidagi
maqola nomi, annotatsiyasi va kalit so‘zlari lotin alifbosida bo‘lishi kerak.
2. Maqola birinchi betining yuqori qismida muallif to‘g‘risida maʼlumotlar ko‘rsatilishi kerak (familiyasi,
ismi, otasining ismi to‘liq ko‘rsatilishi, ish joyi va lavozimi, ilmiy darajasi (agar bo‘lsa) va unvoni, E-mail va
muloqot telefonlari).
3. Maqola 3 ta (o‘zbek, rus va ingliz) tillardagi maqola nomi, kalit so‘zlar va annotatsiya bilan elektron
variantda belgilangan elektron pochtaga yuborilishi kerak. Maqola 5 betdan kam bo‘lmagan, A4 formatda, 12
pt. shriftida, 1.0 intervalda, yuqoridan, o‘ngdan, chapdan, pastdan 25 mm joy qoldirib, MS-WORD 2003-2010
dasturida, Times New Roman shriftida rasmiylashtirilishi lozim.
4. Maqola tegishli fan yo‘nalishi bo‘yicha fan doktorining rasmiy taqrizi hamda chop etish mumkinligi
haqida ekspertiza xulosasi bilan birga qabul qilinadi. Shu bilan birga, tahririyat maqolani qo‘shimcha ravishda
taqrizga taqdim etishi va ushbu taqriz natijalari asosida maqolani chop etish masalasi bo‘yicha tegishli qarorga
kelishi mumkin.
5. Maqoladagi maʼlumotlar, faktlar va statistikalarning to‘g‘riligiga mualliflar masʼuldir.
6. Maqolada albatta jadval (chizma yoki rasm)lar manbalari aniq ko‘rsatilishi, qisqartma so‘zlarga izoh
berilishi lozim.
7. Maqolalarning nomi, qisqacha annotatsiyasi, tayanch so‘zlar (5-6 qator) 3 ta tilda (o‘zbek, rus va ingliz
tillarida) beriladi.
8. Maqola ichidagi havolalar “[1]” kabi tartibda belgilanadi. Maqola so‘ngida foydalanilgan adabiyotlar
foydalanish ketma-ketligi bo‘yicha yozilishi hamda havola qilingan adabiyotlar
foydalanilgan adabiyotlar
ro‘yxatiga kiritilishi, havola qilinmagan adabiyotlarni foydalanilgan adabiyotlar ro‘yxatiga kiritilmaslik kerak.
9. Ilmiy maqolalar tahririyatga kelib tushish tartibi bo‘yicha jurnal sonlarida
ketma-ketlikda chop etilib
boriladi. Yuqoridagi talablarga javob bermaydigan maqolalar tahririyat tomonidan ko‘rib chiqilmaydi.
10. Chop etishga tayyor maqolalar tahririyatga mualliflar tomonidan topshiriladi yoki muallifning manzili
(boshqa shaharliklar uchun) ko‘rsatilgan holda elektron pochta orqali jo‘natiladi
11. Ilmiy maqolalar mualliflarining huquqlari O‘zbekiston Respublikasining 20.07.2006 yilda qabul
qilingan “Mualliflik huquqi va turdosh huquqlar to‘g‘risida”gi Qonun asosida himoyalanadi.
12. Diqqat! Maqola muallif tomonidan o‘zlashtirish ko‘rsatkichi (plagiat) bo‘yicha
tekshirilib
ma’lumotnomasi taqdim qilinishi shart.
O‘zlashtirish ko‘rsatkichi yuqori bo‘lgan maqolalar ko‘rib chiqish uchun qabul qilinmaydi.
E-mail: andmi.jurnal@mail.ru
Muharrirlar: X.Akbarov, M.Joʼraxonov, O.Mirzaev.
Tel.:(74) 2247088.