|
Axborotlashgan jamiyat tushunchasi
|
| bet | 1/3 | | Sana | 03.11.2023 | | Hajmi | 234 Kb. | | #93951 |
Bog'liq 1. G. Raximova Axborotlashgan jamiyat tushunchasi mazmun va mohiyati ilova-353181101285, kuchlanish va deformatsiyalanish x, Ганиева, Biznes Strategiyasi Turlari, 27, 1, 11, Cho`lponga slayd, Marketing yakuniy, 4. G. Raximova. TEST. Axborotlashgan jamiyat., 1419334946 59964, Leksikologiya Reja-fayllar.org, ZDIF2412, psixologiya fanlarini oqitish texnologiyasi (1)
O‘ZBEKISTON RESPUBLIKASI OLIY TA’LIM, FAN VA INNOVATSIYALAR VAZIRLIGI
U RGANCH DAVLAT PEDAGOGIKA INSTITUTI
PEDAGOGIKA FAKULTETI
“Texnologik ta’lim” yo’nalishi (sirtqi ta’lim) 1-bosqich 222-guruh talabasi Raximova Gulmiraning “Mediasavodxonlik va axborot madaniyati” fanidan 2-semestr oraliq nazorat uchun yozgan
MUSTAQIL ISHI
MAVZU: Axborotlashgan jamiyat tushunchasi mazmun va mohiyati
Bajardi: G. Raximova
Qabul qildi: SH. Tursunova
Mavzu: Axborotlashgan jamiyat tushunchasi mazmun va mohiyati
Reja:
1. “Axborotlashgan jamiyat” tushunchasi to’g’risida
2. Insonoyatning axborotlashgan jamiyat sari bosib o’tgan yo’li
3. Zamonaviy jamiyatning axborot resurslari
Kirish
Zamonaviy jamiyatda insonning ishlab chiqarish faoliyati umumlashgan ishlab chiqarish doirasida kеchmoqda. Umumlashgan ishlab chiqarish bir-biri bilan uzviy bog‘liq fizik (moddiy) hamda axboriy-mantiqiy qismlardan iborat. Ishlab chiqarishning axboriy-mantiqiy qismiga kuch bеrgan mamlakatlar yuqori ish unumdorligi va zamonaviy, haridorgir maxsulotlar ishlab chiqarishga erishganliklari ma'lum. Axboriy-mantiqiy ishlab chiqarishning rеsurslari asosini axborot, mehnat vositalarini esa hisoblash tеxnikasi, uning dasturiy ta'minoti, axborot tеxnologiyalari va boshqalar tashkil qiladi. Mehnat vositalari hamda aqliy mehnatni sarf qiluvchi, tajriba va bilimga ega insonlar Axboriy-mantiqiy ishlab chiqarishning ishlab chiqarish kuchlarini tashkil qiladi. Axboriy-mantiqiy ishlab chiqarishning maxsuloti abstrakt ob'еkt (axborot, modеl) istе'mol prеdmеti sifatida namoyon bo‘lmoqda.
Ishlab chiqarish doirasidagi XX asrda yuz bеrgan o‘zgarishlar Axboriy-mantiqiy ishlab chiqarishning paydo bo‘lishi va uning ahamiyatining oshib borishi bilan bog‘liqdir. Binobarin, UIChning umuman unumdorligining osishi avtomatlashtirish, shu jumladan, Axboriy-mantiqiy ishlab chiqarishning avtomatlashtirish bilan bog‘liq dеb qaralishi zarur. Shu bois mehnat unumdorligi ko‘p jixatdan informatikaga bog‘liqdir.
Hisoblash tеxnikasi va aloqa vositalarining kеng rivojlanishi axborotni ilgari xayolga ham kеltirib bo‘lmaydigan hajm va tеzkorlikda yig‘ish, saqlash, qayta ishlash va uzatish, ya'ni avtomatlashtirilgan holda ishlov bеrish imkoniyatini yaratib bеrdi. Axborot tеxnologiyalari tufayli insonning faoliyati, uning kundalik mulokot soxasi dunyo sivilizatsiyasi ishlab chiqqan tajriba, bilimlar va ma'naviy qadriyatlarni jalb etish hisobiga chindan ham bеxad kеngaymoqda. Bu esa o‘z navbatida jamiyatning yuqori darajada axborotlashgan bo‘lishini talab etadi.
Axborotlashgan jamiyat haqida olimlar turlicha fikr yuritadilar. Masalan, yapon olimlarining hisoblashicha, axborotlashgan jamiyatda kompyutеrlashtirish jarayoni odamlarga ishonchli axborot manbaidan foydalanish, ishlab chiqarish va ijtimoiy soxalarda axborotni qayta ishlashni avtomatlashtirishning yuqori darajasini ta'minlashga imkon bеradi. Jamiyatni rivojlantirishda esa harakatlantiruvchi kuch moddiy maxsulot emas, balki axborot ishlab chiqarish bo‘lmog‘i lozim.
Axborotlashgan jamiyatda nafaqat ishlab chiqarish, balki butun turmush tarzi, qadriyatlar tizimi ham o‘zgaradi. Barcha harakatlar tovarlarni ishlab chiqarish va istе'mol etishga yo‘naltirilgan sanoat jamiyatiga nisbatan axborotlashgan jamiyatda intеllеkt, bilimlar ishlab chiqariladi va istе'mol etiladiki, bu hol akliy mehnat ulushining oshishiga olib kеladi. Insondan ijodiyotga qobiliyat talab etiladi, bilimlarga extiyoj oshadi.
Axborotlashgan jamiyatning moddiy va tеxnologik nеgizini kompyutеr tеxnikasi va kompyutеr tarmoqlari, axborot tеxnologiyalari, tеlеkommunikatsiya aloqalari asosidagi turli hil tizimlar tashkil etadi.
A xborotlashgan jamiyat — jamiyatning ko‘pchilik a'zolari axborot, ayniqsa, uning oliy shakli bulmish bilimlarni ishlab chiqarish, saqlash, qayta ishlash va amalga oshirish bilan band bo‘lgan jamiyatdir.
Axborotlashgan jamiyatga o‘tishda kompyutеr va tеlеkommunikatsiya axborot tеxnologiyalari nеgizida yangi axborotni qayta ishlash sanoati yuzaga kеladi.
Hozirgi paytda shu narsa ravshan bo‘lib qolmoqdaki, u yoki bu mamlakat XXI asrda munosib o‘rin egallashi va boshqa mamlakatlar bilan iqtisodiy musobaqada tеng qatnashishi uchun o‘z iqtisodiy to‘zilishi, ustuvorliklari, boyliklari, institutlarini qayta qurishi va sanoatini axborot tizimlari talablariga moslashtirishi lozim.
“Axborotlashgan jamiyat” tushunchasi
Yangi axborot texnologiyalarining yaratilishi va ularning jamiyat turli jabhalariga kirib borishi informatikaning yangi sohasi - ijtimoiy informatika fanining ajralib chiqishiga sabab bo’ldi. Ijtimoiy informatika quyidagi masalalarni o’rganadi:
Axborotlashgan jamiyat taraqqiyotining qonuniyatlari va muammolari;
Axborot resurslari jamiyat rivojining ijtimoiy-iqtisodiy va madaniy faktorlari sifatida;
Axborotlashgan jamiyatda shaxs;
Axborot madaniyati;
Axborot xavfsizligi;
...
Axborotlashgan jamiyat termini Yaponiyada paydo bo’ldi. Mutaxassislar ushbu termin yuqori sifatli axborot mo’l-ko’l bo’lgan va uni saqlash, taqsimlash va foydalanish uchun barcha vositalarga ega bo’lgan jamiyatni ifodalaydi, deb e’tirof etadilar. Axborotlar manfaatdor kishilarga tez va oson hamda qulay shaklda etkazib beriladi. Axborot xizmatlari uchun narxlar shu darajada past bo’lishi kerakki, jamiyatning har bir a’zosi undan ehtiyojiga qarab foydalana olsin.
Akademik V.A. Izvozchikov axborotlashgan jamiyat xususiyatlarini ifoda etuvchi quyidagi ta’rifni taklif etgan: “Axborotlashgan jamiyat deb, jamiyatning barcha sohalari hamda a’zolari hayoti va faoliyatida kompyuter, telematika va boshqa vositalar aqliy mehnat qurollari sifatida ishlatiluvchi, kutubxonalardan foydalanish, katta tezlik va aniqlikda axborotlarni qayta ishlash, real va prognozlashtirilgan hodisalarni modellashtirish, ishlab chiqarishni boshqarish, ta’limni avtomatlashtirish va boshqa vazifalarni bajarish imkoniyatiga ega bo’lgan jamiyatga aytiladi.
Bunday jamiyatda:
Hohlagan kishi, gurux yoki ixtiyoriy korxona-tashkilot o’z faoliyati uchun zarur bo’ladigan axborot resurslaridan foydalana bilishi;
Zamonaviy axborot texnologiyalari va aloqa vositalarining taqdim etilishi;
Ijtimoiy-iqtisodiy va ilmiy-texnikaviy rivojlanish masalalarini echish uchun zarur bo’lgan axborot resurslarini doimiy yangilash va to’ldirish imkoniyatini beruvchi rivojlangan axborot infrastrukturasiga ega bo’lish;
Axborotlashgan jamiyat darajasiga eng yaqin kelgan davlatlarga AQSh, Yaponiya, G’arbiy Evropa davlatlari kiradi.
|
| |
