|
Axmamat jumayev, surayyo sharipova
|
| bet | 35/118 | | Sana | 03.02.2024 | | Hajmi | 464,23 Kb. | | #151051 |
Bog'liq Axmamat jumayev, surayyo sharipovaSavolli keyslar
1-keys bayoni
Ingliz tili darsida o‘qituvchi o‘quvchilarga: “O‘rtog‘ingdan ko‘chirma!”, “O‘zing yoz, birovlarning daftariga qarama!”, “Obbo, ko‘chiradigan odamingni ham topibsanmi-a! Uning o‘zi xatto ko‘chirib olishni ham qoyillata olmaydi-yu!” singari zaharxanda so‘zlar bilan bir necha bor qattiq tanbeh berdi.
Boshqa sinfda esa o‘qituvchi darsiga yo‘l-yo‘lakay, albatta, ammo ta’sirli qilib: “Bolalar bir-biringizdan berkitmanglar, bu yaxshi emas, hech kim sizlardan ko‘chirayotgani yo‘q!”, - dedi.
Keys savollari:
1. Birinchi o‘qituvchining o‘quvchilarga bu boradagi yondashuvi to‘g‘rimi? Pedagogik talabni shunday tarzda qo‘yish qanchalik to‘g‘ri?
2. Nima deb o‘ylaysiz, ikkinchi o‘qituvchi pedagogik talab to‘g‘ri qo‘yyaptimi? Uning xatti-harakatlarini oqlash mumkinmi?
Keys tahlili:
Ta’lim jarayonida individual nazorat topshiriqlarini har bir o‘quvchi mustaqil bajarishi lozim. Biroq, ta’lim muassasalarida olib boriladigan ta’lim-tarbiya ishlari o‘quvchilarda ma’naviy-axloqiy sifatlarni, shu jumladan, bir-birlariga nisbatan o‘zaro ishonchni tarbiyalay olishi zarur.
Talabalarga tavsiya etiladigan manba (material)lar:
O‘qituvchining kommunikativ qobiliyatiga oid materiallar.
Talabalar uchun ko‘rsatmalar:
1. Keys mohiyatini yetarlicha anglab oling.
2. Berilgan manbalarga tayangan holda muammoning yechimini topish yo‘lida bir necha variantlarni ilgari suring va ularni mazmunan tahlil qiling.
3. Variantlar orasidan eng samarali yechimni ajratib oling.
4. Ajratib olingan variant asosida yechimni asoslashga urinib ko‘ring.
5. Yechimni bayon eting.
Keysni yechish jarayoni:
1. Talabalar keys mohiyatini u bilan ikki-uch marta tanishish orqali, sherigi (juftlikda), guruhdoshlari (kichik guruhlarda) yoki jamoadoshlari (jamoada) bilan muhokama qilgan holda yetarlicha anglab oladi.
2. Talaba sherigi (juftlikda), guruhdoshlari (kichik guruhlarda) yoki jamoadoshlari (jamoada) bilan muhokama qilgan holda muammoning yechimini ifodalashi mumkin bo‘lgan bir necha varaintlarni topishga harakat qiladi.
3. Talaba (juftlik, kichik guruh, jamoa) aniqlangan bir necha variantlar orasidan muammoning yechimini eng samarali ifodalay oladigan variantni ajratib oladi.
4. Talaba (juftlik, kichik guruh, jamoa) ajratib olingan varant asosida yechimni bayon etadi.
5. Yechim individual, kichik guruhlar yoki jamoa ishtirokida muhokama qilinadi.
|
| |
