|
Central asian journal of education and innovationBog'liq CAJEI0532
Page 146
CENTRAL ASIAN JOURNAL OF EDUCATION
AND INNOVATION
Volume 2, Issue 5, May 2023
www.in-academy.uz
N.P.Tereshina va mualliflari jamoasi o‘zlarining ilmiy-tadqiqot ishlari transport xizmatlari
ko‘rsatilishda temir yo‘l transportining raqobatbardoshligini oshirish masalalariga
bag‘ishlangan [9]. Ish mualliflari transport mahsulotlari va transport kompaniyasining
raqobatbardoshligi kontseptsiyasini belgilashga, shu jumladan, transport bozorida
raqobatbardosh munosabatlarni shakllantirishni hisobga olishga katta e’tibor berishadi.
Maqolada transportda raqobatbardoshlikni boshqarish mexanizmi taklif etilib,
raqobatbardoshlikni boshqarishda innovatsion yondashuvni shakllantirishga alohida e’tibor
qaratilgan. Logistika zanjirlarining samarali ishlashini tashkil etishda kompaniyalarning
raqobatbardoshligini oshirish masalalarining xususiyatlari ko‘rib chiqiladi.
Tadqiqotchi V.P.Kozlova simulyatsiya modellashtirishga asoslangan transport markazlarini
rivojlantirishga investitsiyalarni tizimli baholashga yangi yondashuvni taklif qiladi [5]. Yagona
transport-logistika majmuasining bir qismi sifatida transport uzellarining murakkabligi va
tizimli tashkil etilishi investitsiya jozibadorligini baholashda alohida yondashuvni talab qiladi.
Xususan, transport jarayonini amalga oshirishning umumiy xarajatlarini minimallashtirish
uchun mo‘ljallangan optimallashtirish hisob-kitoblari turli elementlar va quyi tizimlarning
uyg‘unlashuv darajasini aks ettiruvchi transport tizimidagi barcha elementlarning o‘zaro
ta’sirini hisobga olishi kerak. Bunday hisob-kitoblar, dastlabki murakkabligi va transport
tizimining topologiyasiga kritik bog‘liqligi tufayli, faqat simulyatsiya modellashtirish doirasida
amalga oshirilishi mumkin.
Tadqiqotchi L.V.Shkurina tomonidan transport infratuzilmani rivojlantirish, iqtisodiy va
texnologik salohiyatini baholash, jumladan, ehtiyojlarini aniqlash muammolari koʻrib
chiqiladi [10]. Tadqiqotda temir yo‘l transportining raqobatbardoshligi asosidagi iqtisodiy va
texnologik salohiyatning funksional turlari, investitsiyalarni boshqarishning nazariy jihatlari
va investitsiya loyihalari samaradorligini baholash usullarini takomillashtirish ko‘rib
chiqiladi. Tadqiqot mualliflari yirik temir yo‘l loyihalariga sarmoya kiritishning maqsadga
muvofiqligini asoslashda dasturga asoslangan yondashuvni ilgari suradi va transport sohasida
to‘g‘ri investitsiya qarorlarini tanlashni tahlil qiladi.
|
| |
