55
2
Maqsadni amalga oshirish uchun veb-sayt dizaynini yaratish
Kirish
Veb-saytlardan
har xil maqsadlarda foydalanish mumkin. Masalan, ular orqali sevimli mavzular
haqida oʻqish, ijtimoiy tarmoqlarda suhbatlashish, musiqa yoki kinolarni yuklab olish yoki ijro
ettirish, shuningdek, kompyuter oʻyinlarini oʻynash mumkin. Har qanday veb-saytga doir qiziq
holatlardan biri shuki, u qaysi maqsad uchun ishlatilishidan qatʼi nazar, foydalanuvchilarga qulay
dizaynga ega boʻlishi kerak. Hech veb-saytdan izlagan narsangizni topolmay xunob boʻlganmisiz?
Agar veb-saytning dizayni har tomonlama oʻylangan holda ishlab chiqilgan boʻlsa, foydalanuvchi
(yoki
auditoriya
) uni ishlatishdan zavqlanadi. Yoki, aksincha, veb-sayt dizayni puxta yaratilmagan
yoki undan koʻzlangan
maqsad
noaniq boʻlsa, bu foydalanuvchida yomon taassurot uygʻotadi.
Siz
veb-sahifani HTML
yordamida yaratishni oʻrganasiz. Har bitta mayda tafsilotga diqqat qiling,
chunki kodda kichik xatoga yoʻl qoʻyilsa, veb-sahifadagi elementlar toʻgʻri aks etmasligi mumkin.
HTML nima?
HTML – “Hypertext Markup Language” iborasining qisqartmasi. Bu veb-sahifa yaratish uchun
ishlatiladigan dasturlash tillaridan biridir. Veb-sahifa yaratish uchun ishlatiladigan boshqa tillar
qatoriga JavaScript, CSS va PHP kiradi. Ammo HTML eng eski va keng tarqalgan tillardan biridir.
Siz yozgan HTML kodni veb-brauzer aks ettiradi (oʻqiydi). Veb-brauzer siz veb-saytda aks etishini
istagan barcha matnlar va tasvirlarni namoyish qilishga xizmat qiladi. Veb-brauzer ularning toʻgʻri
formatlanishini taʼminlaydi. Veb-brauzer koddan har xil elementlarni qayerga joylash va ularning
qanday boʻlishini aytib turadigan bayonot sifatida foydalanadi.
Veb-saytlar interfaol elementlarga ega boʻlishi, shuningdek, har xil ekranlar va qurilmalarda aks etishi
uchun ular kodda yozilishi lozim. Uning muqobili sifatida foydalanuvchiga butun veb-sahifani katta
tasvir sifatida yuborish mumkin. Bunday holatda qanday muammolar kuzatilgan boʻlar edi?
Ayrim odamlar veb-sahifa yaratish uchun shablonni ishlatadi. Bu ularga samarali dizayn yaratishga
yordam beradi. Siz yangi veb-sahifani boshidan yaratishni oʻrganasiz. Ushbu jarayon amaliy
koʻnikmalarni egallashga va aynan oʻzingiz istagan veb-sahifani yaratishga imkon beradi.
