|
I. Teoriyliq bólim 1-§. Obyektke baǵdarlanǵan programmalastırıwdıń principleri
|
| bet | 2/10 | | Sana | 20.05.2024 | | Hajmi | 0,68 Mb. | | #245612 |
Bog'liq Kurs jumısı-Boranbaeva Umida I. Teoriyliq bólim 1-§. Obyektke baǵdarlanǵan programmalastırıwdıń principleri
Obyektke baǵdarlanǵan programmalastırıwdıń payda bolıwı hám principleri
Struktalı programmalastırıw tiykarında jaratılǵan programmanıń barlıǵınıń orınlanıwı ápiwayı hám sızıqlı bolıp esaplanadı. A noqatta programma yadqa júklenedi hám orınlawdı baslaydı. B noqatta jumısın toqtatıp yadtı bosatadı. Programma orınlanıw barısında basqa nárselerden, máselen, ózgeriwshilerdi saqlawshı fayldan, video kartalardan paydalanıwı mumkin, biraq qayta islewdiń tiykarǵı bólegi bir jerde orınlanadı. Ádette ózgeriwshilerdi qayta islew quramalı emes bolıp hár qıylı matematikalıq hám logikalıq qurallardan paydalanıladı.
Obyektke baǵdarlanǵan programmalastırıwda bunday sızıqlı jaǵday kem ushıraydı. Usınday nátiyjege erisilgende de, process kóbinese ulıwma basqasha kóriniste boladı.
Obyektke baǵdarlanǵan programmalastırıwda tiykarǵı itibar ózgeriwshilerdiń dúzilisi hám mazmunına hámde ózgeriwshilerdiń bir biri menen óz ara tásirine qaratıladı. Yaǵnıy bunı joybarlawda úlken dıqqat qaratıladı. Sonıń menen birge bunı rawajlandırıp barıw imkaniyatı da boladı.
Obyektler- bul obyektke baǵdarlanǵan programmalastırıwdıń qosımshalarınıń qurılıs blogı bolıp esaplanadı. Obyektti óz ishine aǵza retinde ózgeriwshiler hám funkciyalardı alǵan struktúra dep qaraw múmkin. Obyektlerden ózgeriwshiler mánisler obyektke saqlanıwshı ózgeriwshilerdi, al funkciyalar bolsa obyekttiń ámeller imkaniyatına qatnas jasawdı támiynleydi. Obyekt túri úshın obyektke baǵdarlanǵan programmalastırıwda arnawlı atama-class(klass) túsinigi kiritilgen. Klastı anıqlaw obyektlerdi, yaǵnıy klass nusqaların jaratıw imkaniyatın beredi. Obyekt penen funkciya hám maydan túsinikleri baylanıslı bolıp olar obyekttegi ózgeriwshilerge qatnastı támiynleydi. Funkciya hám maydanlardıń mánisleri obyekttiń jaǵdayların anıqlaydı. Funkciya hám maydanlar túrlerge iye bolıp, úsı sebepli ózgeriwshiler string, int hám basqada túrlerde saqlanıwı múmkin. Funkciyaniń maydannan parqı, ol ózgeriwshilerge tuwrıdan tuwrı qatnas jasaw imkanın bermeydi. Máselen adamnıń jası int túrinde bolǵan bolsa, onıń mánisleri int túri shegarasında bolıwı múmkin. Jastıń minus mánisin kiritiwde bul qadaǵalawdı funkciya óz wazıypası etip aladı. Funkciyadan paydalanıw arqalı jas mánisleri diapazonın 1 den 120 ǵa shekem belgilew mumkin.
Metod termini menen obyekt tárepinen usınıs etiliwshi funkciya tusiniledi. Metodlar obyekttiń funkcional imkaniyatlarına qatnas jasawda qollanıladı.
Funkciya hám maydanlar sıyaqlı metodlar zárúr bolǵanda sırtqı kodlardan murájáátlarǵa sheklewler qoyıw ushın ashıq yamasa jabıq bolıwı mumkin.
OBP tómendegi tiykarǵı principlerge tayanadı:
1. Ustinde ámel orınlanatuǵınlardıń barlıǵı obyekt esaplanadı;
2. Esaplaw obyektler ortasında óz-ara tásir (ózgeriwshilerdi obyekt almastırıw) jolı menen ámelge asırıladı hám onda biri ekinshisi tárepinen qandayda bir jumıstı orınlawdı talap etedi. obyektler xabarlar arqalı bir biri menen tásirde boladı. Xabarlar – bul zárur bolıwı mumkin bolǵan argumentler menen tolıqtırılǵan qanday da bir jumıstı orınlawǵa ruxsat alıw.
3. Hár bir obyekt basqa obyektlerden ibarat ǵárezsiz yadqa iye boladı.
4. Hár bir obyekt, onıń ulıwmalıq funkciyalar ámellerin klasstıń wákili esaplanadı.
5. Klassta obyekttiń háreketin yaǵnıy funkcional imkaniyatı beriledi. Usınıń esabınan klasstıń nusqaları bolǵan obyektler ústinde birdey ámeller kópligin orınlaw múmkin boladı.
6. Klasslar miyraslıq shejiresi dep atalıwshı jalǵız terek kórinisindegi dizimdi quraydı. Anıq bir klass nusqaları menen baylanıslı yad hám ámeller shejire terektiń tómengi bóliminde jaylasqan qálegen miyraslıq klassqa tiyisli boladı.
|
| |
