|
Elektrostatik maydan siz bul baptatómendegi temalar boyınsha maǵlıwmatlar alasız
|
| bet | 1/3 | | Sana | 29.11.2023 | | Hajmi | 47,57 Kb. | | #107658 |
Bog'liq fizika 10 kl keyingi
IV-BAP
ELEKTROSTATIK MAYDAN
Siz bul baptatómendegi temalar boyınsha maǵlıwmatlar alasız:
Elektr maydan kernewliliginiń superpoziciya prinsipi,
zaryadlanǵan shardıń elektr maydanı,
elektrostatik maydanda noqatlıq zaryadtı kóshiriwde atqarılǵan jumıs,
noqatlıq zaryad maydanınıń potensialı,
elektr maydan energiyası.
75-BET
ELEKTR MAYDAN KERNEWLIGINIŃ SUPERPOZICIYA PRINSIPI
1. Elektrostatik maydan.
2. Elektrostatik maydan kernewliligi.
3. Elektr maydannıń superpoziciya prinsipi.
4. Juwmaqlawshı elektr maydan kernewliligi.
Sintetik materiallardan tayarlanǵan kiyimlerdi sheshkende shirt- shirt etip ushqın shıqqanın qanday túsindiriw múmkin?
Awız járdeminde úplep isirilgen hawa sharın shashıńızǵa yaki sintetik gezlemege jaqsılap ısıqlap jiberip qalsańız joqarıǵa háreket etkenin kóresiz. Nege tek joqarıǵa háreket qıladı?
1. Elektrostatik maydan
Eki zaryadtıń óz-ara tásirin, bir-birine tiygizilgende olardıń zaryadları óz-ara ótiwin Kulon nızamı járdeminde bilip alǵansız. Bul nızam hátteki zaryadlar bir-birine tiygizilmegen jaǵdaydada belgili aralıqta turıpta tásirlesiwi hár bir zaryad atirapında maydan bar ekenin bildiredi. Bul maydan elektr maydanı bolıp elektr zaryadları atirapında payda boladı.
Qozǵalmas zaryadlar átirapında payda bolǵan elektr maydanı elektrostatik maydan delinedi.
2. Elektrostatik maydan kernewliligi
Siz tómengi klaslarda elektr maydanı haqqında ulıwmalıq maǵlıwmatlarǵa iye bolǵansız.
Elektr maydandı kúsh jaǵınan xarakterlewshi shama sıpatında elektr maydan kernewlilik vektorı - E kiritilgen.
Maydanǵa kiritilgen birlik oń sinaw zaryadı (qs) maydan tárepinen tásir etiwshi kúsh san jaǵınan teń bolǵan shama elektr maydan kernewliligi delinedi.
Yaǵnıy:
Elektr maydan kernewliligi birligi IEI = 1— ǵa teń.
Elektr maydan kernewlilik vektorınıń baǵıtı sıpatında oń zaryadqa tásir etiwshi kúsh baǵıtı tańlap alınǵa. Teris zaryadqa tásir etiwshi kúsh baǵıtı kernewlilik vektorınıń baǵıtına qarama-qarsı baǵıtta boladı. Birdey belgidegi zaryadlar bir-birinen iyterisedi, hár túrli belgidegi zaryadlar bir-birine tartısadı. (4.1 a-súwret)
4.1 b-súwrettegi +2q zaryadtan shıqqan elektr maydan kúsh sızıqlarınıń tek yarımı –q zaryadta tamamlanadı. Qalǵan kúsh sızıqlar
76-BET
sheksizlikte dep boljaw etilgen zaryadlarda tamamlanadı. Elektr maydan kúsh sızıqları payda etken “naǵıs” noqatlıq zaryadlar payda etken elektr maydan “karta”sına uqsaydı. Bul sızıqlardıń naǵısına qarap, maydan qay jerde kúshli, qay jerde kúshsiz hám zaryadlardıń shaması haqqında túsindirme beriw múmkin.
|
| |
