1-ci Qrup
Qar tutanda zirvələri
Dərə, təpə, düz üşüyər.
Soyuyanda
ocaq yeri
Kül bozarır, köz üşüyər. (H. Arif) metafora-köçürmə,
Mən vətəni canım kimi sevirəm,
Ruhum, ətim, qanım kimi sevirəm. ( A. Səhhət) təşbeh-bənzətmə,
2-ci Qrup
Ömrə-günə nə deyim!
Yoxdur əsla dincliyim.
Mənim odlu gəncliyim,
Şimşək tək çaxdı getdi. (H. Arif) bədii sual, bədii təyin, epitet, təşbeh-bənzətmə
Su yerinə qan axar köksündəki hər çeşmədən
Dağ götürsə dərdimi tab eyləməz bu siqlətə. (S. Təbrizi) mübaliğə-şişirtmə.
3-cü Qrup
Öpür qayaları, öpür daşları
Bala sevgisiylə o ana dağlar
Nə yaman qışqırır sular dərədə
Səfərə çıxıbdır arana dağlar. (B. Vahabzadə) epitet-bədii təyin, metafora-köçürmə,
Mənə gəl-gəl deyir, Təbriz, Miyana
Sən necə baxırsan, Arazım, buna! (S. Rüstəm) metonimiya-addəyişmə,
3.4 Məlumat mubadiləsi və müzakirəsi (8 dəq): Hər bir qrup bir nümayəndə seçir və öz
nəticələrini təqdim edir. Qrupların nəticələri müzkirə olunur.
5. Ümumiləşdirmə və nəticə (5 dəq): Deməli, belə bir nəticəyə gəlirik ki, bədii təsvir
vasitələri daha çox hər hansı anlayışı, əşyanı, hadisəni, insanı təsvir etmək üçün, oxucuda bu
barədə dəqiq təsvir yaratmaq üçün işlədilir və çox vaxt məcazi mənada işlənir. Bədii ifadə
vasitələri isə hansısa bir fikri daha dəqiq, daha qüvvətli şəkildə ifadə edir.
6. Yaradıcı tətbiqetmə (9 dəq): “Durna teli” əsərini oxuyub buradakı bədii təsvir və ifadə
vasitələrini qeyd edin.
