31
turbinalarining qoʻzgʻalmas qismi-korpusni- gorizontal tekislikka,
rotorni montaj qilish uchun qulay qilib yasaladi. Korpusda diafragma
oʻrnatish uchun maxsus oʻyiqlar mavjud. Bu oʻyiqlar korpus
tekisligiga mos tushadi. Diafragmalarning periferiyasi boʻylab, egri
chiziqli
kurakchalarni hosil qilgan, soplo kanallari oʻrnatilgan, ular
diafragmaga quyilgan yoki payvandlangan boʻladi. Valning korpus
devorlari orasidan oʻtish joylari, bugʻning tashqariga chiqib
ketmasligi (yuqori bosim tomonidan) va korpusga havoni soʻrib olish
uchun (past bosim tomonidan) labirint koʻrinishida yopilgan.
Labirintli yopishlar, rotorning diafragmadan oʻtadigan
joylarda,
bugʻning bir bosqichdan boshqa bosqichga oʻtib ketmasligi uchun
oʻrnatiladi. Valning bosh uchida chegaraviy nazorat (xavfsizlik
nazorati) uskunasi oʻrnatilgan. Bu uskuna val aylanish chastotasi
normadan 10-12% koʻtarilganda,
turbinani avtomatik tarzda
toʻxtatadi. Rotorning ohirgi uchini, bugʻ turbinasi toʻxtatilganidan
soʻng, rotorni sekin aylantirish (4-6 ayl/min) uchun elektr yuritmaga
ulaydilar. Bu narsa qurilmaning bir tekisda sovishini ta’minlaydi.
