|
İxtisas : Kompüter mühəndisliyi Qrup: 650a2 Fənn
|
bet | 1/4 | Sana | 09.05.2023 | Hajmi | 5.84 Mb. | | #57892 |
Bog'liq RS SERBEST IŞ
AZƏRBAYCAN RESPUBLİKASI ELM VƏ TƏHSİL NAZİRLİYİ
AZƏRBAYCAN TEXNİKİ UNİVERSİTETİ
Fakültə : İTT
İxtisas : Kompüter mühəndisliyi
Qrup: 650a2
Fənn: Rəqəmsal sistemlər
Mövzu: Analoq – rəqəm çeviriciləri
Tələbə : Mirzəyev Ülfət
Müəllim : Məmmədov Cabir
Analoq-rəqəm və rəqəm-analoq çeviriciləri
Sərbəst iş
Elektron sistemlərində analoq və rəqəm formada verilmiş informasiyanın eyni vaxtda emalından çox geniş istifadə olunur. Bu da onunla izah olunur ki, müxtəlif fiziki kəmiyyət və proseslərə malik ilkin, başlanğıc informasiya analoq xarakterli olur. Belə informasiyanı rəqəm formasına çevirmək asan olur. Bundan sonra alınan rəqəm emalının nəticəsini analoq şəkilində təsviri də tələb olunur. Deməli, informasiyanın rəqəm üsulu ilə emalından istifadə olunması analoq və rəqəm siqnallarını bir – birinə qarşılıqlı çevirən qurğunun olmasını tələb edir. Belə qurğu rolunu analoq – rəqəm və rəqəm - analoq çeviriciləri oynayır.
Analoq-rəqəm və rəqəm analoq çeviricilər (ADC and DAC ) nədir?
Analoq – rəqəm çeviricisi (qısaca olaraq ARÇ və ya ingiliscə ADC )
Analoq – rəqəm çeviricisi (qısaca olaraq ARÇ) – giriş analoq siqnallarını ona uyğun rəqəm siqnallarına çevirən qurğudur. EHM və digər rəqəm qurğuları ilə iş üçün yararlıdır. Analoq formadan siqnalın rəqəmli formaya çevrilməsi analoq – rəqəm çevrici adlanan qurğuda aparılır. Siqnalların analoq formadan rəqəmli formaya çevrilmə prosesini üç mərhələyə bölmək olar:
- diskretləşdirmə,
- kvantlama
- kodlaşdırma.
Analoq-rəqəm çeviricisinin şərti işarəsi
1.Fasiləsiz siqnalların diskretləşdirilməsi.
Diskretləşdirmə prosesi vaxta görə fasiləsiz siqnalın ayrı-ayrı qiymətinin, müəyyən T zaman intervalının ani qiymətinə uyğun seçilməklə aparılır. T intervalı zamanın takt intervalı adlanır . t1, t2, t3, ... anı isə zamanın takt anı olub hesabatı təyin edir. Siqnalın diskret qiymətini elə kiçik T takt intervalında aparmaq lazımdır ki, analoq formada siqnalı tələb olunan dəqiqliklə bərpa etmək mümkün olsun.
|
| |