Kegeyli rayonı Mektepke shekemgi hám mektep bilimlendiriw bólimine qaraslı 36-sanlı ulıwma bilim beriw mektebinde ótkerilgen úgit-násiyat ilaji
BAYANLAMASÍ
Jalpaq jap APJ 26-sentyabr, 2023-jıl
Qatnasqanlar:
|
Q.Qaypov – mektep direktorı
Q.Allaxov – Din isleri boyınsha komitettiń rayondaǵı wákili
B.Matekov – Respublika Ruwxıylıq hám aǵartıwshılıq orayı Kegeyli rayonlıq bólimi baslıǵı
D.Atajanov – rayonlıq Ishki isler bólimi xızmetkeri
|
G.Arzımova-mekteptiń ruwxiy-aǵartıwshılıq boyınsha direktor orınbasarı
Kún tartibinde:
1. Jaslar hám jas óspirimler arasında ekstremizm hám terrorizimge qarsı gúresiw boyınsha úgit-násiyat jumısların alıp barıw
Ilajdı Respublika Ruwxıylıq hám aǵartıwshılıq orayı rayonlıq bólimi baslıǵı B.Matekov ashtı hám qatnasıwshılar menen tanıstırıp ótti. Ol óz sózinde házirgi waqıtta bir neshe iri ekstremistlik shólkemler belsene túrde sociallıq tarmaqlar arqalı óz qatarına mektep jasındaǵı balalardı tartpaqta. Bunda psixologiyalıq tásir nátiyjeligin asırıw maqsetinde social tarmaq aǵzalarınıń dáslepki betlerine qoyılıp atırǵan súwretlerdi, táriyiplerdi, eskertiwlerdi hámde alıp barılıp atırǵan temalardaǵı sáwbetlesiwler puxta islep shıǵılıp, usı tiykarında «gózlengen» adamǵa temaǵa baylanıslı materiallardı internettiń Facebook, Odnoklassniki, VKontakte, Telegram, Twitter, WhatsApp kibi keń auditoriyaǵa iye bolǵan social tarmaqlar arqalı jiberip óz-ara baylanıslar jolǵa qoyılmaqta. Jurtbasımız Respublikada ámelge asırılıp atırǵan reformalar hámde qáwipsizlikke zıyan keltirip atırǵan mashqalalarǵa toqtalıp, ekstremizm hám terrorizm qáwipi sońǵı jıllarda kúsheyip baratırǵanlıǵı, olarǵa qarsı kúsh isletiw jolı ózin aqlamay atırǵanlıǵın ayrıqsha atap ótti. Joqarıdaǵı aǵımlar tásirine túsip qalmaw ushın hár birimiz bárqulla sergek bolıwımız, jurt tınıshlıǵı, xalıq abadanlıǵı jolında óz úlesimizdi qosıwmız lazım.
Bunnan soń sózge Kegeyli rayonı “Jome meshiti” bas imamı A.Yusupov bayanat jasadı.Ol óz bayanatında shúkirshilik etiw arqalı berilgen nematlar jáne de zıyada bolar eken. Hádislerde kim azanda uyqıdan oyanǵanında shańaraǵı tınısh, deni saw hám úyinde bir kúnlik azıq-awqatı bolsa, onda dúnyadaǵı barlıq nematlar bar ekenligi aytıladı. Demek eń áziz nemat bul – tınıshlıqdur. Biz jawızlıqqa qarsı aǵartıwshılıq dep aytamız. Jawızlıq – insan ómirin hám aqiretin qúydiredi. Al aǵartıwshılıq bolsa, insan qálbin hám ruwxıy dúnyasın gózzalastıradı. Aǵartıwshılıq sózi – bilim, allanı tanıw sıyaqlı sózlerdi ózinde jámleytuǵınlıǵın atap ótti.
Bunnan soń Din isleri boyınsha komitettiń rayondaǵı wákili Q.Allaxov sózge shıǵıp, ol óz sózinde qáwip eki kóriniste boladı – ishki hám sırtqı. Ishki qáwip jámiyet aǵzalarında yaki qanday da bir mámleket xalqında óz rawajlanıw jolına isenimsizlikti keltirip shıǵaradı hám ala awızlıqqa alıp baradı. Ishki qáwipler menmenlik, biypárwalıq, giyabentlik, ekonomikalıq jınayatlar, paraxorlıq sıyaqlı basqa illetlerdi de qamtıp aladı.
Al, sırtqı qáwipke shet eldegi dushpanlardıń ústemlikke erisiw jolındaǵı buzǵınshılıqları, atap aytqanda, buzǵınshı, terrorshı aqıydaparaz kúshlerdiń din nıqabı astında basqa xalıqlardı rawajlanıw jolınan shetletiwge qaratılǵan háreketleri mısal boladı. Mánáwiy qáwip degende, dinine, isenimine qaramastan, hár bir adamnıń erkin insan bolıp jasawına qarsı qaratılǵan, onıń ruwxıy dúnyasın izden shıǵarıw maqset etilgen ideologiyalıq hújimler túsiniledi.
Missionerlik, ǵalaba mádeniyat, terrorshılıq, aqıydaparazlıq hám jat ideyalar. Bulardıń bárshesin ulıwmalastırıp “Hújdan erkinligine qáwip” dep atasa boladı. Bul qáwiptiń nıshan orayında xalıqtıń sana-sezimi qáliplespegen jasları hám sırtqı tásirge beriliwshi yaki bir kúnlik tamaǵınan basqa táshwishi joq qatlam bolıwı menen qáwipli. Áne sonday, insanlardıń qálbindegi isenim boslıǵı bizlerge dos bolmaǵanlardıń ǵárezli maqsetlerine xızmet qılıwshı jat ideyalar menen tolıqtırıladı. Usılayınsha xalıq arasında alawızlıq payda boladı. Insannıń isenimin ózgertseń, ómir tárizi de túpten ózgeriwi sózsiz.
Joqarıda keltirilgen maǵlıwmatlardan kelip shıǵıp
QARAR ETEDI:
1. Búgingi ótkerilgen ilaj maǵlıwmat ushın qabıl etilsin.
2. Oqıwshılar arasında terrorizm hám diniy ekstremizmge qarsı gúresiw boyınsha úgit-násiyat jumıslar,mektepte ótiletuǵın “Klass saat”larında da qosımsha klass bashılar tárepinen alıp barılsın.
Mektep direktorı: Q.Qaypov
Bayanlastırǵan: G.Arzımova
|
