“kompyuter tarmoqlari” fanidan

“KOMPYUTER TARMOQLARI”

Fan o’qituvchisi: “Kompyuter tizimlari” kafedrasi

kat.o’q. Sotvoldiyev Xusniddin Ibragimovich

1- MA’RUZA

Kompyuter tarmoqlarining rivojlanish bosqichlari, kompyuterlarning avlodlari va ularning imkoniyatlari.

Reja

• Kirish.
• Kompyuter tarmoqlarining tarixi.

3.Kompyuter tarmoqlarining protokol, Interfeys va texnologiyalari haqida umumiy tushunchalar.

1. Kirish

Kurs haqida qisqacha ma’lumotlar

“Kompyuter tarmoqlari” fani talabalarga zamonaviy kompyuter tarmoqlari, ularni loyihalash, nazariy bilimlar, kompyuter tarmoqlarining (KT) elementlari, funksional va tarkibiy tuzilishi, protokollar va ularning vazifalari, OSI va TCP/IP protokollar steki hamda Internet tarmoqlari haqidagi bilimlarni berishni o’z ichiga oladi. Shuning, ushbu kurs Cisco Packet Tracer dasturidan foydalanib LAN, MAN va WAN tarmoqlarini loyihalash va simulyatsiya qilish jarayonini qamrab oladi.

O‘quv natijalari

Ushbu kurs oxirida Talaba:

Kompyuter tarmoqlarining rivojlanish bosqichlari, kompyuter tarmoqlarida qo’llaniladigan amaliy pog’ona ilovalari, pog’onali aloqa arxitekturalari va ularning asosiy jihatlari, klient-server modellari, ma’lumotlarni uzatish asoslari haqida asosiy tushunchalarga ega bo‘ladi.

Simli va simsiz tarmoq texnologiyalari va muhitlari, IEEE 802 (IEEE 802.3, 802.11, 802.15, 802.16) standartlari, mobil tarmoqlarining standartlari, zamonaviy tarmoqni loyihalash dasturlari, uzatish muhitlari, axborot xavfsizligi masalalari va tarmoqni boshqarish haqida tasavvurga ega bo‘ladi.