|
Laboratoriya ishlarini bajarishni tashkil qilish
|
| bet | 1/3 | | Sana | 05.02.2024 | | Hajmi | 43.51 Kb. | | #151482 |
Bog'liq Texnika xavfsizlik qoidalari 106b2e99-fa4b-4425-8da1-850c24872d36, Tijorat banklari, Neft hám gazdi jńynaw Ulıq, Muhammad ibn Muso al Xorazmiy,Nasriddin Tusiy, Jamshid G‘iyosiddin al Koshiy Ulug‘bek asarlarida arifmetikaning rivojlanishi haqida ma’lumotlar., тех харита, 1-dekabr, Olmos Shomirzayev
TEXNIKA XAVFSIZLIGI QOIDALARI BILAN TANISHISH. XATOLIKLAR NAZARIYASI. TAJRIBALAR O‘TKAZILISHI TARTIB-QOIDALARI VA HISOBOT TAYYORLASH TARTIBI.
LABORATORIYA ISHLARINI BAJARISHNI TASHKIL QILISH
Har bir talaba laboratoriya ishlarini bajarish uchun mashg‘ulotga tayyorlanib kelishi lozim. Buning uchun u ma’ruzalar matni va adabiyotlardan takrorlab, laboratoriya ishlarini bajarish bo‘yicha hisobot shakli(formasi) ni tayyorlab kelish shart.
Mashg ‘ulot boshlanishida o‘qituvchi talabalarning ishni bajarishga tayyorgarlik darajasini tekshiradi va ushbu tekshiruv natijalari asosida tayyorgarligi yetarli bo‘lgan talabalarga laboratoriya mashg‘ulotlarini bajarishga ruxsat beradi.
Har bir laboratoriya ishini 2 ta talaba birgalikda bajaradi. Laboratoriyaishining tajriba qismi qo‘llanmada tavsiya qilingan tartibda va xavfsizlik choralariga rioya qilingan holda bajariladi.
Ishning tajriba qismi bajarilgandan so‘ng laboratoriya ishlari bo‘yicha hisobotga o‘tkazilgan tajriba natijalari kiritilib, xulosa yoziladi va ushbu laboratoriya ishlari himoya qilinadi.
Betartib rasmiylashtirilgan hisobot himoyaga qabul qilinmaydi.
Himoya davomida savollarga aniq javob berib, o‘tkazilgan tajriba natijalarini tushuntira olgan talabalarga ushbu laboratoriya ishiga ajratilgan reyting sinovdan o‘tganligi haqida o ‘qituvchi daftariga belgilab qo‘yiladi.
Mashg ‘ulot davomida laboratoriya ishini himoya qila olmagan talabalar keyingi mashg‘ulotgacha o‘qituvchi ajratgan qo‘shimcha vaqtda ushbu ishni himoya qilishlari shart.
Laboratoriya ishlarini o‘quv rejasi bilan ko‘rsatilgan muddatlarda bajarmagan talabalar ularni barcha asosiy laboratoriya mashg‘ulotlari tugallangandan so‘ng, o‘qituvchi bilan kelishilgan qo‘shimcha vaqtlarda bajarishlari shart.
LABORATORIYA ISHLARINI BAJARISH DAVOMIDA XAVFSIZLIK CHORALARI
Ishni boshlashdan oldin har bir talaba ushbu qoidalarni diqqat bilan oʻqib chiqishi va xavfsizlik boʻyicha jurnalga imzo qoʻyishi shart.
|
| |
