|
-MARUZA
16-mavzu. Elektr yoyning harorati va volt-amper tavsifi
|
| bet | 21/146 | | Sana | 23.11.2023 | | Hajmi | 26,37 Mb. | | #103915 |
Bog'liq Islom karimov nomidagi toshkent davlat texnika universiteti17-MARUZA
16-mavzu. Elektr yoyning harorati va volt-amper tavsifi
Reja:
1. Elektr yoytining asosiy parametrlari.
2. Elektr yoy parametrlarining geometric va fizik kattaliklarga bog`liqligi.
Yoyning ta’sir ko‘rsatish xududida ajraladigan energiya tok kuchining elektrodlar o‘rtasidagi kuchlanishning tushishiga ko‘paytmasi sifatida aniqlanishi mumkin:
Wyoy=Jyoy*Uyoy
bunda Wyoy - yoy xududida ajraladigan energiya, vatt xisobida,
Jyoy – tok kuchi, A da,
Uyoy – yoydagi kuchlanish.
Elektr yoyining xolatini yoyning to‘rtta asosiy parametrlari bilan tavsiflash mumkin:
Tok kuchi - Jyoy
Tok zichligi - iyoy
Yoydagi kuchlanish - Uyoy
Yoy uzunligi - Lyoy
Elektrodlarning o‘lchamlari va ular orasidagi masofalar doimiy bo‘lganda yoyning elektr parametrlari elektrodlarning materialiga yoydagi gaz tarkibiga va yoy ustunida elektrodlar va gazning temperaturasiga bog’liq bo‘ladi.
Elektrod o‘lchamlarining va ular orasidagi masofani o‘zgarishi o‘z navbatida uning elektrik parametrlariga ta’sir qiladi. Shu tarzda yoyning elektrik parametrlari geometrik va fizik omillarga bog’liq bo‘ladi.
Yoy razryadi gazlardagi yoy razryadi turlarining biri xisoblanadi. Yoy razryadi kata zichlikdagi tok razryadining, qizigan katod electron emissiyasi va katod ionlari va yoy oralig`idagi issiqlik ionizatsiyasi bilan quvvatlantirib turilishi bilan xarakterlanadi. Yoy jarayonini boshlanishi uchun uni yoqish yoki qo`zg`atish zarur. Yoyni yoqishni elektrodlarni bir biriga tekizib yoki tok o`tkazuvchi tagliklarga elektrodlarni tekizib, shuningdek elektrodlarni bir biriga tekizmasdan ularga kata kuchlanish va chastotali tok berish yo`li bilan amalga oshirish mumkin.
Yoyni o`rtasi tsilindir ko`rinishidagi gazli o`tkazgich sifatida ko`rish mumkin. Elektrodlar yonida yoy aktiv dog`lar (anod va katod) o`lchamlarigacha qisqaradi.
Aktiv dog`lar deganda elektrodlarning eng qizigan uchastkalari, yoyning deyarli barcha tokini o`zidan o`tkazuvchi yuzasi tushuniladi. Manfiy qutub tomonda joylashgan aktiv dog` katod dog`I deb ataladi, musbat qutub tomonda joylashgan aktiv dog` esa – anod dog`I deb ataladi.
Yoy uzunligi bo`yicha uchta zonaga bo`linadi: katod zonasi; anod zonasi va yoy ustuni. Katod va anod zonalari elektrodga tutashgan xolatda bo`ladi, yoy usatuni esa ular oralig`ida joylashadi. Katod zonasining kattaligi elektronlarning erkin harakatlanish uzunligi(10-5 sm) ga teng, anod zonasining uzunligi undan kattaroq va taxminan10-3 — 10-5 sm ni tashkil qiladi.
Yoyning razryadlanish jarayonida yoy ustunida gazning qizishi yuz beradi. Bu holatda odiy yoy ustunidagi gaz temperaturasi 6000-8000°S ga yetadi, siqilgan yoylarda esa 35000 — 40000°S. Katod dog`ining chegaraviy temperaturasi katod materialining qaynash temperaturasiga teng. Bu yerda ajralib chiqayotgan issiqlik quyidagicha taxsimlanadi: 45% katodda, 56% anodda va 21% yoy ustunida.
Payvand yoyining elektr tarmog`idagi xususiyati uning static volt amper xarakteristikasi bilan tavsiflanadi. Yoyning volt –amper xarakteristikasi deb yoy kuchlanishining Uyoy , yoydagi tok kuchi kattaligiga bog`liqligini ifodalovchi grafigiga aytiladi(1.1rasm.) yoy kuchlanishi uchta zonadagi kuchlanishlar tushuvi yig`indisiga teng:
Uyoy=Uк+Uu+Uа (1.1)
Bu yerda Uк — katod zonasidagi kuchlanishlar tushuvi, Uк =8—20В;
Uu — yoy ustunidagi kuchlanishlar tushuvi, В;
Uа — anod zonasidagi kuchlanishlar tushuvi, Uа=2—4В.
Uк –katod zonasidagi kuchlanish tushuvi tokka va yoy uzunligiga deyarli bog`liq emas va katod materialining ionlashish potensialiga teng. Uu yoy ustuni va Uа anod zonasi kuchlanishi esa elektr maydoning kuchlanganligi Е va yoy uzunligi l .ortishi bilan ortib boradi. E elektr maydon kuchlanganligi yoy ustunida tok zichligi ortishi va yoy uzunligi kamayishi bilan ortib boradi. Yoy kuchlanishi yana bir qator faktorlarga bog`liq bo`lib bulardan biri yoyning FIK(foydali ish koeffitsiyenti hisoblanadi. Bundan ko`rinib turibdiki yoy kuchlanishiUyoy, asosan yoy ustunining uzunligi va undagi tik zichligiga bog`liq ekan. Yoy ustunidagi tokni ortishida tok zichligining kamayishi, yoy ustuni yuzasining ortishi tezligi, tokning ortish tezligidan kata bo`lgan holatlarda yuz beradi. Bundan ko`rinib turibdiki tokning ortishi bilan Е-elektr maydon kuchlanganligi, Uа, Uu, Uyoy; kuchlanishlar pasayadi; yoy volt amper xarakteristikasi bu holatda tushuvchi xarakterga ega bo`ladi. Tok kuchining ortib borishida yoy ustuni kattalash olmay qolgan holatda tok zichligi ortishi kuzatiladi. bu holatda tokning ortishi bilan Е-elektr maydon kuchlanganligi, Uа, Uu, Uyoy kuchlanishlar ortadi. Yoy volt amper xarakteristikasi o`suvchi xarakterga ega bo`ladi. (1.1 rasm)
1.1rasm. Yoy statik volt amper xarakteristikasi.
Yoy statik volt amper xarakteristikaning analizidan ko`rinib turibdiki, u elektr tarmog`ining chiziqli o`zgaruvchi xarakterdagi elementi emas. Shuning uchun unga Om qonunini qo`llab bo`lmaydi. Tokning uncha kata bo`lmagan zichliklari uchun Ayirton formulasidan foydalanishimiz mumkin:
(1.2)
Bu yerda а, b, с, d - koeffitsiyentlar, gaz muxiti tarkibi va elektrod materialiga bog`liq.
Ayrim foydalanadigan payvandlash rejimlarida (Iд > 100А, jд > 200А/мм2) yoy kuchlanishi tok kuchiga umuman bog`liq emas:
Uyoy=Uк+Uа+Eyoylyoy (1.3)
Bu yerda Eyoy — yoy ustunidagi elektr maydon kuchlanganligi, Eyoy =10—40/см.
|
| |
