Doimiy biriktirilgan muftalar

Doimiy biriktirilgan muftalarning eng oddiysi vtulka ko’rinishidagi mufta bo’lib, vallar uchiga vtulka kiritiladi va mufta (1-a rasm), shponka (1-b rasm) yoki shlitslar vositasida qo’zg’almas qilib maxkamlab qo’yiladi.

1-rasm.
Bunday muftalar tuzilishining oddiyligi va o’lchamlari katta bo’lmasligi bilan ajralib turadi, lekin vtulkani o’rnatish uchun valni o’qi bo’ylab siljitishiga to’g’ri keladi. SHuning uchun ulanadigan vallar diametri 50 mm ga ega bo’lgan katta o’lchamlarga ega bo’lmagan mashina mexanizmlarida ishlatiladi. Muftalarinng mustaxkamligi, asosan, shponkali, shtifli yoki shlitsli birikmalarning chidamliligi xamda vtulkaning mustaxkamligi bilan belgilanadi.

Gardishsimon yapaloq muftalar (2-rasm) ikkita yarim pallali muftadan iborat, ular o’zaro birikuvchi vallarga oldindan o’rnatilgan bo’lishi mumkin.

SHuning uchun, ular mashinasozlikda vallar diametri chegaralanmagan xolda keng ko’lamda ishlatiladi. Bunday muftalar tuzilishining bir turi 2-a rasmda ko’rasatilgan. Bu mufta boltlar yordamida bo’shliq bilan o’rnatilgan bo’lib, burovchi mo`lent esa ikala yarim muftaning 1 va 2 boltlar vositasida bir-biriga siqib qo’yilishidan ularning ajratish sirtida xosil bo’lgan ishqalanish kuchi xisobiga uzatiladi. Vallarning o’qdoshligi chapdagi yarim muftani markazlashtiruvchi burtikga A o’ng to`londagi yarim muftani teshigiga joylashishi bilan ta’minlanadi. Texnik xavfsizlikni inobatga olgan xolda boltli birikmani boshqarib turgan qismi burtik B yordamida biriktirilgan.

2-rasm.