Mavzu: Hujjatlarda shakl va blok-sxemalar yaratish mavzusini o'qitishda innovatsion texnologiyalardan foydalanish Bajardi

Download 3,46 Mb.
bet	11/16
Sana	27.01.2024
Hajmi	3,46 Mb.
	#147177

Bog'liq
Hujjatlarda shakl va blok-sxemalar yaratish mavzusini o\'qitishda innovartsion texnologiyalardan foydalanish

web uchun ilovalar

Web uchun ilovalar – bu alohida veb-sahifalar, uning tarkibiy qismlari (menyu, navigatsiya v.b.), ma’lumot uzatish uchun ilovalar, ko‘p kanalli ilovalar, chatlar va boshqalar.

Multimediali texnologiyalaridan foydalanish uchun ularni loyihalashning boshlang‘ich bosqichida o‘quv materiallarini qamrab olish modeli quyidagilarga imkon beradi:

• material mazmunini aniq belgilash: unda ma’ruza, amaliy, laboratoriya, mustaqil ta’lim, nazorat topshiriqlari belgilab olish;
• mazmunni ko‘rgazmali, aniq va ochiq tarzda, slayd, prezintatsiya, turli animatsiya yaratuvchi dasturlarda yaratilganlarni taqdim etish;
• multimedia ilova komponentlari tarkibini aniqlash: mavzudagi qaysi mazmunni animatsiya, video, matn, grafik ko‘rinishida ifodalashni belgilash va h.k..
Kompyuter ekranidagi ma’lumotni vizuallashtirish usullarini ishlab chiqishda psixologiya yutuqlarini hisobga olish, bir qator umumiy tavsiyalarni shakllantirishga yordam beradi. Ular:
• ekranda aks etadigan ma’lumotlar tizimga keltirilgan bo‘lishi;
• vizual ma’lumotlar davriy ravishda tovushli ma’lumotga almashib turishi;
• rang yorqinligi hamda tovush balandligi davriy ravishda o‘zgarib turishi;
• vizuallashtirilayotgan material mazmuni juda ham sodda yoki juda ham murakkab bo‘lmasligi kabilardir.
Illyustratsiya, jadval va chizmalar mavjud bo‘lgan animatsiya elementlari va ovoz jo‘rligida taqdim etilayotgan chiroyli bezalgan multimediali ilova o‘rganilayotgan materialni qabul qilishni osonlashtiradi, tushunish va eslab qolishga yordam beradi, ta’lim oluvchining bilim olishga bo‘lgan faolligini oshirib, predmetlar haqida aniqroq va to‘laroq tushunchaga ega bo‘lishini ta’minlaydi.
Tajribali pedagog o‘qituvchilar tomonidan yaratilgan multimedia ilovalaridan ta’lim muassasalarida foydalanishning ahamiyati shundaki:

• 
  o‘quv axborotlari zamonaviy usulda multimedia vositalari yordamida ekranda to‘laqonli yoritiladi;
  
• 
  bilimlarni interfaol usulda nazorat qilish imkoniyati mavjud;
  
• 
  undan bir vaqtning o‘zida bir emas, bir necha o‘quvchi foydalanishi mumkin.
  
• 
  vaqtdan unumli foydalanish imkoniyati mavjud, ya’ni kam vaqtda o‘quvchilar tomonidan ko‘p o‘quv axborotlarini o‘rganib oladilar.
  
• 
  o‘quv axborotlarini o‘quvchilar bir emas bir necha marta takrorlab o‘rganishlari mumkin va h.k.
  

Bugungi kunda deyarli barcha fanlardan multimediali texnologiya asosida ilovalar yaratilib, ular ta’lim jarayonida an’anaviy o‘quv materiallaridan ko‘ra samaraliroq ekanligi o‘z isbotini topmoqda. Shu jihatdan ta’lim samaradorligini oshirishda uning quyidagi afzalliklarini ko‘rsatish mumkin [29,31]:

• 
  dars o‘tishda ma’ruzachining o‘quv materialini tushuntirishining soddalashtirilishi;
  
• 
  o‘quv jarayonida original o‘rnida modellashtirilgan obyektlarni kuzatish mumkinligi;
  
• 
  o‘rganilayotgan materialning takroriy holda berish imkoniyatining mavjudligi;
  
• 
  o‘quvchilarning darsda o‘zlashtirish darajasining yuqori bo‘lishi;
  
• 
  virtual stendlar yordamida amaliy-laboratoriya ishlarining bajarishga zamin yaratilishi;
  
• 
  virtual stendlar maxsus, jihozlangan xona talab etmasligi;
  
• 
  o‘quv jarayonini video va animatsiyalar bilan boyitib borish natijada o‘quvchilarning darsga qiziqishining uyg‘otilishi;
  
• 
  ta’limning gumanizatsiyalashuvini ta’minlash;
  
• 
  ta’lim oluvchining kommunikativ va ijtimoiy qobiliyatlarini rivojlantirish;
  
• 
  ta’lim oluvchiga faol bilim oluvchi subyekt sifatida qarash, uning qadr-qimmatini tan olish;
  
• 
  ta’lim oluvchilarda, o‘zlarining kasbiy vazifalarini muvaffaqiyatli bajarish uchun hozirgi tez o‘zgaruvchan ijtimoiy sharoitlarga moslashuviga yordam beradigan zamonaviy ta’lim texnologiyalaridan foydalanish ko‘nikmalarini hosil qilish;
  
• 
  o‘quvchilar bilimini yakka tartibda nazorat qilish kabi imkoniyatlarni yaratadi.
  

Multimediali texnologiyalarini tashkil etuvchi vositalarning birlashishi o‘quvchilar tomonidan o‘rganilayotgan ma’lumot qabul qilishning yangi sifat darajasini ta’minlaydi, o‘quvchi passiv ravishda unga mahliyo bo‘libgina o‘tirmasdan, balki faol ishtirok etadi ham.
Multimedia texnologiyalari asosida multimediali elektron ta’lim resurslari yaratilib, undan foydalanish samaradorligi haqida tadqiqotchi olimlar o‘z fikr mulohazalarini yoritib berganlar.

Download 3,46 Mb.