Mavzu. Konteynerlar (Kollektsiyalar).
REJA
1.STL kutubxonalari.
2.Konteyner sinflar.
STL (Standard Template Library) kutubxonalari bilan tanishib,uning to‘plamlari va har to‘plamning vazifasi, ishlatish maqsadi, maxsus usullari va algoritmlarini, Iterator va dinamik struktura xususiyatlarini, iteratorlarning turlarini, iteratorlarning usullaridan foydalanishni, Barcha to‘plamlarda mavjud bo‘lgan asosiy usullarni, STL kutubxona algoritmlarini,barcha to‘plam elementlari tanlash va ularga ishlov berish usullari, saralash usullari,to‘plam a’zolari ustida ma’lum arifmetik amallarni bajarish usullari, pridekatlar, oqim xavfsizligi, konteyner sinflar, ketma-ket konteynerlar, assotsiativ konteynerlar, konteynerlarning xususiyatlari, konteyner sinflarning umumiy usullari, chiziqli konteynerlar (array, vector, deque, list, forward_list), konteynerlar bilan ishlash funksiyalari, allocator ajratuvchining vazifasi, bir bog‘lamli ro‘yxat , ikki bog‘lamli ro‘yxat (ikkilangan ro‘yxat) , ikki tomonlama navbat, dinamik massiv (vektor) , static massiv kabi to‘plamlarning vazifalari va usullari keltirilgan bo‘lib, nazariy bilimlarni asoslash uchun dasturlar tuzib ko‘rsatilgan.
Bilimlarni mustahkamlash uchun 10 ta nazariy savol va amaliy ko‘nikma va malakalarni rivojlantrish uchun 2 ta assisment topshirig‘i va har assismentda 7 ta topshiriq, jami 14 ta topshiriq berilgan. Bu topshiriqlarni bajarish mavzuni mustahkamlash uchun xizmat qiladi.
Kalit so‘zlar. STL kutubxonasi, to‘plam, shablon, vector, list, map, set, multimap, multiset, string, wstring, strstream, satrli oqim, iterator, dinamik ma’lumotlar tuzilmasi, pridekat, konteyner sinflar.
Bilish shart bo‘lgan tushunchalar. Tip tushunchasi, sinf va sinf obyekti, to‘plam, massiv, elementga murojaat, funksiya va ko‘rsatkich, ma’lumotlarni kirish va chiqishi, oqim, dasturlashga oid dastlabki tushunchalar va C++ tilini qo‘llab quvvatlovchi mu hitda ishlashni bilish lozim.
Bilib olasiz. STL kutubxonasining imkoniyati, vector, list, map, set, multimap, multiset, string, wstring, strstream, Satrli oqim kabi to‘lplamlarni ishlatish usullari va vazifalar, Iterator va dinamik ma’lumotlar tuzilmasi ishlatish va turlari, pridekat, konteyner sinflar, ketma-ket konteynerlar, Xususiyatlarni va funksiyalarini ishlash tamoyllari,
KIRISH
Dasturlash texnologiyalarining rivojlanishi dasturlash tillarini ishlab chiqaruvchilar oldiga juda jiddiy masallarni paydo qilmoqda.
Shulardan biri bu dasturlash tillari uchun turli xil to‘plamlar bilan ishlashdir.
Masalan, xayotdan olib qaraydigan bo‘lsak, barcha narsalar qandaydir to‘plam, ammo qonuniyati har xil.Bu to‘plamlarni qanday dasturlash kerak degan muammo paydo bo‘ladi. Shuning uchun barcha obyektga yo‘naltirilgan dasturlash tillarida STL, yaʻni standart shablonlar kutubxonasi tushunchasi kiritilgan. STL (Standard Template Library) kutubxonalari, to‘plam turlari, xususiyatlari, usullari va funksiyalar, konteyner va iteratorlar bo‘yicha nazariy materiallarni keltiramiz.
|
