|
Mavzu: Oliy ta`limning Davlat ta’lim standarti
|
| bet | 1/9 | | Sana | 09.06.2022 | | Hajmi | 80.5 Kb. | | #23331 |
Bog'liq Oliy ta`limning Davlat ta’lim standarti fizika amaliy 4, Alisher Navoiy, betlar, Главные члены двусоставного предложения. Способы выражения подлежащего и сказуемого, Mustaqil ish. feruz, 19-mavzu maruza, Taʼlim jarayoni qonuniyatlari va tamoyillari, Abbosjon Antiplag, Abbosjon Antiplag, 3 - laboratoriya, noorganik ionlar va ularning ahamiyati, 2.Jahon tarixi kafedrasi Kurs ishi Namuna foydalanishga, 14,15-lecture Multimedia, Mavzu. Matritsa ustida almashtirishlar-fayllar.org
Mavzu: Oliy ta`limning Davlat ta’lim standarti
Reja:
1. Oliy ta’limning davlat ta’lim standarti. Asosiy qoidalar
2. Texnik jihatdan tartibga solish sohasidagi normativ hujjatlarga havolalar
3. Bitiruvchilarning tayyorgarligiga nisbatan qo‘yiladigan malaka talablarining asosiy qoidalari
Mazkur davlat standarti O‘zbekiston Respublikasining “Ta’lim to‘g‘risida”gi Qonuni va boshqa qonunchilik hujjatlari, shuningdek YUNESKO (UNESCO) tomonidan joriy qilingan “Ta’limning xalqaro standart klassifikatsiyasi” (TXSK 2011) va “TXSK: Ta’lim va kasbiy tayyorlash sohalari”ga (TXSK-S 2013) muvofiq ishlab chiqilgan.
1. Umumiy qoidalar
1. “Oliy ta’limning davlat ta’lim standarti. Asosiy qoidalar” (bundan buyon matnda Davlat ta’lim standartlari deb yuritiladi):
kadrlar tayyorlash sifatiga, ta’limning mazmuniga qo‘yiladigan umumiy talablarni;
ta’lim oluvchilar tayyorgarligining zarur va yetarli bilim darajasi hamda oliy ta’lim muassasalari bitiruvchilariga qo‘yiladigan umumiy malakaviy talablarni;
o‘quv yuklamasining hajmini;
ta’lim muassasalari faoliyati va kadrlar tayyorlash sifatini baholash tartiblari hamda mexanizmini belgilaydi.
2. Davlat ta’lim standartlari o‘quv jarayonini, ta’lim muassasalari faoliyatini, kadrlar, darslik va o‘quv qo‘llanmalari tayyorlash sifatini baholashni tartibga soluvchi tegishli hujjatlarni (bakalavriat ta’lim yo‘nalishlari va magistratura mutaxassisliklari uchun malaka talablari, o‘quv rejalari, o‘quv dasturlari va boshqalar) ishlab chiqish uchun asos hisoblanadi.
3. Davlat ta’lim standartlari oliy ma’lumotli kadrlar tayyorlashda idoraviy bo‘ysunuv va mulkchilik shakllaridan qat’iy nazar, O‘zbekiston Respublikasining davlat ta’lim standartlari asosida kadrlar tayyorlovchi barcha oliy ta’lim muassasalari uchun majburiydir.
Nodavlat ta’lim tashkilotlari mustaqil ishlab chiqilgan va litsenziyada ko‘rsatilgan o‘quv dasturlari asosida ta’lim faoliyatini amalga oshirishlari mumkin.
|
| |
