|
Takrorlash operatorlari: while, do-while, if-goto operatori
|
| bet | 32/49 | | Sana | 20.12.2023 | | Hajmi | 0,91 Mb. | | #125486 |
Bog'liq Mavzu; Operatsion tizimlar haqida umumiy ma lumot Takrorlash operatorlari: while, do-while, if-goto operatori
Reja:
1. while va da-while sikli
2. Sikldan chiqish uchun break,continue va goto instruksiyasidan foydalanish
3.Masalalar yechish
while siklining yozilishi quyidagicha:
whille (shart) instruksiya;
Bunda instruksiya sifatida bitta instruksiya tushuniladi. Bir nechta
instruksiya qatnashishi uchun while sikli quyidagicha yoziladi:
whille (shart)
{
instruksiyalar ketma-ketligi;
}
Shart bool tipiga tegishli ifoda bo`lib, siklni boshqaradi. Toki shart true
qiymat qaytararkan sikl ishlaydi. Shartli ifoda false qiymat qaytarganda
dastur bajarilishi sikldan keyingi instruksiyaga beriladi. Misol:
using System;
class WhileDemo
{
public static void Main()
{
int num;
int mag;
num = 435679;
mag = 0;
Console.WriteLine("Son: " + num);
while(num > 0)
{
mag++;
num = num /10;
}
Console.WriteLine("raqamlar soni: " + mag);
}
}
Natija:
Son: 435679
raqamlar soni: 6
while siklidagi shart for siklidagi shart kabi siklga kirishdan oldin
tekshiriladi. Sikl tanasidagi instruksiyalarning bajarilishi shartli ifodaning
Alaev Ruhillo Habibovich
natijasiga bog`liq. Agar birinchi tekshirishdanoq shartli ifoda false qiymat
qaytarsa, sikl tanasidagi instruksiyalar bir marta ham bajarilmaydi.
do-while sikli
do-while sikli for va while sikllaridan farqli ravishda shartni sikl boshida
emas, balki sikl oxirida tekshiradi. Bundan kelib chiqadiki do-while sikli
hech bo`lmaganda bir marta bajariladi. Uning yozilishi quyidagicha:
do
{
instruksiyalar ketma-ketligi
}
while (shart);
{} figurali qavslar do-while siklida shart bo`lmasada, lekin ularni ishlatish
dastur kodini o`qishni osonlashtiradi va while siklidan farqlashga yordam
beradi. do-while sikli toki shartli ifoda true qiymat qaytararkan
bajarilaveradi. Quyidagi misol sonning raqamlarini teskari tartibda yozadi:
using System;
class DoWhileDemo
{
public static void Main()
{
int num;
int nextdigit;
num = 198;
Console.WriteLine("Son: " + num);
Console.Write("Soning raqamlari teskari tartibda: " ) ;
do
{
nextdigit = num % 10;
Console.Write(nextdigit);
num = num / 10;
} while(num > 0) ;
Console.WriteLine() ;
}
}
Natija:
Son: 198
Soning raqamlari teskari tartibda: 891
Har bir iterasiyada sonning oxirgi raqami sonni 10 ga bo`lib qoldig`ini
olish orqali aniqlanadi. Olingan qoldiq ekranga chop etiladi. Nisbat natijasi
esa num o`zgaruvchida saqlanadi. Bu jarayon son yani num ning qiymati 0
ga teng bo`lguncha davom ettiriladi.
Sikldan chiqish uchun break instruksiyasidan foydalanish
break instruksiyasi orqali sikldan tezda chiqishni tashkil qilish mumkin.
break instruksiyasi ishlatilganda sikldagi shart va sikl tanasidagi qolgan
instruksiyalar bajarilishi to`xtatilib, siklning ishi tugatiladi va boshqaruv
sikldan keyingi instruksiyaga beriladi. Misol:
using System;
class BreakDemo
{
public static void Main()
{
// break instruksiyasidan foydalanish
for(int i=-10; i <= 10; i++)
{
if ( i > 0) break; // i > 0 bo`lganda sikldan chiqish
Console.Write(i + " " );
}
Console.WriteLine("Tamom!");
}
}
Natija:
-10 -9 -8 -7 -6 -5 -4 -3 -2 -1 0 Tamom!
while, do-while instruksiyalarida ham break instruksiyasi sikldan chiqish
uchun foydalaniladi va sikl tanasida yoziladi. break instruksiyasi faqat o`zi
yozilgan siklga ta`sir etadi yani faqat shu sikl ishini to`xtadi. Siklda bir
necha break instruksiyasi qo`llanilishi mumkin.
continue instruksiyasidan foydalanish
Sikldan tezda chiqish bilan birga siklning joriy iterasiyasini tugatib keyingi
iterasiyasiga o`tish uchun continue instruksiyasi qo`llaniladi. continue
instruksiyasidan keyingi instruksiyalar bajarilmasdan keyingi iterasiyaga
o`tiladi. Misol:
using System;
class ContDemo
{
public static void Main()
{
// Выводим четные числа между 0 и 100.
for(int i = 0; i <= 100; i++)
{
if ((i%2) != 0) continue; // keyingi iterasiyaga o`tish
Console.WriteLine(i);
}
}
}
Bu misolda faqat juft sonlar chop etiladi. Toq sonni aniqlaganda oldinroq
keyingi iterasiyaga o`tiladi. while va do-while instruksiyasida continue
instruksiyasi boshqaruvni shartli ifodaga beriladi, for siklida esa continue
instruksiyasidan keyin avval iterasiya ifodasi bajariladi undan keyin shartli
ifoda bajariladi.
goto instruksiyasi
goto instruksiyasi C# da shartsiz o`tish uchun ishlatiladi. goto instruksiyasi
bajarilgandan keyin boshqaruv nishon bilan ko`rsatilgan instruksiyaga
beriladi. Bu instruksiya dasturchilar tomonidan ko`p ishlatilmaydi. U
dasturning o`qilishini qiyinlashtiradi. goto instruksiyasini ishlatmasdan
ham dasturni yozish mumkin. goto instruksiyasini qo`llash uchun nishon
e`lon qilish talab qiladi. Nishon C# da identifikator bo`lib, undan keyin
ikki nuqta qo`yiladi. goto instruksiyasi yordamida quyidagi siklni hosil
qilish mumkin:
х = 1;
loop1:
x++;
if(x < 100) goto loop1;
goto instruksiyasini yana switch instruksiyasidagi case va default
tarmoqlariga o`tish uchun foydalaniladi. Bunda goto instruksiyasi switch
instruksiyasi tanasida bo`lishi kerak. Yani tashqaridan switch
instruksiyasidagi case va default tarmoqlariga murojaat qilish mumkin
emas. Misol:
using System;
class SwitchGoto
{
public static void Main()
{
for(int i=l; i < 5; i++)
{
switch(i)
{
case 1:
Console.WriteLine("case 1 tarmog'i");
goto case 3;
case 2:
Console.WriteLine("case 2 tarmog'i");
goto case 1;
case 3:
Console.WriteLine("case 3 tarmog'i");
goto default;
default:
Console.WriteLine("default tarmog'i");
break;
}
Console.WriteLine();
}
// goto case 1; bu xato ya`ni tashqaridan switch instruksiyasidagi case
va //default tarmoqlarga murojaat qilish mumkin emas.
}
}
Natija:
case 1 tarmog'i
case 3 tarmog'i
default tarmog'i
case 2 tarmog'i
case 1 tarmog'i
case 3 tarmog'i
default tarmog'i
case 3 tarmog'i
default tarmog'i
default tarmog'i
Ba`zan ichma-ich joylashgan instruksiyalardan chiqish uchun goto
instruksiyasini qo`llash maqsadga muvofiq. Masalan:
using System;
class Use_goto
{
public static void Main()
{
int i=0, j=0, k=0;
for(i=0; i < 10; i++)
{
for(j=0; j < 10; j++ )
{
for(k=0; k < 10; k++)
{
Consple.WriteLine("i, j, k: " + i + " " + j + " " + k) ;
if(k == 3) goto stop;
}
}
}
stop:
Console.WriteLine("Stop! i, j, k: " + i +" " + j + " " + k);
}
}
Natija:
i, j, k: 0 0 0
i, j, k: 0 0 1
i, j, k: 0 0 2
i, j, k: 0 0 3
Stop! i, j, k: 0 0 3
Bu dasturda goto instruksiyani qo`llamasdan xuddi shunday natijani
olish uchun 3 marta if va break instruksiyasini qo`llash kerak
|
| |
