|
Mavzu: tarmoq loyihalash
|
| bet | 1/3 | | Sana | 03.02.2024 | | Hajmi | 128,82 Kb. | | #151008 |
Bog'liq 8.19-dars 2 mustaqil, AkT fanidan 1-Amaliy mashg`ulot , test on, 6-задание
8-SINF______________/_______________/_______________/_______________/_______________
MAVZU: TARMOQ LOYIHALASH
Turli tarmoq tarkibiy qismlari nima vazifani bajarishini bilganingizdan soʻng, yangi tarmoq yaratish uchun qaysi birini ishlatishni tanlash kerak. Qaysi komponentlar kerakligini hal qilish uchun oʻzingizga qator savollar berishingiz kerak.
1. Sizga server kerakmi?
Har doim ham server kerak boʻlmaydi.
Katta tashkilotga fayllar, elektron pochta xabarlari va boshqalarni saqlash va har bir kompyuter uchun bitta printer zarurligini oldini olish uchun server kerak boʻlishi mumkin.
Masalan, uyingizdagi kichik tarmoq, ehtimol serverga ehtiyoj sezmaydi. Har bir kompyuter oʻz maʼlumotlarini saqlaydi va elektron pochtaga internet orqali kirish mumkin.
Server qimmat turadi va unga xizmat koʻrsatish uchun texnik koʻnikmalarga ega boʻlgan kishi kerak.
2. Simli, simsiz yoki aralash?
Kabellar bilan jismoniy jihatdan ulanish simsiz ulanishga nisbatan yuqoriroq o‘tkazuvchanlik qobiliyatini beradi. Sizga bu qoʻshimcha tezlik kerakmi? Bu kompyuterlar soniga bogʻliq.
Agar sizda maʼlumotlar yuboradigan va qabul qiladigan yuzlab kompyuterlar boʻlsa, unda yuqori oʻtkazuvchanlik qobiliyati zarur boʻladi. Shuningdek, agar siz katta hajmdagi fayllarni, masalan, videofayllarni uzatmoqchi boʻlsangiz, tezroq oʻtkazuvchanlik qobiliyati yaxshiroqdir.
Agar sizda faqat uchta yoki toʻrtta kompyuter boʻlsa va siz kichik fayllarni yuborsangiz, unda simsiz aloqa yetarli boʻladi.
Agar sizda koʻchma kompyuterlar boʻlsa, masalan, turli xonalarda foydalanmoqchi boʻlgan noutbukingiz yoki ulanmoqchi boʻlgan planshet kompyuteringiz boʻlsa, simsiz aloqa ham foydalidir.
Simsiz aloqa xavfsizligi pastroq. Shuning uchun muhim maʼlumotlarning ushlanib qolish ehtimoli katta.
Simsiz aloqa har doim ham ishonchli emas, devorlar toʻsqinlik qilishi va signalni zaiflashtirishi mumkin.
|
| |
