|
Mor, Folgard, Fayans usullari tushunchalari
|
| bet | 28/35 | | Sana | 16.12.2023 | | Hajmi | 172,42 Kb. | | #120263 |
Bog'liq 8,9,2. Mor, Folgard, Fayans usullari tushunchalari.
Mor usuli argentometriya usullaridan biri bo`lib, bu usul ushbu reaksiyaga asoslangan:
Ag+ + Hal– = AgHal↓
bu yerda, Hal––Cl–, Br–, J–, SCN– ionlaridir. Mor usuli hamma argentometriya usullari ichida eng oddiysi va eng anig`idir. Bu usulda ishchi eritma AgNO3 eritmasidir. Mor usuli asosida kumush ionlarining xlor yoki brom ionlari bilan o`zaro ta`sir reaksiyasi yotadi:
Ag+ + Cl– = AgCl↓
Kumush ionlari bilan qizil–qo`ng`ir Ag2CrO4 cho`kmasini hosil qiladigan K2CrO4 eritmasi indikatordir. Ishchi eritmaning titrini aniqlash uchun boshlang`ich modda NaCl yoki KCl eritmasidir. Mor usuli xlorid yoki bromidlarning miqdorini aniqlashga imkon beradi. Bu usul bilan yodidlar aniqlanmaydi, chunki cho`kmaga tushadigan AgJ K2CrO4 ni kuchli adsorbsiyalaydi, shuning uchun ekvivalent nuqtasini aniqlash mumkin emas.
Mor usulini qo`llash quyidagi shartlar bilan chegaralanadi:
a) Aniqlashni faqat neytral sharoitda olib borish mumkin, chunki kislotali muhitda Ag2CrO4 eriydi va titrlashning oxirini aniqlash qiyin bo`ladi. ishqoriy muhitda ham titrlash mumkin emas, chunki Ag2O cho`kmasi hosil bo`ladi:
2Ag+ + 2OH– = Ag2O↓ + H2O
b) Aniqlashni Ba2+, Bi3+, Pb2+ ionlari ishtirokida o`tkazib bo`lmaydi, chunki bu ionlar CrO42– ionlari bilan cho`kma hosil qiladi. Bundan tashqari, Ag+ ioni bilan qiyin eriydigan cho`kmalar hosil qiladigan PO43–, CO32– ionlari ishtirokida ham aniqlashni bajarib bo`lmaydi.
c) Titrlash hamma vaqt galogendan AgNO3 ga qarab olib boriladi (ya`ni galogen AgNO3 eritmasi bilan titrlanadi), faqat shu sharoitdagina Ag2CrO4 ning qizil g`isht rangli cho`kmasi ekvivalent nuqtasida hosil bo`ladi.
Mor usuli oziq–ovqat mahsulotlarini analiz qilishda keng ishlatiladi. Osh tuzining kolbasa, sho`r baliq, yog` va boshqa mahsulotlardagi miqdori hamda ichimlik suvidagi xloridni Mor usuli bilan aniqlanadi.
|
| |
