“O’zavtoyo‘l” davlat-aktsiyadorlik kompaniyasi boshqaruvi raisi o‘rinbosarining funktsional vazifalari

“O’zavtoyo‘l” davlat-aktsiyadorlik kompaniyasi boshqaruvi raisi o‘rinbosarining funktsional vazifalari

Kompaniya faoliyatini rejalashtirish, muvofiqlashtirish va nazorat qilish ishlarini, hududiy bo‘linmalar hamda respublikaning boshqa vazirliklari, idoralari va tashkilotlari bilan samarali hamkorligini tashkillashtiradi.

Kompaniyaga qarashli bo‘lgan va umumiy foydalanishdagi avtomobil yo‘llarini qurish, ta’mirlash va ulardan foydalanish bilan shug‘ullanadigan hamda moliyaviy-iqtisodiy masalalar bo‘yicha pudrat ishlarini amalga oshiradigan xizmat va tashkilotlarga maslahatlar beradi va uslubiy yordam ko‘rsatadi.

Kompaniya tarkibiy bo‘linmalarining umumiy foydalanishda bo‘lgan avtomobil yo‘llarini qurish, ta’mirlash va ulardan foydalanishni moliyalashtirish mexanizmini takomillashtirishga doir faoliyatlarini muvofiqlashtiradi, moliyalashtirish, soliq va statistika sohasidagi ishlarga rahbarlik qiladi va muvofiqlashtiradi.

Umumiy foydalanishdagi avtomobil yo‘llarini qurish, ta’mirlash va ulardan foydalanish sohasidagi respublika va tarmoq dasturlari, kontseptsiyalari, strategiyalari, investitsion dasturlari, rahbarlik hujjatlari, qonun va qonunosti hujjatlar loyihalarini ishlab chiqishni tashkil qiladi va bu jarayonda ishtirok etadi.

Kompaniya ijroiya apparatining moliyaviy-iqtisodiy faoliyati uchun shaxsan javob beradi.

O’zbekiston Respublikasi Oliy Majlisi, Prezident Apparati, Vazirlar Mahkamasi va boshqa davlat organlari uchun tegishli materiallar, takliflar va boshqa hujjatlarni tayyorlaydi.

Kompaniya Nizomiga muvofiq ravishda boshqa vakolatlarni amalga oshiradi.