Nizomiy nomidagi Toshkent davlat pedagogika universiteti Tillar fakulteti O'zbek tili va adabiyoti ta'lim yo'nalishi talabasi Umarova Madinabonuga tavsiyanoma

2022- 2023-o'quv yili davomida malakaviy-pedagogik amaliyot uchun maktabimizda o'zining namunali xulqi, odob-axloqi,bilimi saviyasi bilan boshqa amaliyotchi talabalardan ajralib turadi. Uning tirishqoqligi, yangiliklarga intilishi kelajakda yetuk kadr bo'lib yetishishidan dalolat beradi. Namunaviy darslarni tashkillashtirishda o'zining mehnat va mahoratini ayamaydi. Amaliyot davomida o'qituvchi pedagogik mahorati va dars o'tish jarayonlarini diqqat bilan o'zlashtirdi. O'quvchilar bilan til topishib, do'stona munosabatlarga kirishishga astoydil harakat qildi. Maktab ichki tartib qoidalari bilan tanishib, ularga amal qiladi. Me'yoriy hujjatlar hamda hujjat yuritish ishlarini tez o'zlashtirdi, jumladan, elektron jurnal kundalik.com bilan ishlash tartiblarini ham o'rgandi. Maktab miqyosida o'tkazilgan tadbirlarda ham qatnashdi. O'ziga biriktirilgan fan o'qituvchisining tashkiliy ishlarida ham ko'maklashib, ustozlardan bu masalalarda ko'plab yangi bilim va ko'nikmalarni orttirdi. Maktab jamoasi bilan ahil va do'stona munosabatda bo'ldi. O'quvchilarga nisbatan mehribon va talabchan munosabatda bo'lib, o'z fani bo'yicha zamonaviy va ilg'or bilimlarni yetkazib bera oldi. Talabamiz kelajakda yurtimizga xolis xizmat qilib, uning rivojiga o'z hissasini qo'shadigan yetuk mutaxassis bo'lib yetishishiga ishonch bildiramiz.