|
Ona tili darslarida o‘quvchi soz boyligini o‘stirish usullari
|
| bet | 1/11 | | Sana | 11.12.2023 | | Hajmi | 83.69 Kb. | | #115681 |
Bog'liq ONA TILI DARSLARIDA O 1710317656
ONA TILI DARSLARIDA O‘QUVCHI SOZ BOYLIGINI O‘STIRISH USULLARI
KIRISH.
ASOSIY QISM.
Ona tili darslarida nutq o‘stirish tamoyillari haqida.
Nutq – o‘quvchilarning faol va mustaqil fikrlashlarini shakllantiruvchi asosiy manba sifatida.
O‘quvchilarning faol va mustaqil fikrlashlarini shakllantirishda ularning nutqiga qo‘yiladigan talablar.
So‘zlarning aloqa – munosabat shakllarini o‘rgatish jarayonida nutq o‘stirish
O‘quvchilarining nutqini o‘stirishda interfaol va pedagogik texnologiyalarni qo‘llash
XULOSA.
FOYDALANILGAN ADABIYOTLAR RO‘YXATI.
K I R I S H
Mavzuning dolzarbligi. “Ta’lim to‘g‘risida”gi Qonun va Kadrlar tayyorlash milliy dasturida ko‘rsatilganidek yosh avlodni jismonan sog‘lom, ma’naviy yetuk, yuksak ma’naviyatli barkamol avlod etib tarbiyalashda barcha ta’lim sohalari kabi ona tili va boshlang‘ich ta’limning ham muhim ahamiyati bor. Chunki o‘quvchilarning ma’naviy kamol topishi ana shu davrdan e’tiboran shakllanadi. Shunday ekan, o‘quvchilar tafakkurini shakllantirishda ta’lim va tarbiyaning o‘rni muhimdir.
Ma’lumki, ota-bobolarimiz qadimdan bebaho boylik bo‘lmish ilmu-ma’rifat, ta’lim va tarbiya inson kamoloti va millat ravnaqining eng asosiy sharti va garovi deb bilgan” - deganida ham ta’lim va tarbiyaning inson ma’naviyatidagi o‘rniga to‘xtalgan desak mubolag‘a bo‘lmaydi. Ayniqsa, umumta’lim maktablari o‘quvchilarining ma’naviyat kamolotini o‘stirish, ularni mustaqil fikrlashga o‘rgatishda, nutq o‘stirish va noannanaviy dars o‘tishning o‘rni beqiyosdir. Badiiy asarlarni, she’riyatni, hikoya, roman va maqolalarni hamda matnlardagi so‘zlarni tahlil qilish, shu asosda matndagi so‘zlarning o‘z o‘rnida qo‘llanishini aniqlash va belgilab borish o‘qituvchidan katta bilim va salohiyatni talab etadi. Ishni tahlil qilish jarayonida biz darsliklardagi, badiiy asarlardagi, gazeta va jurnallardagi hamda she’riyatdagi matnlarni tahlil qilib, ularga ma’no va mazmun bag‘ishlagan narsa so‘zlar ekanligini ko‘rsatishga harakat qildik.
Biz ko‘pgina misollarda so‘zlardan va interfaol uslublar va pedagogik texnologiyalardan foydalanishni ham nazariy ham amaliy jihatdan yoritdik. Chunki har bir inson, ayniqsa, talaba va o‘quvchilar shaxsning ismini, predmetning nomini (ot so‘z turkumi orqali), rangini va sifatini (sifat so‘z turkumi), sonini va sanog‘ini (son so‘z turkumi orqali), harakarini va holatini (fe’l so‘z turkumi orqali) aniqlaydi. Shuningdek, gapda ravish, olmosh hamda yordamchi so‘z turkumlarining o‘z va muhim o‘rni bor. Bular esa nutq o‘stirishda bevosita ishtirok etadi. Bu esa ishimizning dolzarbligini belgilaydi.
|
| |
