| Axborotlar bilan ishlash kompetensiyasi:
axborot manbalaridan (ommaviy axborot vositalari: jurnal, gazeta, televizor, radio audio-video yozuv, kompyuter) foydalana oladi. Internet-saytlardan musiqaga oid ma’lumotlarni topa oladi va ularni tahlil qila biladi.
O‘zini o‘zi rivojlantirish kompetensiyasi:
o‘qib-o‘rganish uchun fan to‘garagiga qatnashadi, bilimini mustaqil ravishda oshirib boradi, o‘zining qiziqishlariga ko‘ra qobiliyatlarini namoyon qila oladi.
Ijtimoiy faol fuqarolik kompetensiyasi:
Vatan, oila, mahallasining tarixini, o‘zining fuqarolik burch va huquqlarini biladi.
Milliy va umummadaniy kompetensiya:
madaniy-axloqiy me’yorlarga amal qiladi, sog‘lom turmush tarziga amal qiladi, umumbashariy ahamiyatga ega bo‘lgan urf-odatlar, marosimlarni biladi.
Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
musiqaga oid ijtimoiy munosabatlarda o‘zlashtirgan bilimlarini (ritm, metr, o‘lchov, tovushlar oralig‘i va balandligi) qo‘llagan holda fikr bildira oladi, turli chizmalardan foydalana oladi, mustaqillik yillarida mamlakatimizdagi barcha sohalarda o‘sish sur’atlarini biladi, 2/4, 3/4, 4/4 o‘lchovlarida kuylashda takt sanoqlarini hisoblay oladi. Shashmaqom tarkibidagi maqomlar sonini biladi. Qashqarcha usulining zarblar sanog‘ini biladi.
Nazorat ishi. (1 soat)
Mavzularni o‘rganish uchun - 30 soat
Nazorat ishi uchun - 4 soat
Jami - 34 soat
|
