| Jamoa bo‘lib kuylash kompetensiyasi:
turli tuzilishdagi qo‘shiqlarni sof ohangda kuylab, turli dinamik belgilarida artikulyatsiya apparatini faol va to‘g‘ri ishlatib, qo‘shiqlar so‘z ma’nolarini tushunib, ifodali kuylay olish layoqatiga ega bo‘ladi, o‘rganilgan qo‘shiqlarni so‘z ma’nolarini anglagan holda ifodali ijro eta olish, ayrim qo‘shiqlarni cholg‘u asbobi jo‘rligida kuylay olish, kuylashda ansambl hosil qilish layoqatlariga ega bo‘ladi.
Musiqa tinglash va tahlil qilish kompetensiyasi:
musiqani diqqat bilan tinglab, idrok etish ko‘nikmalariga ega bo‘lib, tovush tembridan cholg‘ularni ajrata olish, tinglovchi madaniyatiga ega bo‘lish, o‘zbek musiqa madaniyati namunalari vositasida vatanparvarlik, milliy g‘urur va iftixor tushunchalariga ega bo‘ladi, turli xarakter va janrdagi musiqiy asarlarni tinglash bilan birga, unda qo‘llanilgan turli cholg‘ularning ifoda vositasida aks etgan badiiy obrazlarni tasavvur qila oladi, maqom, dostonlar, zamonaviy musiqa ijodi, xalq sozanda va xonandalari ijodi, kino musiqa namunalaridan tinglaganda idrok etib, fikr bildira oladi.
|
