71
Suriluvchi vergulli 128 bitgacha kengaytirilgan operatsiyalar registri va
axborotlarni uzatish uchun qo‗shimcha registr mavjud, u mikroprotsessorning
suriluvchi vergulli operatsiyalarni va multimediali ilovalarni bajarishida
unumdorligini oshiradi.
Oqimli SIMD kengaytirish SSE3
SSE2 SIMD–kengaytirishga 144 ta ko‗rsatma qo‗shilgan, SSE3 SIMD–
kengaytirishga esa 13 ta ko‗rsatma qo‗shilgan, u multimediali oqimlarni
sinxronlashtirishni (uyg‗unlashtirishni) yaxshilaydi, yana video va audio axborotlar
hamda tovush va grafik bilan ishlashda unumdorlikni oshiradi.
RAID texnologiyasi
Ko‗pchilik mikroprotsessorlar Intel RAID (Redundant Array Intensive
Disk–massiv nedorogix diskov s izbitochnostyu, qimmat bo‗lmagan ortiqchalikka
ega disklar massivi) texnologiyasini quvvatlaydilar. Bu texnologiyaning afzalligi
RAID–massivlarini tashkillashtirishning soddaligi, bir necha parallel ishlovchi va
bir-birini takrorlovchi venchesterlarning borligi: ikkita disk bir-biridagi axborot
ko‗zgusimon nusxasini saqlaydi, buning natijasida esa axborotlarni yo‗qolish
ehtimolini kamaytiriladi va muhim axborotning saqlanishi ta‘minlanadi. Disklar
o‗rtasidagi ulanishlar juda tez, foydalanuvchiga sezilmaydigan darajada amalga
oshiriladi, axborotlarni sinxronlash va verifiksiyalashni tizim o‗z zimmasiga olgan.
