|
O‘zbekiston respublikasi oliy ta’lim, fan va innovatsiyalar vazirining buyrug‘I
|
| bet | 1/2 | | Sana | 09.02.2024 | | Hajmi | 2,01 Mb. | | #153919 |
Bog'liq 48-сон баёнга буйруқ бланка
O‘ZBEKISTON RESPUBLIKASI
OLIY TA’LIM, FAN VA INNOVATSIYALAR VAZIRINING
BUYRUG‘I
|
2024 - yil «_____» __________ _______-son Toshkent shahri
9 yanvar 6
Oʻzbekiston Respublikasi Prezidenti Sh.M.Mirziyoyev rahbarligida 2023-yil 20-dekabr kuni kengaytirilgan tarzda oʻtkazilgan videoselektor yigʻilishining 48-sonli bayonida belgilangan vazifalar ijrosini taʼminlash hamda sohani raqamlashtirish ishlarini yanada jadallashtirish toʻgʻrisida
|
|
Oʻzbekiston Respublikasi Prezidenti Sh.M.Mirziyoyev rahbarligida 2023-yil
20-dekabr kuni “Tarmoq va hududlarda axborot texnologiyalarini rivojlantirish hamda davlat boshqaruvini raqamlashtirish boʻyicha ustuvor vazifalar toʻgʻrisida” kengaytirilgan tarzda oʻtkazilgan videoselektor yigʻilishining 48-sonli bayonida belgilangan vazifalar ijrosini taʼminlash hamda sohani raqamlashtirish ishlarini yanada jadallashtirish maqsadida
B U Y U R A M A N :
1. Oʻzbekiston Respublikasi Prezidenti Sh.M.Mirziyoyev rahbarligida 2023-yil 20-dekabr kuni “Tarmoq va hududlarda axborot texnologiyalarini rivojlantirish hamda davlat boshqaruvini raqamlashtirish boʻyicha ustuvor vazifalar toʻgʻrisida” kengaytirilgan tarzda oʻtkazilgan videoselektor yigʻilishining 48-sonli bayoni rahbarlik va ijro uchun qabul qilinsin.
2. Oʻzbekiston Respublikasi Prezidentining 2020-yil 5-oktabrdagi ““Raqamli Oʻzbekiston – 2030” strategiyasini tasdiqlash va uni samarali amalga oshirish
chora-tadbirlari toʻgʻrisida”gi PF-6079-son Farmoni hamda mazkur Bayonga muvofiq oliy taʼlim, fan va innovatsiyalar vazirning birinchi oʻrinbosari K.H.Karimovga raqamlashtirish boʻyicha oʻrinbosar (Chief Digital Officer) vakolatlari yuklatilsin hamda 2024-yil davomida ish vaqtining asosiy qismini oliy taʼlim, fan va innovatsiyalar sohasini raqamlashtirishga safarbar etsin.
3. Axborot-kommunikatsiya texnologiyalarini joriy etish va raqamlashtirish boshqarmasi (X. Sultanov) 2024-yilning 10-yanvariga qadar oliy, oʻrta maxsus, professional taʼlim sohasini 2024-yilda raqamli transformatsiya qilish boʻyicha
chora-tadbirlar dasturiga takliflar ishlab chiqsin hamda Raqamli texnologiyalar vazirligiga taqdim etsin.
4. Vazirlik departament, boshqarma va boʻlim boshliqlari, tizim tashkilotlari rahbarlari bir oy muddatda oʻz funksional vazifalaridan kelib chiqib, sohani raqamlashtirishga qaratilgan asoslantirilgan takliflarni ishlab chiqsin hamda
Axborot-kommunikatsiya texnologiyalarini joriy etish va raqamlashtirish boshqarmasi (X. Sultanov) bilan kelishgan holda vazirlik rahbariyatiga kiritsin.
5. Oʻzbekiston Respublikasi Prezidenti Sh.M.Mirziyoyev rahbarligida 2023-yil 20-dekabr kuni kengaytirilgan tarzda oʻtkazilgan videoselektor yigʻilishining 48-sonli bayonida Oliy taʼlim, fan va innovatsiyalar vazirligi zimmasiga yuklatilgan vazifalar ijrosini taʼminlashga qaratilgan “Nazorat-rejasi” 1-ilovaga;
Oliy taʼlim, fan va innovatsiyalar vazirligi tomonidan koʻrsatilayotgan davlat xizmatlarini Yagona interaktiv davlat xizmatlari portalida joriy etish boʻyicha
“Chora-tadbirlar rejasi” 2-ilovaga muvofiq tasdiqlansin.
6. Moliya-iqtisodiyot va investitsiyalar boshqarmasi (M. Xamrayev) mazkur buyruqning 2-ilovasida belgilangan vazifalarni amalga oshirish uchun mas’ul ijrochilarning asoslantirilgan hisob kitoblariga asosan zarur mablagʻlarni ajratish choralarini koʻrsin.
7. Barcha oliy taʼlim muassasalari rektorlari va filiallar direktorlari:
|
| |
