Taqrizchilar: Mamarajabov M.E. Nizomiy nomidagi Toshkent davlat
pedagogika universiteti Informatika kafedrasi mudiri,
pedagogika fanlari nomzodi, dotsent.
Toshtemirov D.E., Guliston davlat universiteti
Amaliy matematika va axborot texnologiyalari
kafedrasi dotsenti, pedagogika fanlari nomzodi.
© GulDU, 2022.
3
KIRISH
Bugungi kunda Internet olamiga faqatgina kompyuterlar bilan emas, balki
uyali telefon aloqa texnologiyalari yordamida ham kirish oddiy holga aylandi.
Shuningdek, hozirgi globallashgan davrda har tomonlama takomillashtirilgan
vositalar va kashfiyotlar ham sinovdan o‘tkazilmoqda. Global kompyuter tarmog‘i
bugungi kungacha ma’lum bo‘lgan barcha axborot manbalaridan (telefon, pochta,
televidenie, radio, matbuot nashrlari va boshqalar) farqli holda, o‘z
foydalanuvchilariga har qanday ma’lumotni istalgan shakl va ko‘rinishda, ularning
qiziqish va xohishlariga qarab, alohida tanlov asosida uzatish va olish uchun qulay
imkoniyat yaratib kelmoqda.
Web dizayn fani 60110600 – Matematika va informatika ta’lim yoʻnalishida
tahsil olayotgan talabalar uchun moʻljallangan bo‘lib, fanni o‘qitish natijasida
bo‘lajak informatika o‘qituvchilari web-saytlar yaratishda qo‘yiladigan talablar,
dasturiy vositalar va ularning tasnifi, ulardan foydalangan holda web-saytlar
yaratishga oid bugungi kunning zamonaviy bilimlari bilan qurollantirishga e’tibor
qaratiladi.
Web dizayn fanini o‘qitishdan maqsad - informatika o‘qituvchisining kasbiy
sohasida egallashi lozim web-dizaynga oid bo‘lgan bilimlar va amalda qo‘tlash
uchun ko‘nikma va malakalarni shakllantirish va rivojlantirishdan iborat. Unda har
bir kasb egasining faoliyati kerak bo‘lgan tayanch nazariy va amaliy ma’lumotlami
o‘z ichiga oladi.
Web dizayn fanining vazifasi:
- Web texnologiyalar asoslari bilan tanishtirish;
- zamonaviy axborot texnologiyalari orqali olinayotgan ma’lumotlarning qanday
hosil qilinishi va ulardan foydalanish haqida ma’lumotlarni berish;
- Web saytlarni hosil qiluvchi dasturlar va dasturlash tillari bilimlari bilan
tanishtirish:
- Flash muhitida oddiy va interfaol animasiyalar, flash saylar yaratishga o‘rgatishdan
iborat.
|
