Bu borada amaliy koʻnikmalar hosil qilish uchun boʻsh katakni
ajrating va unga =10+5 ni kiriting, Enter tugmachasini bosing.
Katakda 15 ifodasi (raqami), formulalar qatorida esa formulaning
oʻzi paydo boʻladi. Formulalarda sonlar bilan birga kataklarning
ishoralar deb ataluvchi manzillarni ham ishlatish mumkin.
Kataklarga ishoralarni oʻz ichiga olgan formulalarni tuzar ekansiz,
siz formulani kitobning kataklari bilan bogʻlaysiz. Formulaning
ifodasi katakning ichida mavjud boʻlgan ma’lumotlarga bogʻliq
boʻladi va u katakning ichidagi ma’lumotlar oʻzgarishiga qarab
oʻzgaradi.
Misol: =A1*2
Arifmetik amallar:
+ – qoʻshish.
– – ayirish.
* – koʻpaytirish.
/ – boʻlish.
^ – darajaga oshirish.