1.2. Bir cho‘michli ekskavatorlar. Klassifikatsiyasi va indeksatsiyasi.
Ekskavator (exavo) so‘zi lotin tilidan olingan bo‘lib, bir joyga to‘xtovsiz urish, urib ajratib olish ma’nolarini beradi.[4]
BCHElar asosan tuproq ishlarini bajarishga mo‘ljallangan davriy ishlaydigan mashinalardir. Bundan tashkari ular ortish-tushirish, ustunkozik qoqish va boshka ko‘pgina ishlarda birorta almashlab ishlatiluvchi ish jihozi bilan ham ishlatiladilar.
BCHElar bilan engil va o‘rta qattiqlikdagi tuproqlar to‘g‘ridan-to‘g‘ri hamda qattiq toshli va muzlagan tuproqlar oldindan yumshatilib yoki portlatib qaziladilar.
BCHElar qurilishning barcha sohalarida qo‘llaniladilar, jumladan suv xo‘jaligi, sanoat, fukaro, yo‘l qurilishlari va boshkalarda.
Suv xo‘jaligi qurilishida ularni kanallar qazishda, suv omborlari, nasos stansiyalari qurilishlarida, damba va ko‘tarmalar hosil qilishda, qum, shag‘allarni qurilish materiallari sifatida qazib olishda, yuklash-tushirish ishlarida va boshka ko‘pgina ishlarda ishlatadilar.[4]
BCHE larning o‘ttizdan oshiq almashlab ishlatuvchi ish jihozlari mavjud. Bo‘lardan asosiylari: to‘g‘ri va teskari cho‘michlar, draglayn, greyfer va krandir.
|
