1.1. Buxoro viloyati sug‘oriladigan yerlarning meliorativ holati
Buxoro viloyati O’zbekistonning janubi-g`arbida joylashgan. Qizilqum cho’li Buxoro viloyati hududining katta qismini egallaydi. Viloyatning umumiy maydoni – 39 400 kvadrat kilometr. Viloyat tub kontinental, quruq iqlimga ega. Viloyat aholisi taxminan 1 543,9 ming kishiga teng, shundan qariyb 68 foizi qishloq joylarida, 32 foizi shaharlarda yashaydi. Viloyat 11 ma’muriy tumanlardan iborat. Viloyatning ma’muriy markazi – Buxoro shahri bo’lib, uning aholisi taxminan 263 400 kishidir. Viloyatning boshqa yirik shaharlari – G`ijduvon, Romitan va Kogondir.
Buxoro viloyatining sug’oriladigan yerlari saxro mintaqasiga xos bo’lib, qadimdan sug’oriladigan o’tloqi allyuvial, o’tloqi-sahro va o’tloq-taqirli, o’tloqi-botqoq tuproqlar keng tarqalgan. Yuqorida keltirilgan tuproq turlarining maydoni 1- jadvalda keltirilgan.[3]
|