V. Nomzodlar bilan suhbat o‘tkazish

10. 
    Komissiya qaroriga muvofiq suhbatlashish bosqichiga kiritilgan nomzodlar bilan suhbat o‘tkazish qaror qabul qilingan kundan ikki ish kunidan kam bo‘lmagan muddatda o‘tkaziladi. Suhbatlashish bosqichini o‘tkazish sanasi va unga kiruvchilar ro‘yxati nomzodlarni baholash (testlash) bosqichi natijalarini e’lon qilish vaqtida ma’lum qilinadi.
    
11. 
    Suhbatlashish Komissiya a’zolari tomonidan o‘tkaziladi. Komissiya a’zolari tomonidan har bir nomzodga da’vogarlik qilayotgan bo‘sh lavozim yo‘nalishiga muvofiq vazifalaridan kelib chiqqan holda savollar beriladi hamda javoblari baholanadi.
    
12. 
    Har bir nomzod bilan o‘tkazilgan suhbat natijasi bo‘yicha suhbatlashish varaqasi mazkur Tartibning 1-ilovasida keltirilgan D-shaklga muvofiq to‘ldiriladi.
    
13. 
    Suhbatlashish varaqasida Komissiyaning har bir a’zosi quyidagi karorni ko‘rsatadi:
    

muayyan muddatga mehnat shartnomasini tuzish tavsiya etilsin;

kadrlar zaxirasiga kiritish tavsiya etilsin;

mehnat shartnomasini tuzish tavsiya etilmasin.

10. 
    Nomzod bilan mehnat shartnomasini tuzish (yoki mehnat shartnomasini muayyan muddatga tuzish yoki mehnat shartnomasini tuzmaslik) to‘g‘risida yakuniy qaror Komissiya raisi tomonidan qabul qilinadi.