|
IV. Amaliy mashg`ulot (35 daqiqa): (
|
| bet | 34/37 | | Sana | 24.05.2024 | | Hajmi | 1,01 Mb. | | #251920 |
Bog'liq 1BT Xolova QunduzIV. Amaliy mashg`ulot (35 daqiqa): (Texnologik ma`lumotlarni o`rganish, tahlil qilish va amaliyotda qo`llay olish. Xavfsiz mehnat usullarini bajarish.Mahsulotlarni loyihalash va tayyorlay olish) o`qituvchi o`quvchilarga turli ko`rinish va o`lchamga ega bo`lgan yarim tayyor mahsulot namunalarini beradi. O`quvchilar yo`g`ochdan tayyorlangan yarim tayyor mahsulotlarga egov yordamida ishlov berishni o`rganadilar.
Masalan, brusokning yuza qatlamlariga egov yordamida ishlov berish ish ketma-ketligi quyidagi tartibda amalga oshiriladi:
1. Brusokni egovlash va pardozlash uchun ish o`rnini tashkil qilish.
2. Ish o`rniga kerak ish qurollarini belgilangan tartib asosida joylashtirish.
3. Asbob-uskuna va moslamalarning sozligini tekshirish.
4. Uzunligi 25-30 sm bo`lgan brusokni tanlab olish.
5. Brusokni tiskiga mahkamlab o`rnatish.
6. Ishlov beriladigan sirtning shakliga qarab tegishli egov turlarini (yassi, rombsimon, uch qirrali, kvadrat, yumaloq, yarim yumaloq) tanlash.
7. Maxsus yog`och egovlar asosida so`ngi ishlov berish.
8. Ishni yakunlash va ish o`rnini yig`ishtirish.
Egovlash vaqtida rioya qilinadigan xavfsizlik texnikasi qoidalari quyidagilardan iborat:
1. Egovlash vaqtida dastgohlar qo`zg`almaydigan qilib o`rnatilishi kerak.
2. Egovlash vaqtida tiskini kerak vaziyatga burgandan so`ng taglikka puxta mahkamlash lozim.
3. Faqat mustahkam bo`lgan dastali egovdan foydalanish kerak. Dastasiz yoki yoriq dastali egovlardan foydalanish mumkin emas.
4. Egovlash vaqtida hosil bo`lgan qirindilarni puflab tozalamaslik kerak. Aks holda yog`och qirindisi ko`zga tushishi mumkin.
5. Egovlangan sirtni qo`l bilan tozalash va silliqligini tekshirish qat`iy man etiladi, chunki egovlash natijasida yog`och sirtida hosil bo`lgan qirindi qo`lni jarohatlaydi.
6. Egovni qirindidan tozalash uchun uni tiskiga yoki metall qismlarga urmaslik kerak. Bu egov tishlarining sinishiga sabab bo`ladi.
7. Egov tishlari orasiga kirib qolgan yog`och qirindilarni maxsus cho`tka bilan tozalash kerak. Qo`l bilan tozalashga ruxsat etilmaydi.
|
| |
